Svo vilja sumri hafna ESB til að geta bundist þessu liði nánari böndum.

Ein af þeim röksemdum, sem hafa farið hátt gegn því að Ísland gangi í ESB hefur verið sú að innganga í ESB hindri okkur í nánara samstarfi við Kína. Það er reyndar ekki rétt fullyrðing því ESB stendur nú í viðræðum við Kína um viðskiptasamning og verður að teljast harla ólílegt að við Íslendingar náum betri samningi við Kínverja en ESB.

 

En hvort halda menn að hafa meiri áhrif á fullveldi okkar að ganga í ESB eða vera efnahagslega háðir samskiptum við Kína? Kínverjar munu ekki hafa jafn mikla hagsmuni í samskiptum við okkur vegna stærðarmunar þjóðanna.

 

Væri þá ekki betra að hafa okkar viðskiptasamninga við Kína í gegnum ESB þannig að Kínverjar gætu ekki beitt okkur eina og sér viðskiptaþvingunum öðruvísi en að brjóta þar með samning við ESB. Með því að vera einir og sér með viðskiptasamning við Kína, sem viktaði mikið í okkar efnahag værum við búin að loka á það að vera með utanríkisstefnu, sem væri Kínverjum á móti skapi enda hafa þeir sýnt það síðustu ár að þeir beita því afli sínu miskunarlaust til að ná sínu fram. Við gætum þá gleymt því að styðja við baráttu fyrir mannréttindum í Kína svo ekki sé talað um stuðning við baráttu gegn grimmlegu hernámi Kínverja á Tíbet.

 

Þetta gæti líka náð til innanríkismála hjá okkur. Ætli myndin, sem sýnd var á kvikmyndahátíð hér um daginn, sem Kínverjar vildu reyna að stoppa, hefði verið sýnd ef við værum komnir í slíka stöðu gagnvart Kína?

Kínverjar aflýsa öðrum fundi

Athugasemdir

[Gunnlaugur Ingvarsson (IP-tala skráð) 12.10.2010 kl. 11:10]

Þetta er ekki rétt hugsað hjá þér.

Vegna þess að þeir viðskiptasamningar sem við höfum gert og eða munum gera sem fullvalda og sjálfstæð þjóð hafa og munu ávallt fyrst og síðast taka mið af beinum hagsmunum þjóðarinnar á sviði menningar- mennta- og atvinnumála. 

Ef við göngum í ESB falla allir þessu fjölmörgu góðu og hagstæðu viðskipta- og fríverslunarsamningar sem við höfum gert við önnur ríki niður og meira en það við fengjum aldrei að gera slíka sjálfstæða samninga meir.

Meira að segja mjög hagstæður og öflugur viðskipta- og fríverslunarsamningur okkar við Færeyinga yrði eyðilagður við inngöngu í ESB.

ESB apparatið sem reyndar á mjög erfitt með að ná fríverslunar og viðskiptasamningum vegna þess hversu hagsmunir þess eru mismunandi og hvað önnur hagkerfi óttast stærð ESB. Það þurfa þau ekki að óttast gagnvart litla Íslandi.

En svo er það þannig að ESB apparatið gerir slíka samninga á forserndum og hagsmunum stórríkja ESB fyrst og fremst og þeirra helstu stór fyrirtækjasamsteypa.

Sumir þessara samninga sem ESB hefur og eða munu hugsanlega gera gætu þess vegna beinlínis verið skaðlegir hagsmunum okkar. 

Sérstakir hagsmunir okkar hefðu akkúrat enga vigt og ekkert vægi hjá ESB elítunni. Vægi okkar verður aðeins 0,06% innan ESB og neitunarvald smáríkja sem sumir hafa viljað benda á verður afnumið innan ESB á næstu 3 árum samkvæmt Lissabon sáttmálanum.

ESB er ekkert annað en helsi fyrir dugmikla og sjálfstæða þjóð eins og okkur.

[Sigurður M Grétarsson, 12.10.2010 kl. 12:57]

Þarna gleymir þú að taka aðalmálið með í reininginn. Það er miklu meiri gulrót fyrir önnur ríki að komast inn á ESB markað heldur en íslenskan örmarkað. Þess vegna mun ESB alltaf vera með mun fleiri og betri viðskiptasaninga við ríki heimsins heldur en við gætum nokkurn tímann náð fram einir og sér jafnvel þó aðeins sé horft á þá út frá okkar hagsmunum. Þar að auki verður ekki sá stóri stærðarmunur á samninsaðilum okkur í óhag, sem leiðir til þess að við verðum alltaf mun háðari þeim samningum heldur en viðsemjendur okkar, sem setur okkur í erfiða samningsstöðu við endurskoðun slíkra samninga, sem óhjákvæmilega þurfa að fara frem með reglulegu millibili.

Svo skulum við ekki gleyma því að í viðskiptum við önnur ríki heimsins þurfum við oftast að keppa við aðila frá ESB ríkjum. Það verður ekki til að bæta söðu okkar útflutningsgreina ef þær búa við lakari viðskiptasamninga heldur en samkeppnisaðilar þeirra frá ESB ríkjum.

Hvað Færeyinga varðar þá eru þeir hluti af danska konungsveldinu og sem slíkir þá geri ég fastlega ráð fyrir því að þeir hafi ansi góða viðskiptasmninga við ESB.

Það er rangt hjá þér að allt neitunarvald verði afnumið í ESB. Stofnsamningur ESB og aðildarsamnigar allra ríkja ESB verða háðir neitunarvaldi allra ríkja ESB ef gera á breytingar á þeim. Þar að auki hefur ESB ekki lagt það í vana sinn hingað til að valta yfir smáríki og er fátt, sem bendir til þess að breyting verði þar á. Það mun því alltaf vera tekið tillit til hagsmuna smáríkja eins og kostur er innan ESB.

Það er einnig rangt hjá þér að það sé helsi fyrir dugmikla og sjálfstæða þjóð að vera í ESB. Það að komast tollfrjálst inn á 500 milljóna manna markað auk aðgangs að öllum viðskiptasamningum ESB skapar ómæld tækifæri fyrir dugmikla framkvæmdarmen. Enda er það svo að andstaðan gegn ESB kemur helst frá mönnum, sem þora ekki í samkeppni við aðila frá ESB ríkjum.

[Finnur Hrafn Jónsson, 12.10.2010 kl. 23:38]

Ég held að það sé nokkuð ljóst að Kínverjar hefðu ekki leyft sér svona framkomu gagnvart Norðmönnum ef þeir hefðu verið aðilar að ESB.