Barátta gegn stríðsglæpum Ísraela er ekki gyðingahatur.

Það að vera Ísraeli og það að vera gyðingur er ekki það sama. Gagnrýni á Ísrael er því ekki gyðingahatur ekki frekar en að gagnrýni á glæpi Rússa í Úkraínu sé hatur gegn trúfélagi rússnesku rétttrúnaðarkirkjunnar.. Barátta gegn stríðglæpum Ísraela er ekki gyðingahatur. 

 

Meira að segja ósanngjörn og ómakleg gagnrýni á Ísrael er ekkert annað en ósanngjörn og ómakleg gagrnýni á Ísrael, ekkert meira og ekkert minna en það. Að kalla það gyðingahatur gerir menn ómarktæka í umræðunni um málefni Ísraels og Palestínu.

 

Izhar Cohen rökstyður ekki fullyrðingu sína um það að við Íslendingar virðum mannréttindi Ísraela eða gyðinga minna en annarra og nefnir ekkert dæmi þeim orðum sínum til stuðnings. Við studdum líka að Rússum væri vikið úr Eurovision og erum því samkvæmir sjálfum okkur öfugt við þá sem studdu útilokun Rússa en ekki Ísraela.


mbl.is Sakar íslensku þjóðina um gyðingahatur
Tilkynna um óviðeigandi tengingu við frétt

Eðlilegra að hvetja til alþjóðlegrar samstöðu gegn hernámi Ísraela.

Það væri eðlilegra að hvetja til alþjóðlegrar samstöðu gegn orsök átakanna á þessum slóðum sem er h ernám Ísraela. Það er hernámið og þær þjóðernishreinsanir, rán á landi, rán á vatnsbólum og ítrekið fjöldamorð Ísrala á óbreyttum borgurum sem er aðal orsök átakanna á þessum slóðum. 

 

Þó Hamas samtökunum veðri eytt þá munu bara koma aðrir baráttuhópar í staðinn meðan orsök átakanna er enn til staðar. Það þarf því að eyða orsökinni sem er ólöglegt og með öllu óréttlætanlegt hernám Ísrala.


mbl.is Hvatti til alþjóðlegrar samstöðu gegn Hamas
Tilkynna um óviðeigandi tengingu við frétt

Gagnrýni á Ísrael er ekki gyðingahatur.

Það er fáránleg og í raun forkastanlegt að birta mynd af mótmælum félagsins Ísland Palestína gegn stríðglæpum Ísraela. Það er í takt við mjög svo taktlausa ásölun DR. Sharon Nazarian um að þessi mótmæli væru gyðingahatur. Það er alveg ljóst af þessu viðtali að samtökin Amti-defamation League eru meðal öfgasamtaka sem eru að reyna að þagga niður í gagnrýni á Ísrael undir fölsku flaggi baráttu gegn gyðingahatri. Það er ekki gyðingahatur fólgið í því að gagnrýna Ísrael. Meira að segja óvægin og ósanngjörn gagnrýni á Ísrael er ekkert annað en óvægin og ósanngjörn gagnrýni á Ísrael. Það er ekki gyðingahatur frekar en að gagnrýni á framferði Rússa í Úkraínu sé rasismi gegn trúarhópi rússnesku rétttrúnaðarkirkjunnar eða að gagnrýni á Indland sé hatur á hindúum.

 

Höfum það í huga að félagið Ísland Palestína hefur fordæmt hryðjuverkin þann 7. október. En þar sem Hamas er ekki bara hernaðararmurinn sem ber nafnið Dim al-Quassam því Hamas eru líka stjórnvöld og félagsþjónusta. Þetta er svipað og IRA hryðjuverkasamtökin og Sinn fein stjórnamálasamtökin sem voru með menn á breska þinginu. Margir fordæmdu IRA en færri fordæmdu Sinn fein enda um stjórnmálaflokk að ræða. Það er því út í hött að væna félagið Ísland Palestína um gyðingahatur fyrir það eitt að vilja ekki fordæma Hamas í heild heldur einungis hryðjuverk hernaðararms þeirra. Og það er fáránlegt af blaðamanni Morgunblaðsins að hafa ekki spurnt Nazarian um rök fyrir því að það væri gyðingahatur fólgið í þessu eða því að mótmælin á Austurvelli fælu í sér gyðingahatur. Hvorug fullyrðingin stenst nánari skoðun. Og enn síður stenst sú fullyrðing hennar skoðun að FÍP væru með vafasamar skoðanir um gyðinga. FÍP hefur nákvæmlega engar skoðanur um gyðinga en hefur ýmsar skoðanir um Ísrael. 


mbl.is Gyðingaandúð vandamál á Íslandi
Tilkynna um óviðeigandi tengingu við frétt

Það eru Rússar sem þurfa að hypja sig en ekki heimamenn að hætta að verja sig.

