Var athugasemdin munnleg eða eru forráðamenn flokksins kærulausir eða lygarar?

Það kemur ekki fram í þessari frétt hvort athugasemd endurskoðanda Sjálfstæðisflokksins við ársreikning 2006 var sett fram skriflega með formlegum hætti eða hvort hún var bara munnleg og þá við hvern hún var viðruð.

 

Ef athugasemdin var munnleg þá væri gott að vita hver eða hverjir fengu þessa munnlegu athugasemd. Miðað við fyrri fréttir er þá væntanlega um að ræða munnlega athugasemd, sem engin annar en Geir Haarde fékk að heyra.

 

Ef þetta er með þessum hætti þá er slík athugasemd léttvæg og varla hægt að tala um það, sem formlega athugasemd endurskoðanda. Þá má í raun segja að hann hafi skrifað upp á ársreikningin athugasemdalaust.

 

Ef athugasemdin var skrifleg þá má spyrja sig hvort þeir forráðamenn flokksins, sem segjast fyrst hafa heyrt að þessum styrkjum í fréttum á þriðjudaginn, hafi ekki lesið athugasemdir endurskoðanda við ársreikning flokksins.

 

Ef þeir hafa ekki gert það þá verður það að teljast vítavert kæruleysi af þeirra hálfu. Þeir gera ábyrgða á flokki með tugmilljóna króna veltu og eiga því að skoða þessa hluti.

 

Ef ekki þá eru þeir að ljúga þegar þeir segjast fyrst hafa heyrt af þessu í fjölmiðlum á þriðjudaginn.

Gerði athugasemdir við risastyrki