Þarna talar Rice eins og það séu bara Palestínumenn, sem beiti ofbeldi.

Rice talar þarna eins og hún hafi skilning á málefnum miðausturlanda vegna þess að hún ólst á sínum tíma upp, sem svört kona í suðurríkjum Bandaríkjanna. Hún talar meðal annars um það að hún skilji það hvernig það er fyrir Ísraela að sofa og vita ekki hvort þeir eigi eftir að slasast í sprengingu næsta dag. Hún talar eins og það séu bara Ísraelar, sem þurfa að lifa við þetta þegar staðreyndin er sú að það hafa miklu fleiri Palestínumenn lent í þessu heldur en Ísraelar. Það hafa nefnilega mun fleiri saklausir Palestínumenn fallið fyrir flugskeytum ísraelska hersins og sprengjum úr skriðdrekum þeirra heldur en Ísraelar, sem hafa fallið í sjálfsmorðsárásum Palestínumanna.

 

Rice segist skilja hvernig er að vita af hryðjuerkamönnum í sínu hverfi og á þínum eigin tilbeiðslustað og talar eins og það séu bara Ísrelar, sem búi við þetta. Þar gleymir hún því að verstu hryðjuverkasamtök miðausturlanda eru Ísraelsher. Palestínumenn verða að búa við þessi illmenni við túnjaðarinn hjá sér og einnig í sínum hverfum með öflug drápsvopn. Þeir þurfa að búa við það að geta hvenær sem er átt von á árás frá einum öflugasta her í heimi stjórnað af mönnum, sem ekki hika við að slátra saklausum Palestínumönnum ef það hentar hagsmunum Ísraela.

Rice líkir Palestínu við Suðurríkin