Helsta boðorðið varðandi tölfræðilegar ályktanir brotið í fyrirsögn fréttarinnar.

Miðað við það, sem fram kemur í fréttinni þá er helsta boðorð varðandi tölfræðilegar ályktanir brotið í fyrirsöng fréttarinnar. Það kemur fram í fréttinni að líklegra sé að maður, sem fer snema á fætur fái hjarta- eða æðasjúkdóm. Það kemur einnig fram í fréttinni að eldra fólk er líklegra til að fara snemma á fætur en yngra fólk í könnuninni. Það hljóta allir að vita að eldra fólk er líklegra til að fá hjarta- og æðasjúkdóma en yngra fólk. Það er því engan vegin hægt að álykta út frá þessari niðurstöðu að það auki hættuna á hjarta- eða æðasjúkdómum að fara snemma á fætur.

 

Það er eitt af aðalboðorðunum í sambandi við tölfræðilegar ályktanir að þó tölfræðilega marktækt samband sé milli tveggja þátta þurfi annar ekki að vera afleiðing af hinum heldur geta þeir báðir verið afleiðing af einhverjum þriðja þætti. Í þessari frétt virðist slíkt einmitt blasa við. Þeim mun eldri, sem maður er er líklegra að hann fari snemma á fætur. Það er einnig líklegra að maður fái hjarta- eða æðasjúkdóma því eldri, sem maður er. Með öðrum orðum. Með aldrinum aukast líkurnar á að menn fái hjarta- eða æðasjúkdóma og einnig er líklegra að menn fari snemma á fætur.

 

Það er því hærri aldur, sem veldur bæði því að menn fái frekar hjarta- eða æðasjúkdóma og einnig að þeir séu líklegri til að fara snemma á fætur og þess vegna er tölfræðilega marktækt samband milli þess að fara snemma á fætur og að fá hjarta- eða æðasjúkdóma. Það er því hærri aldur, sem er orsökin fyrir báðum þessum þáttum en hvorugur þeirra orsakar hinn.

Óhollt fyrir hjartað að fara snemma á fætur

Athugasemdir

[Þorsteinn Ingimarsson (IP-tala skráð) 7.9.2007 kl. 16:48]

heyrðu siggi , þurftirðu nú endilega að skemma þetta, ég er búinn að vera að veifa þessari rannsókn framan  vinnuveitandann í allann morgunn