Sökin á mannfallinu í Mariupol er að sjálfsögðu Rússa og orsök mannfallsins er fyrst og fremst sú að Rússar eru að ráðast á borgina. Það sem þarf til að laga ástandið er því að Rússar fari frá borginni og helst frá Úkraínu. Sökin er ekki þeirra sem eru að verjast árás Rússa og algerlega óréttlætanlegri innrás þeirra í landið.


mbl.is Þjóðernissinnar í Maríupol þurfi að leggja niður vopn
Tilkynna um óviðeigandi tengingu við frétt

Er ekki betra að Rússar hypji sig á brott frá Úkraínu.

Af hverju ættu Úkráinumenn að gefst upp fyrir Rússum? Rússar virðast vera að skíta í brækurnar í þessu stríði og ef Úkraínumenn gefast upp mun þjóð þeirra sem telur 45 milljónir manna lenda næstu áratugi í því helvíti að þurfa að búa við hernám Rússa og síðan leppstjórn þeirra með alræðisvald. Hatar Pétur Úkrínumenn virkilega svo mikið að vilja þeim þau örlög?

 

Og þarna er Pétur að fara með lygar Rússa um að það hafi þurft að aðstoða rússneskumælandi fólk í austurhéruðunum. Veit hann ekki að meirihluti rússneskumælandi íbúa í Úkraínu styður sína landa í baráttu þeirra gegn Rússum enda hafa þeir flestir búið í héruðum sem voru og eru mörg enn undir stjórn úkraínskra stjórnvalda og það án vandkvæða. Það er aðeins í  hluta af tveimur af eitthvað um tug héraða sem meirihluti íbúa er rússneskumælandi sem hryðjuverkasamtök aðskilnaðarsinna hafa rænt völdum og staðið í átökum við stjórnarherinn síðan. Þar hafa þeir ráðist reglulega á stjórnarherinn og í látunum skutu þeir meira að segja niður farþegaþotu.

 

Þeir sem halda að Pútín sé ekki slétt sama um rússneskumælandi Úkraínumenn hafa ekki fylgst vel með Pútín nema þá kannski í áróðursmiðlum hans í Rússlandi. Ef ekki væri fyrir átökin í austurhluta Úkarínu sem Rússar áttu reyndar mikinn þátt í að koma á með áskorunum til rússneskumælandi íbúa til að hefja uppreisn og aðstoða þá sem það gerðu þá myndu Pútín bara finna aðra tilliástæðu til að réttlæta innrás í landið. Pútín er að reyna að endurreisa Sovétríkin og innrásin í Úkraínu er bara hluti af því markmiði.

 

Þessi innrás Rússa er með öllu óverjandi siðferðilega og það er eitthvað mikið að hjá þeim sem eru að réttlæta hana. Og það versta sem getur gerst er að Rússum takist ætlunarverk sitt og næðu að hernema Úkraínu. Ef það gerist er aðeins spurning um hvaða land Rússar ráðast næst á og hvenær en ekki hvort þeir geri það. Ef Rússum tekst ætlunarverk sitt í Úkraínu heldur draumurinn um að endurreisa Sovétríkin áfram.


mbl.is Úkraínumenn verði að gefast upp fyrr eða síðar
Tilkynna um óviðeigandi tengingu við frétt

Viðbrögð við fæðingarsprengju síðasta árs.

Ég heiti Sigurður M. Grétarsson og gef kost á mér í 2-3. sætið í flokksvali Samfylkingarinnar í Kópavogi.

 

Eitt af þeim málum sem ég tel brýnt að taka á strax á þessu ári er viðbrögð við mikilli fjölgun barnsfæðinga á seinasta ári sem stefnir í að vera svipuð á þessu ári. Þetta leiðir til mikillar aukningar í þörf fyrir leikskólarými og þjónustu dagforeldra en á sama tíma er ekki í farvatninu nein fjölgun leikskólarýma á þessu ári og meira að segja ekki öruggt að þeim fjölgi á næsta ári þó vissulega sé stefnt að því. Það er ekki heldur neitt sem bendir til þess að dagforeldrum fjölgi á næsta ári og er reyndar ekki til staðar nein áætlun um að reyna slíkt.

