Hvernig á þá að velja gengið og síðan verja það?

Eitt af því, sem við Íslendingar höfum verið hvað mest varaðir við er að reyna að verja of hátt gengi íslensku krónunnar. Við það gætum við tapað þeim upphæðum, sem við nú erum að fá lánaðar hjá IMF og Norðurlöndunum og setið samt uppi með tóman gjaldeyrisvarasjóð. Því spyr ég frjálsynda. Hvernig ætla þeir að velja þetta fasta gengi og hvernig ætla þeir síðan að verja það? Haldið þið að Norðmenn eða hver sú þjóð, sem á þann gjaldmiðil, sem valin er hafi einvern áhuga á að setja sína peninga í að verja það gengi?

Vilja tengja íslensku krónuna við þá norsku

Athugasemdir

[gummih, 27.11.2008 kl. 09:34]

Já, það að fastbinda sig við annan gjaldmiðil getur verið stór varasamt. Það er þess virði að skoða vel hvað gerðist í Argentínu 1999-2002 eftir að pesóinn var bundinn við dollar. Gengi dollars endurspeglaði ekki hvað var að gerast í argentínsku atvinnulífi og það sem gerðist var að vörurnar þeirra urðu of dýrar erlendis en innflutningur of ódýr (hljómar það kunnuglega?) Þetta endaði síðan allt ákaflega illa þegar ekki var hægt að halda þessu áfram og erlendir gjaldmiðlar fjórfölduðust gagnvart pesó. Raunar má segja að þó hafi tekist ótrúlega vel að koma Argentínu aftur af stað eftir þessi skakkaföll.

http://en.wikipedia.org/wiki/Argentine_economic_crisis_(1999-2002)