Jafnræði og sanngirni

Ef menn eru að hneykslast á því að óskað sé eftir því að menn, sem sakaðir eru um að hafa átt þátt í banvænum árásum í ísrael séu látnir lausir þá ættu menn að athuga eftirfarandi.

 

Ef Ísraelar, sem hafa tekið þátt í bænvænum árásum í Palestínu eru ekki í fangelsum af hverju ættu þá Palestínumenn, sem tekið hafa þátt í banvænum árásum í Ísrael að vera í fangelsi? Á það að skipta máli þegar maður drepur saklausa manneskju með köldu blóði hvort viðkomandi var í herbúning eða ekki? Hafi hann framið morðið samkvæmgt skipun á það þá að skipta máli hvort hann fékk fyrirskipun um að fremja morðið frá herforingja eða skæruliðaforingja?

 

Annað hvort eiga allir, sem drepið hafa saklaust fólk að ráðnum hug á þessu svæði að vera dæmdir í fangelsi ef sök þeirra sannast eða engin. Í því efni á það ekki að skipta máli hvort viðkomandi er Palestínumaður eða Ísraelsmaður eða hvort hann var í herbúning eða ekki. Hafi viðkomandi fengið fyrirmæli um að fremja morðið á ekki að skipta máli hvort sá, sem gaf fyrirmælin var herforingi eða skæruliðaforingi. Það á heldur ekki að skipta máli hvort aðgerðin var ákveðin af ríkisstjórn Ísraels eða heimastjórn Hamas. Morð er morð hver, sem fremur það.

Rætt um fangaskipti

Athugasemdir

[Guðný Einarsdóttir, 25.10.2008 kl. 16:28]

Góða helgi gamli minn