 

Það er því ljóst að ef ekkert verður að gert mun mikill fjöldi foreldra ungbarna ekki komast til vinnu nema þá í mesta lagi stopult í langan tíma eftir að fæðingarorlofi lýkur sem getur haft slæmar afleiðingar fyrir fjárhag þeirra og jafnvel stöðu á sínum vinnustað. Við erum ekki enn farin að sjá þetta vandamál aukast mikið því foreldrar þeirra barna sem fæddust í þessari fæðingarsprengju eru flestir enn í fæðingarorlofi. En vandinn mun koma þegar því líkur og þá er orðið of seint að bregðast við.

Þar sem ekkert bendir til að hægt sé að leysa þennan vanda með hefðbundnum aðgerðum enda tekur langan tíma að byggja leikskóla þá þarf að skoða nýjar leiðir og meta hvort þær geti gengið upp. Það er væntanlega margt sem er hægt að gera en tvær leiðir sem ég tel vert að skoða eru annars vegar að kanna hvort hægt sé að bjóða upp á 5 ára bekki í einhverjum grunnskólum þar sem foreldrar geta sótt um fyrir sín börn og með þeim hætti létt á leikskólunum og hins vegar að bjóða upp á sömu niðurgreiðslu og nú býðst til þeirra foreldra sem eru með börn hjá dagforeldrum fyrir þá sem ráða til sín au pair. Vissulega hentar það ekki öllum enda þarf að hafa auka herbergi í húsinu til að geta það en þeir foreldrar sem myndu nýta sér þá leið eru þá ekki að taka pláss hjá dagforeldrum sem einhverjir aðrir fá þá í staðinn. Svo má líka benda á að þegar nýtt barn fæðist munu foreldrar hvort eð er þurfa að stækka við sig ef þeir hafa ekki þegar herbergi fyrir barnið og þurfa þá í raun bara að gera það einhverjum mánuðum fyrr en ella.

 

Hvað varðar möguleika á að taka upp 5 ára bekki í sumum skólum þá veltur það vissulega bæði á mannskap og plássi. Og hvað plássið varðar þá snýr það ekki bara að kennslustofum heldur einnig plássi í dægradvöl þar sem börn í 1-4 bekk geta fengið gæslu eftir skóla. Það þarf að vera hægt að bæta börnunum úr 5 ára bekknum við þann hóp. En þegar skoðuð er þróun á fjölda barna í þeim árgöngum sem njóta dægradvalar þá sést að þeim hefur fækkað um 95 seinustu 2 ár og 199 seinustu 4 ár samkvæmt vef Hagstofu Íslands. Og það sem meira er þá er elsti árgangurinn í leikskóla 35 börnum fámennari en árgangurinn sem er í 4 bekk og fer því ekki í dægradvöl næsta vetur. Því verður sá fjöldi 130 börnum fámennari næsta vetur en hann var þremur árum fyrr. Þessi þróun er vissulega misjöfn milli skóla en það er alveg ljóst að í sumum skólum er til pláss í dægradvöl til að taka við einum 5 ára bekk.

 

Þetta eru bara hugmyndir sem ég tel vert að skoða og það eru örugglega til fleiri leiðir en eitt ættum við ekki að gera varðandi þetta vandamál og það er að gera ekki neitt. Sú neyð sem það getur skapað hjá mörgum fjölskyldum að foreldrar komist ekki báðir til vinnu eftir fæðingarorlof svo ekki sé talað um einstæða foreldra sem komast ekki til vinnu mánuðum saman og jafnvel meira en ári eftir fæðingarorlof sem allt stefnir í að óbreyttu þarf að koma í veg fyrir.


Vistvænar samgöngur

Ég heiti Sigurður M. Grétarsson og gef kost á mér í 2-3. sætið í flokksvali Samfylkingarinnar í Kópavogi.

Ég er mikill áhugamaður um vistvænar samgöngur og þá bæði almenningssamgöngur og hjólreiðar.

 

Nú stendur fyrir dyrum mikill samdráttur í þjónustu strætó til að mæta tapi vegna fækkunar farþega í covid faraldrinum. Það sem er núna á teikniborðinu hvað það varðar er töluverður samdráttur í þjónustu á Kársnesi og eins gagnvart Kóra og Vatsendahverfi sem felst í því að taka út beina tengingu við strætómiðstöðina í Mjódd. Mér skilst að það eigi reyndar að vera hægt að komast þaðan í Mjódd en að það gerist með tengingum við innanhverfis vagna í Breiðholdi sem leiðir til þess að farþegar sem ætla úr efri byggðum Kópavogs og niður í Mjódd þurfi að fara í útsýnisferð um Breiðholtið á leiðinni þangað þannig að ferðin niður í Mjódd tekur þó nokkuð lengri tíma en hún gerir í dag. Þetta er að mínu mati allt of mikill samdráttur í þjónustu enda mikilvægt í baráttunni fyrir því að fá fleiri til að taka strætó í stað þess að taka bíl að lágmarka þann tíma sem strætóferðir taka. Það þarf því að fá þessum aðgerðum snúið við.

