Þessi samanburður er út í hött.

Það þarf enga spekinga til að vita það að lán, sem borgað er mun hraðar niður í upphafi lánstímans, er með lægri heildargreiðslu en lán, sem greitt er hægar niður í upphafi, vegna þess að með hraðari niðurgreiðslu á fyrri hluta lánstímans lækkar meðalhöfuðstól lánsin og þar með þann stofn, sem vaxtagreiðslan er reiknuð af.

 

Það að vera saman lán með vel rúmlega tvöfaldri greiðslubyrði í upphafi lántímans beint saman við veðtryggða lánið er samanburður á eplum og appelsínum. Það er lágmakskrafa að reikna innlánsvexti á mismunin þegar slíkur samanburður er gerður til að hægt sé að tala um raunhæfan samanburð. Hafi lántaki greiðslugetu fyrir óverðryggða lánið þá hefur hann getu til að leggja mismunin á greiðslubyrði verðtryggða og óverðtryggða lánsins inn í banka.

 

Einnig væri hægt að gera samanburðin milli verðtryggða og óverðtryggða lánsins miðað við að sá, sem væri með verðtryggða lánið myndi greiða af því sömu upphæð og hann þyrfti að greiða af óverðtryggða láninu og væri þar með að greiða meira af því en hann þarf. Það kæmi reyndar ekki eins vel út gagnvart láni með uppgreiðsluálagi og láni án þess en væntanlega kæmi það mun betur út en óvertryggt lán með 15,75% vöxtum.

 

Svo má einnig benda á það að vilji menn greiða lánin hraðar niður í upphafi lánstímans en gert er með hefðbundnum lánum Íbúðalánasjóðs þá bjóða flestir lífeyrissjóðir og sumir bankarnir upp á þann valkost að taka afborgunarlán í stað jafngreiðsluláns. Þar er um að ræða lán með föstum afborgunum og þar af leiðandi lækkandi greiðslubyrði með lækkandi vaxtabyrði í kjölfar lækkandi höfuðstóls.

 

Svo er vert að benda á að þessi óiverðtryggðu lán eru með breytilegum vöxtum, sem munu fara upp úr öllu valdi ef verðbólga eykst. Greiðslubyrði þeirra mun þá aukast mun meira en greiðslubyrði verðtryggðu lánanna.

 

Að endingu er vert að minnast á það að há greiðslubyrði í upphafi lánstíma húsnæðilána hefur oft tilhneygingu til að færast yfir í skammtímalán eins og yfirdráttarlán og þá fer vaxtabyrðin að bíta fast.

Hagstæðara að taka óverðtryggt lán

Athugasemdir

[Marta B Helgadóttir, 17.11.2007 kl. 14:24]

Sammála þessu hjá þér.

[Páll Sæmundsson (IP-tala skráð) 17.11.2007 kl. 15:00]

Flott andsvar hjá þér.

Þessi frétt á mbl er mesta afbökun sem ég hef séð í lengri tíma. Það hefði ekki sakað að höfundur fréttar hefði haft einhvern vott af þekkingu um það sem hann var að fjalla um.

Spurning hvaða traust maður á að bera til fréttaflutnings á mbl í framtíðinni.

[Nafn Hvað (IP-tala skráð) 17.11.2007 kl. 20:20]

Það á ekki að leyfa svona bloggtengingar við fréttir, þarna var þessi líka fínasta auglýsing fyrir hina ýmsu lánaflokka bankana og svo tekur sig til einhver óbreyttur pési út í bæ, rakkar hana niður og gerir hana ótrúverðuga. Það kostaði góða peninga að láta skrifa þessa grein og ástæður greinarhöfunds fyrir ritun hennar voru virðingarverðar þeas að auka hagnað bankanna en með þessari bloggtengingu þá er greinin orðin nánast 100% verðlaus, það þarf að hætta þessum bloggtengingum við fréttir þegar í stað.