Hóprefsingar eru stríðsglæpur

Ég veit ekki hvað hefur komið fram um þetta mál í fréttum á Íslandi en ég var að sjá fréttir á ensku um þetta mál hér í Tælandi. Þar var sýnt skolpið, sem flæðir um götur á Gasa vegna þess að dælurnar, sem eiga að dæla því í burtu fá ekki lengur rafmagn. Þarna þarf fólk að vaða um í allt að 20 cm. djúpu skolpi. Það var sagt að ef dælurnar fara ekki í gang fljótlega fari skolpið að leka inn á heimili fólks en heilsufarsafleiðingar þess geti orðið hræðilegar.

 

Þarna var einnig viðtal við konu, sem er háð súrefniskút til að geta andað. Slíkir súrefniskútar eru hættir að berast til Gasa og því óttast konan um líf sitt. Það sama á við um fólk, sem háð er lyfjum. Þau eru að mestu hætt að berast og getur það haft hræðilegar afleiðingar fyrir þetta fólk.

 

Sýndar voru myndir frá sjúkrahúsi, sem senn mun ekki hafa nægt rafmagn til að halda lífsnauðsynlegum tækjum gangandi. Þarna munu læknar og aðrir forsvarsmenn spítalans þurfa að standa fyrir vali á því hvaða tæki þeir taka fyrst úr sambandi og ákveða þannig hverjir skulu lifa og hverjir deyja. Eiga þeir til dæmis fyrst að taka úr sambandi öndunarvélar mikið slasaðs fólks eða hitakassa fyrirbura og annarra sjúrka ungabarna?

 

Ísraelar bera fyrir sig sjálfsvörn. Þvílík nauðgun á orðinu "sjálfsvörn". Það er ekki sjálfsvörn að refsa saklausu fólki fyrir eitthvað, sem einhver annar gerir í þeirri von að þetta saklausa fólk ráðist gegn viðkomandi eða til að draga máttinn úr óvinum sínum. Í seinna stríði drápu Þjóðverjar víðast 10 eða fleiri fanga fyrir hvern þýskan hermann, sem andspyrnumenn drápu. Með þessum aðgerðum hafa þeir væntanlega bjargað lífi margra þýskra hermanna. Samt dettur engum í hug að kalla þessar aðgerðir þeirra "sjálfsvörn" enda fengu margir Þjóðverjar og stuðningsmenn þeirra dóma fyrir stríðsglæpadómstólum fyrir þessi dráp.

 

Það hafa líka fáir ef nokkur varpað sökinni á dauða þessara fanga yfir á andspyrnumennina, sem héldu áfram að drepa þýska hermann þó þeir vissu hvert svar Þjóðverja yrði. Það er því fáránlegt að varpa sökinni af þessum aðgerðum yfir á þá aðila, sem skjóta rakettum yfir Ísraela. Með þessum orðum er ég ekki að réttæta þessar rakettusendingar en bara að benda á að þessar aðgerir Ísraela eru ekki bein afleiðing af þessum rakettusendingum heldur meðvituð ákvörðum Ísraela um að refsa einni og hálfri milljón sakausra borgara fyrir eitthvað, sem einhverjir aðrir eru að gera.

 

Menn spyrja á móti, hvað eiga Ísraelar að gera? Fyrir það fyrsta þá þurfa þeir að hætta að afla sér óvina með linnulausu ofbeldi gegn nágrönnum sínum. Þeir þurfa að skila aftur stolnu landi og hleypa flóttamönnum heim. Í stuttu máli þurfa þeir að fara að haga sér eins og siðað fólk og fara að virða alþjóðalög.

 

Ef maður lemur einhvern nógu oft og nógu illa endar með því að hann lemur á móti. Árásir Palestínumanna á Ísraela eru aðeins afleiðing af ólöglegu hernámi þeirra og þeirri hrikalegu grimmd, sem þeir hafa sýnt íbúum hernámssvæða sinna. Með þessu er ég ekki að réttlæta árásir á óbreytta borgara því þær eru jafn mikill glæpur og þessar aðgerðir Ísraela en er aðeins að útskýra hver er frumorsök ofbeldisins í Miðausturlöndum.

Tugþúsundir mótmæla

Athugasemdir

[Gullvagninn (IP-tala skráð) 3.2.2008 kl. 14:30]

Síðast liðið sumar sá ég heimildamynd um það hvernig ísraelsmenn hafa múrað palistínumenn inni með allskyns veggjum og öðrum hindrunum, svo kemst fólk hvorki fram né aftur nema fara í gegn um endalaus hlið, þar sem þeir eru upp á náð og miskun ísraela komin hvort þau komast áfram.

Þeir hafa einnig verið duglegir að stjórna fjölmiðlum, og mér er minnisstætt að eftir eitthvað af fyrstu stríðunum (kanski 6 daga stríðið, ekki viss), þá var haldinn krísufundur í ísraelska stjórnkerfinu, því upp hafði komið að þeir stóðu aðgerðalausir hjá meðan fjöldamorð voru framin, sem þeir hefðu átt að koma í veg fyrir. 

Niðurstaðan var, þeir þyrftu betri almannatengsl, til að stýra fjömiðlum.  Sem sé, ekkert að við fjöldamorðin, vandinn var bara að þeir lentu fyrir klaufaskap milli tannanna á fjölmiðlum.

[Eyjólfur Jónsson, 13.2.2008 kl. 17:09]

Þeir eru ekkert að virða nein lög eða lögmál þessir múslíma arabar sem sjá um kaldavatnið hjá mér. Þegar ég bendi þeim á að það kemur ekkert vatn úr krananum á baðinu er svarið alltaf það sama"ég skil það ekki" eða "það eru svo margir í húsinu að nota vatnið". Ekki virðast þeir skilja að það þarf hærri þrýsting svo að allir fái vatn. Ég nefni þetta eina dæmi til að sín hugsunarháttinn og hvernig brugðist er við venjulegum vandamálum sem upp koma daglega hér og skírir þann vanda að hluta sem þetta fólk dregur með sér bæði heima og heiman.