 

Hvað varðar þjónustu fyrir gangandi og hjólandi vegfarendur þá er ekki bara mikilvægt að leggja mun fleiri göngu- og hjólastíga. Það þarf líka að sinna vetrarþjónustu fyrir þessa stíga og ég held að allir sem eru að nota þá í dag sjá að hún er engan vegin viðunandi hér í Kópavogi. Það er frekar erfitt að komast leiðar sinnar fótgangandi eða hjólandi í dag nema menn séu tilbúnir til að gera það á götunum sem fá fína þjónustu. Það þarf að hætta þessum hugsunarhætti að þjónusta við bíla eigi að vera í einhverjum forgangi fram yfir þjónustu við aðra ferðamáta. Snjóruðningur á göngu og hjólastígum þarf að vera í það minnsta í sama forgangi og snjómokstur á götum og hann þarf líka að halda áfram yfir daginn ef það snjóar svo fólk lendi ekki í vandræðum með að komast hjólandi eða gangandi heim úr vinnu eða skóla. Það þarf að gera öllum vegfarendum jafn hátt undir höfði bæði hvað varðar mannvirkjagerð og vetrarþjónustu.


Afnemum 70 ára regluna hjá stofnunum Kópavogs.

Ég heiti Sigurður M. Grétarsson og gef kost á mér í 2-3. sætið í flokksvali Samfylkingarinnar í Kópavogi.

 

Eitt af því sem ég vil beita mér fyrir er að leggja niður 70 ára regluna hjá starfsmönnum Kópavogs. Okkur ber engin skylda til að hafa hana jafnvel þó hún sé í kjarasamningum ákveðinna starfshópa því það að afnema hana leiðir til aukinna réttinda starfsmannanna. Í raun felst í þessu ákvæði réttur Kópavogs til að segja starfsmönnum sínum upp án nokkurrar annarrar ástæðu en að hafa náð 70 ára aldri.

 

Ég vil taka það fram að þetta hefur ekkert með eftirlaunaaldur að gera. Eftirlaun fá eldri borgarar frá annars vegar lífeyrissjóðum sínum og frá Tryggingastofnun ríkisins. Það að afnema 70 ára regluna hjá starfsmönnum bæjarins breytir engu um þau réttindi sem þeir hafa þar. Þetta mun ekki heldur á neinn hátt minnka möguleika þeirra sem vilja hætta fyrr að vinna að gera það enda mun afnám 70 ára reglunnar ekki skylda neinn til að vinna lengur heldur einungis gefa þeim rétt til þess sem vilja gera það.

 

Helstu rökin gegn því að afnema 70 ára regluna eru þau að það þurfi að koma unga fólkinu í vinnu og að það sé erfitt fyrir yfirmenn í opinberum stofnunum að þurfa að segja við menn sem hafa unnið fyrir þá jafnvel áratugum saman að þeir ráði ekki lengur við starfið og því þurfi að láta þá fara.

 

Hvað fyrri rökin varðar þá er mjög ólíklegt að það muni minnka atvinnuleysi meðal ungs fólks þó eldir borgarar fái að vinna fram yfir 70 ára aldur. Það hefur sýnt sig hjá þeim ríkjum sem hafa reynt að draga úr atvinnuleysi ungs fólks með því að fá eldri borgara til að fara fyrr á eftirlaun að þó það takist að fá marga eldri borgara til að fara fyrr á eftirlaun þá hefur það ekki dregið úr atvinnuleysi meðal ungs fólks. Það er því mjög ólíklegt að það að afnema 70 ára regluna auki atvinnuleysi meðal ungs fólks.

 

Hvað seinni rökin varðar þá er alltaf hægt að vera með sérstaka læknisskoðun eða annars konar úttekt þegar starfsmenn hafa náð ákveðnum aldri til að meta hæfi þeirra til að sinna starfinu. En allavega geta þessi óþægindi fyrir yfirmenn ekki réttlætt það að taka rétt eldri borgara til að halda áfram að vinna hafi þeir vilja og getu til þess.

 

Ef menn óttast að þetta hafi slæmar afleiðingar er alltaf hægt að gera þetta í skrefum og sjá til hvernig það kemur út og væri hægt að byrja á því að hækka aldursviðmiðið um einhver ár og sjá til hvort það leiði til einhverra alvarlegra vandamála. Síðan er hægt að taka stærri skref síðar. En best væri að afnema einfaldlega 70 ára regluna strax.


