Hveð er elendir læknar hefðu skýlt ísraelskum hermönnum.

Nú veit ég ekkert hvort einhver sannleikur er í þessari frétt en hún er komin frá Ísraelum og þeir eru þekktir fyrri annað en að segja satt og rétt frá átökum sínum við Palestínumenn. Það að þeir meina blaðamönnum að fara inn á Gasa segir allt, sem segja þarf um hvað er þarna í gangi.

 

En gefum okkur að þessi frétt sé sönn. Að Hamas liðar hafi fengið að fela sig á þessu sjúkrahúsi.

 

Þá er í fyrsta legi ekki hægt að kenna þessum norsku læknum um það því þeir stjórna ekki þessu sjúkrahúsi. Þeir hafa væntanlega haft margt annað að gera en að kanna með reglulegu millibili hvort vopnaðir menn væru í kjallara hússins eða ekki. Þetta sjúkrahús er í eigu og undir stjórn Palestínumanna en ekki norsku læknanna.

 

Göngum enn lengra. Segjum það að norsku læknarnir hafa persónulega verið að fela Hamas liða og koma þannig í veg fyrir að Ísraelar gætu drepið þá. Ég vil spyrja þá, sem fordæma slíkt. Ef þessu hefði verið öfugt farið og læknarnir hefðu falið ísraelska hermenn, sem hefðu orðið viðskila við herdeild sína, til að koma í veg fyrir að þeir væru drepnir af Palestínumönnum, myndu þið þá fordæma slíkt? Það væri sambærilegur verknaður. Palestínumenn hafa sama rétt til að verja sig og Ísraelar og hafa því sama rétt til að vega ísraelska hermenn, sem ráðast á þá eins og Ísraelar hafa rétt á að vega palestínska vígamenn, sem ráðast á Ísraela.

 

Höfum í huga áð í þessari deilu þá eru það Ísraelar, sem eru hernámsliðið og eru því árásaraðilinn. Því er það svo að ef það er eitthvað, sem ástæða er að fordæma að menn feli Hamas liða til að koma í veg fyrir að Ísraelar drepi þá þá er í það minnsta jafn mikil ástæða til að fordæma það ef einhver felur ísraeska hermenn til að koma í veg fyrir að Hamas liðar eða aðrir Palestínumenn drepi þá.

Norskir læknar sagðir hafa skýlt Hamasleiðtogum