Sæstrengur bætir samningsstöðu Landsvirkjunar gagnvart stóriðju.

Við skulum ekki gleyma því að þeir samningar sem Landsvirkjun og önnnur orkufyrirtæki hafa gert við stíriðjufyrirtæki hér á landi eru til tiltekins árafjölda og þegar þeir renna út þarf að semja upp á nýtt um verð. Staðan er þá sú að stóriðjufyrirtækið hefur ekki arð af fjárfestingu sinni hér á landi ef ekki verður samið upp á nýtt um raforkusölu en á móti er Landsvirkjun í þeirri stöðu að af ekki verður um áframhaldandi rekstur að ræða þá setur hún uppi með umframorku sem ekki er hægt að koma í verð nema á mörgum árum.

Ef hins vegar er lagður sæstrengur hefur Landsvirkjun mun meiri möguleika á að koma orkuni í verð ef stóriðjufyrirtækið stoppar og því verður samningsstaða Landsvirkjunar mun betri. Það verður að teljast líklegt að það leiði til þess að Landsvirkjun nái samningum um betra verð þegar aftur þarf að semja um raforkuverð þegar núverandi samningar renna út.

Heildargróði af lagningu sæstrengs

Athugasemdir

[Ingibjörg Guðrún Magnúsdóttir, 6.7.2013 kl. 11:55]

Það er ekki laust við að það þurfi að endurskoða hlutverk Landsvirkjunar segi ég....

Ef það er til svona mikil umfram-orka eins og er verið að gefa  í skyn á sama tíma og það vantar hana hér á landi (Helguvík til dæmis) þá er eitthvað mikið orðið að kerfinu okkar segi ég bara og spurning frekar hverjum er verið að bjarga með þessu...

Er Landsvirkjun kannski í þörf fyrir gjaldeyrir vegna erfiðrar fjárhagsstöðu og sala á raforku okkar úr landi eina leið henni til bjargar eða hvað...

Hvort við Íslendingar sjálfir viljum nýta okkur þessa umfram-orku sem virðist vera til annarsvegar eða selja hana úr landi á að vera okkar Íslensku þjóðarinnar að segja til um myndi ég halda, og sérstaklega í ljósi þess að Raforkuverð til okkar Íslendinga á ekkert annað en eftir að hækka við þennann gjörning ef af verður og minni tækifæri þar af leiðandi fyrir okkur þjóðina ef því er að skipta...

Kv.góð

[Grímur (IP-tala skráð) 6.7.2013 kl. 14:53]

Gallinn er að raforkukostnaður hins venjulega íslenska neytenda og fyrirtækja hækkar til samræmis við hvað fengist fyrir raforkuna í Evrópu svo við töpum.

Treystum við virkilega þingmönnum til að jafna það upp með að dreifa hugsanlegum væntanlegum gróða af þessari sölu til okkar?

Þar fyrir utan þá verða líka bara einhverjir stórir heildsalar sem Landsvirkjun þarf að semja við og þeir gefa ekki neitt eftir.

[Anna Sigríður Guðmundsdóttir, 7.7.2013 kl. 01:42]

Það er rétt að benda á, að Landsvirkjunar-forstjórinn sagði fyrir einhverjum mánuðum síðan, að það verði eins með orkuverðið til Íslandsbúa, eins og varð með fiskverð til Íslandsbúa, þegar farið var að selja hann næstum allan utan Íslands.

Fiskur er orðinn um það bil ókaupandi dýr fyrir illa launað fólk á Íslandi, vegna þess að "hagkvæmu" þjóðar-auðlindarinnar markaðsverðin erlendis, eru látið gilda innanlands. Óháð kaupmætti almennings á Íslandi.

Og margumtalaða "þjóðin" (almenningur sem stritar fyrir laun falska fjármála-eftirlitsins og co), hefur ekki lengur kaupmáttar-möguleika til að kaupa sér nægan fisk úti í búð. (Þetta er eitthvað fyrir ASÍ-stjórnar-pælarana)!

Hagnaður hverra?

Eins verður það með sæstrengja-orkuna, sem á að verða svo "hagkvæm" fyrir margumræddu og margsviknu "þjóðina", sem ekki mun hafa möguleika á að nota rafmagn, í orku-auðlindaríkasta, og einu af veðurfars-harðbýlasta ríki norðursins.

Hagnaður hverra?

Gagnaverið tilvonandi og stórskulduga suður með sjó, er/verður kannski borgað með "þjóðar"-eignar-orkunni. Þ.e.a.s. það verður fjármagnað með marg-endurunninni og innistæðulausri bréfpeninga-staðgengils-ávísun gjaldþrota Björgúlfsfeðganna, frá miljónafélaginu á Bíldudal forðum, (núverandi Landsbanka/annarra banka-klíkufélaginu)?

Það er auðvelt að kaupa og framkvæma, ef einungis eru notaðar innistæðulausar ávísanir stjórnsýslu-stjórnleysingja, sem bankarændir einstaklingar verða svo að lokum látnir þræla fyrir! Húsnæðislausir, fiskmetis-snauðir og rafmagnslausir!

M.b.kv.

[Björn Heiðdal, 7.7.2013 kl. 17:20]

Þetta er nú ljóta bullið hja SiggaMagga.  Kannski virkar svona málflutningur á þroskahefta en vonandi ekki alla Íslendinga.  Álverin fara bara ef þau fá ekki rétt verð.  Það skiptir engu máli hvort það er einn sæstrengur eða hundrað til og frá landinu.  Það er miklu líklegra að álverin fái áfram mjög lágt verð en heimilin í landinu verði frekar látin borga brúsan.  Ég bíð virkilega spenntur eftir að borga 25% af rekstrartekjum okkar í rafmagn, fyrir börnin sjáðu!

[Sigurður M Grétarsson, 9.7.2013 kl. 16:31]

Grímur. Það er ekkert lögmál að sæstrengur muni hækka verð til almennings. Landsvirkjun er ríkisfyrirtæki sem getur haft annað verð til almennings en til fyrirtækja.

[Sigurður M Grétarsson, 9.7.2013 kl. 16:33]

Björn Heiðdal. Það er vissulega rétt að ef það verð sem við krefjumst er það hátt að álverin telji betra að framleiða álið annars staðar þá fara þau. En án sæstrengs geta þau kreist úr okkur mun lægra verð en þarf til þess vegna þess að við getum ekki selt öðrum orkuna og fáum þá ekkert fyrir hana fyrr en við erum búnir að finna annan kaupanda. Þess vegna bætir sæstrengur samningsstöðu Landvirkjunnar því hótun álveranna um að fara verður léttvægari fyrir vikið.

[Sigurður M Grétarsson, 9.7.2013 kl. 16:36]

Ingibjörg Guðrún. Það er erfitt að finna orku fyrir Helguvík vegna þess að það eru þröngir kostir að virkja orku í nálægð við hana sem hægt er að afhenda á því verði sem getur gert álverið arðbært.

En sæstrengurinn gerir það að verkum að það verður ekki eins mikið tjón fyrir Landsvirkjun ef eitt eða fleiri stóriðjufyrirtækin fara því þá er hægt að finna annan kaupanda af orkunni eða í það minnsta hluta hennar strax.