Að taka upp stjórnmálasamband er ekki friðarsamningur.

Hvernig getur það flokkast sem "friðarsamningur" þegar þjóðir sem aldrei hafa átt í stríði við hverja aðra og aldrei hefur staðið til að færu í stríð við hverja aðra taka upp stjórnmálasamband? Hvar hafa friðarhorfur aukist við þessa samninga um að taka upp stjórnmálasamband? 

 

Staðreyndin er sú að friðarhorfur hafa ekki aukist á nokkurn hátt við þetta heldur þvert á mólti minnkað. Það er vegna þess að þessi Arabaríki höfðu áður sett það sem skilyrði fyrir því að taka upp stjórnmálsamband við Ísrael að þeir gerðu friðarsamninga við Palestínumenn. Núna hafa þessi ríki fallið frá þessu skilyri og það er augljóst að það minnkar þrýstingin á Ísraela að gera friðarsamninga við Ísraela og þar með minnka líkurnar á að þeir geri friðarsamninga við Palestínumenn og láti af hernámi sínu á landi Palestínumanna. Þar með minnka líkurnar á að hernáminu verði hætt og þar með á að friður komnist á milli Ísraela og Palestínumnanna. 

 

Ísraelar hafa aldrei boðið Palestínumönnum neitt annað en afarkosti sem eru algerlega óásættanlegir fyrir þá og ekki hægt að ætlast til að þeir sætti sig við. Ísraelar hafa meðal annars alltaf gert kröfu um að fá að innlima það er stela hluta af landi Palestínumanna, hafa alfarið hafnað að virða rétt palestínskra flóttamanna til að snúa aftur heim, hafa gert kröfu um að fá að stjórna ytri landamærum ríkis Palestínumanna sem væri fyrir vikið ekki fullvalda ríki og hafa gert kröfu um að Palestínumenn megi ekki koma sér upp her meðan þeir sjálfir hafa áskilið sér rétt til að vígbúast eins og þeim lystir. Þetta hafa ekki verið friðartilboð heldur í besta falli niðurlægjandi uppgjafarskilmálar.

 

Þessu er ekki að fara að linna ef þrýstingur á Ísraela um að gera friðarsamninga við Palestínumenn er minnkaður heldur þarf þvert á móti að auka þann þrýsting til að mögulegt eigi að vera að ná friðarsamningum á þessum slóðum.


mbl.is Kushner tilnefndur til friðarverðlauna Nóbels
Tilkynna um óviðeigandi tengingu við frétt

Aumt yfirklór forráðamanna Ásmundasalar.

Þetta er aumt yfirklór hjá stjórnendum Ásmundarsals sem ekki þarf nema lágmarksþekkingu á sóttvarnarreglum og reglum um leyfisveitingar fyrir fyrirtækjarekstur til að sjá að standast enga skoðun. Þeir senda þetta út núna vitandi að þetta verður ekki borið til baka af yfirvöldum fyrr en lögreglurannsókn er lokið og kæra gefin út og þá verður búið að bólusetja stóran hluta þjóðarinnar og búið að slaka verulega á sóttvarnarreglum og reiðin í garð þeirra sem hafa brotið þær orðin minni en hún er í dag.

 

Þarna ver verið að bera fram veitingar og því er það leyfið fyrir veitingastaðinn sem gildir og það er fyrir 15 manns samkvæmt yfirlýsingu forráðamanna Ásmundasalar. Það að fara með veisluna yfir í stærri sal en veitingasalinn breytir því ekki og fjöldatakmarkanir í honum gilda aðeins fyrir það starfsleyfi sem á við um hann sem er verslun og gallerí en ekki þegar verið er að bera fram veitingar þar. Það eina sem getur breytt því er tækifærisleyfi fyrir fleiri og fyrir að fá að hafa opið lengur en til 21.00. Meðan forráðamenn Ásmundasalar geta ekki bent á slíkt tækifærisleyfi er ljóst að  hér voru sóttvarnarreglur þverbrotnar.

 

Þetta er því aumt yfirklór sem ekki stenst neina skoðun ætlað til þess að draga fjöður yfir brot stjórnenda Ásmundasalar og Bjarna Benediktssonar á sóttvarnarreglum gert til að lægja öldurnar meðan mesta reiðin er út af þessu atviki í þeirri vissu að mjög ólíklegt er að þetta verði leiðrétt af yfirvöldum fyrr en lögreglurannsókn er lokið.


mbl.is Ekki hafi verið of margir í Ásmundarsal
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband