Mjög gott lagafrumvarp nema þetta með "ofbeldisákvæðið".

Í heild virðist mér þetta lagafrumvarp vera til mikilla bóta. Ég er þó á móti því að láta það skipta máli þegar ákveða á hvort erlendur ríkisborgari fái áframhaldandi dvalarleyfi hvort hann hefur sætt ofbeldi af hálfu maka síns eða ekki. Fyrir því eru tvær ástæður.

 

Veigaminni ástæðan er sú að það getur margt annað en ofbeldi að hálfu maka gert hjónaband óbærilegt. Af hverju að mismuma útlendingum í óbærilegu hjónabandi eftir því hvað gerir það óbærilegt. Einnig er mjög erfitt að sanna andlegt ofbeldi, sem oft getur jafnvel verið verra en líkamlegt ofbeldi.

 

Veigameiri ástæðan er hins vegar sú að þetta getur eða öllu heldur mun nær örugglega leiða til þess að eihver hóðpur Íslendinga mun að ósekju vera ásakaður af erlendum maka sínum um ofbeldi gagnvart honum. Þó sú ásökun verði væntanlega aldrei sönnuð þá getur hún sett blett á mannorð viðkomandi. Þann blett er þá ólíklegt að hann geti nokkurn tímann máð af sér. Þar fyrir utan er líklegt að þau tilfelli þar, sem hægt er að sýna fram á að ásakanir um ofbeldi séu tilhæfulausar, verði til þess að gera stöðu þeirra verri, sem raunverulega verða fyrir ofbeldi.

 

Ég tel að betra væri að setja stytta þá tveggja ára reglu, sem á að vera hægt að horfa framhjá ef um ofbeldi er að ræða, niður í eitt ár. Síðan er til viðbótar í lögum ákvæði um að hægt sé að veita áframhaldandi dvalarleyfi af mannúðar- eða sanngirnissjónarmiðum.

Ungir jafnaðarmenn styðja frumvarp um réttarstöðu útlendinga