Þvílík sóun á peningum.

Þessi múr er sogleg sóun á peningum sem mætti nota til góðra verka í stað múrbyggingar. Það að byggja múra millil fólks hefur aldrei leitt til góðs. Vinnuframlag ólöglegra innflytjenda í Bandaríkjunum er mikilvægt fyrir bandarískan efnahag og mun leiða til skaða fyrir efnahaginn ef þeim verður fækkað. Að sama skapui er glæpatíðni lægri hjá innflytjendum í Bandaríkjunum heldur en innfæddum þannig að þetta mun ekki minnka glæpatíðni. Þessi múrbygging er því eins mikil sóun á skatté í Bandaríkjunum að það hálfa væri nóg.

Landamæraveggurinn kominn í útboð

Sorglegt hvernig komið er fyrir Tyrklandi.

Það er sorglegt hvernig komið er fyrir Tyrklandi í dag. Það er ekki nóg með að landið sé að fara´út úr hópi rauverulegra lýðræðisríkja og ríkja sem virða málfrelsi heldur stefnir það líka í að fara úr hópi þeirra ríkja sem viðhafa siðað réttarfar yfir í hóp þeirra ríkja sem beita dauðarefsingum.

Þetta sýnir okkur svo ekki verði um villst að ríki eru aldrei nema einum kosningum frá fasisma. Þess vegna verða kjósendur að vera á vaðrbergi gagnvart öflum sem gætu leitt slíkt yfir þá. Þess vegna er uppganga þjóðernispoppúlistaflokka í Evrópu mikið áhyggjuefni.

Gerir ráð fyrir dauðarefsingum á ný

Fáránleg tillaga rannsóknarnefndarinnar.

Þetta er fáránleg tillaga nefndarinnar. Það er fjöldi manna sem hjólar á fjölakreina stofnbrautum á hverjum degi en þetta er eina banaslysið á hjólreiðamanni hér á landi á þessari öld. Það er því alveg ljóst að það er margt sem er heimilt sem er hættulegra en að hjóla á fjölakreina stofnbrautum. 

Það er einnig út í hött og verulega ámælisvert hjá nefndinni að tala um aðgæsluleysi hjá hjólreiðamanninum og þannig kenna honum að hluta til að minnsta kosti um slysið. Það kemur fram í skýrslunni að hann var með rautt blikkljós undir hnakki og þau sjálst vel í mörg hundruð metra fjarlægð í myrkri. Það er því ljóst að það var aðgæeluleysi og hraðakstur ökumannsins sem voru orsakir slyssins en ekki eitthvað sem hjólreiðamaðurinn gerði rangt.

Ef farið verður eftir þessari tillögu þá gerir það mönnum erfiðara fyrir að nota reiðahjól til samgangna. Oft eru ekki neinar aðrar leiðir til staðar sem eru jafn góðar og stofnbrautirnar til að komast milli staða. Aðrar leiðir eru oft mun krókóttari og me meiri hæðabrytingum en stofnbrautirnar og henta því verr fyrir hjólreiðamenn. Einnig eru stofnbrautirnar oftast mun betur ruddar þegar snjóar og eru því bestu samgöngumannvirkin til að nota við hjólreiðar og stundum einu færu leiðirnar fyrir reiðhjól. Vilji menn fá hjólreiðamenn af stofnbrautum þá eru boð og bönn ekki rétta leiðin heldur að búa til aðra valkosti fyrir þá sem eru í það minnsta jafn góðir og stofnbrautirnar og eru jafn vel ruddar þegar snjóar.

Vandamálið er ekki hjólreiðamenn á stofnbrautum heldur ökumenn sem ekki taka tillit til hjólreiðamanna eða eru ekki með athyglina í lagi. Það eru bílarnir sem eru slysavaldarnir og það þarf að taka á þeim þar með talið að takmarka aksturshraða þeirra en ekki skerða ferðafrelsi annarra vegfarenda.

Vilja skoða að banna hjólreiðar á fjölakreina vegum í þéttbýli

Stríð gegn mannúð til að þóknast fjármálaöflum.

Þessi aðgerð er gegn allri mannúð og allri skynsemi. Þetta er einungis gert til að auka gróða þeirra sem reka sjúkratryggingafélög í Bandaríkjunum og til að hægt sé að lækka skatta á ríkasta hluta landsmanna. Þetta er gert á sama tíma og útgjöld eru aukin til hersins en minnkuð til þróunaraðstoðar.

Það sorglega við þetta er að sennilega hefur stór hluti þessara 14 milljóna manna kosið Trump án þess að átta sig á því hvað þeir voru að kjósa yfir sig með því. Og það er einnig sorglegt að þessi forkastanlega aðgerð er framkvæms af manni sem fékk ekki flest atkvæðið í kostningu um heldur vann út á sérstakt kjördæmakerfi í Bandaríkjunum.

14 milljón manns missa sjúkratryggingu

Bann við Airbnb kallar bara á fleiri hótelbyggingar

Bann við Airbnb kallar bara á fleiri hótelbyggingar og þá verða færri iðnaðarmenn á lausu til að byggja íbúðarhús. Fólk sem þrengir að sér á sumrin meðan ferðamannastraumurinn er mestur er að minnka vandann bæði hvað varðar íbúðahúsnæði og herbergi fyrir ferðamenn og er því hluti af lausninni en ekki vandanum. Þar að auki skapar þetta miklum fjölda venjulegra heimila tekjur sem þau annars hefðu ekki.

Lausninn felst í því að sveitafélög og ríkið standi fyrir stofnun óhagnaðardrifinna (non profit) leigufélaga og að meirihluti leigumarkaðarins verði á hendi slíkra félaga. En á það hefur Sjálfstæðisflokkurinn ekki viljað heyra minnst enda eru eigandur leigurisanna meðal áhrifamanna í þeim flokki.

Bann við Airbnb lausn á vandanum