Herskáir?????

Hvað ætli blaðamaðurinn, sem skrifaði greinina, hafi fyrir sér í því að Palestínumennirnir, sem féllu í þessari árás hafi verið "herskáir"?

 

Ætli hann hafi eitthvað áþreifanlegt fyrir sér í því eða er þetta lapið upp eftir áróðursmeisturum Ísrela? Þegar maður ber saman fréttir í Morgunblaðinu og öðrum miðlum af átökunum í Miðausturlöndum þá hef ég það á tilfinningunni að Morgunblaðið leitist við að draga taum Ísraela í fréttaflutningi sínum.

 

Ég er ekki að halda því fram að þessir tilteknu menn hafi ekki verið það, sem kalla mætti "herskáir". Ég er aðeins að segja það að nokkrum klukkustundum eftir atburðin er frekar ólíklegt að ljóst sé hvort um Palestínska andspyrnumenn hafi verið að ræða eða óbreytta borgara. Þetta orð "herskáir" er yfirleitt notað í fréttum í Morgunblaðinu þegar Palestínumaður er felldur án þess að nokkuð komi fram í fréttinni, sem rennir stoðum undir að viðkomandi hafi í raun verið vopnaður eða tekiðn á einhvern hátt þátt í frelsisbaráttu Palestínumanna.

Tveir létust á Gaza

Athugasemdir

[Einar Steinn (IP-tala skráð) 1.10.2007 kl. 03:20]

Við þetta má svo bæta gagnrýni á oðralagið "létust". Það gæfi til kynna að þeir hefðu dáið af náttúrulegum orsökum, eða að dauði þeirra hefði nú bara verið "óheppilegur fylgifiskur" árásarinnar. "Féllu" eða "voru felldir" er meira að segja varhugavert. Hvað er einfaldlega að því að segja að menn hafi verið drepnir?