Er hér um vopnatilraun að ræða?

Við munum sennilega aldrei fá það á hreint hvað raunverulega vakir fyrir Ísraelsmönnum með þessum fjöldamorðum á Palestínumönnum, sem nú fara fram. Eitt er þó alveg klárt, þetta mun ekki auka öryggi ísraelskra borgara. Þetta mun ekki gera neitta annað en að vekja enn meira hatur á Ísraelum og þar með auka hættu á árásum á ísraelska borgara. Aðrar aðferðir eins og til dæmis að virða þann vopnahléssamning, sem þeir voru búnir að gera við Hamas hefðu hins vegar getað gert það.

 

Það hefur komið fram að Ísraelar hafa æft þessa innrás í 18 mánuði og því er ljóst að nýlegar rakettuárásir Hamas manna eru ekki ástæða árásarinnar, þeir voru löngu búnir að ákveða að gera þessa árás á þessum tíma. Þessi tími hentar þeim mjög vel. Það er ákveðið gat í bandarískum stjórnmálum vegna þess að það er búið að kjósa nýjan forseta en hann er ekki enn tekin til starfa. Einnig eru flest þjóðþing á Vesturlöndum í jólafríi. Þegar þau eru komin úr jólafríi og nýr forseti tekin við í Bandaríkjunum eru þessar aðgerður um garð gengnar. Ísraelar storkuðu Hamas með því að virða ekki á nokkurn hátt hin tímabundna vopnahléssamning, sem þeir gerðu við Hamas heldur þvert á móti fóru í öfuga átt og hertu enn meira á herkví Gasa ásamt því að gera árás á Gasa í byrjun nóvember og fella sex menn. Þetta gerðu þeir klárlega til að tryggja að einhverjar rakettur færu frá Gasa til að fá tilliástæðu til að hefja þessar aðgerðir. Hefðu ekki komið rakettur frá Gasa hefðu Ísraelar einfaldlega fundið einhverja aðra tilliástæðu til að hefja þessar aðgerðir.

 

Margir hafa bent á að það fari fram kosningar í Ísrael í næsta mánuði og þessar aðgerðir styrki ríkisstjórnina í þeim kosningum. Væntanlega er það eitt af markmiðum ísraelskra stjórnvalda með þessum aðgerðum. Hins vegar hefur núna komið fram annað, sem bendir sterklega til þess að un annan tilgang sé að ræða, sem gæti jafnvel verið aðaltilgangur þessara aðgerða.

 

Þetta er VOPNATILRAUN.

 

Ísraelar hafa nefnilega verið að nota hátæknivopn, sem enn er á tilraunastigi meðal vopnaframleiðenda þeirra. Þetta er hræðilegt vopn, sem hefur valdið því að margir hinna 3.000 Palestínumanna, sem hafa særst í þessum árásum hafa fengið hræðileg sár og hafa misst útlimi. Hér gefur að líta umfjöllun um þetta vopn.

 

http://www.haaretz.com/hasen/spages/772933.html

Hér eru myndir, sem sýna afleiðingar fyrir þá, sem særast. ÞETTA ERU EKKI MYNDIR FYRIR VIÐKVÆMA.

http://www.rainews24.rai.it/ran24/inchieste/10102006_gaza_foto.asp

Það skildi þó ekki vera að þessi slátrun Ísraela á Palestínumönnum sé fyrst og fremst framkvæmd til að fá tækifæri til að prófa virkni þessa nýja vopns? Ætli þessi árás sé einfaldlega þáttur í framleiðsluferli þessa vopns?

Ég segi enn og aftur. Slítum stjórnmálasambandi við þessa blóðþyrstu villimenn og setjum á þá viðskiptabann.

Hlé gert á árásum á Gaza