Gamlir leigusamningar oft undir markaðsverði nýrra samninga.

Markaðsverð leigu hefur hækkað mikið síðustu ár. Gamlir langrímaleigusamnngar eru því oftar en ekki undir því markaðsvirði sem nýr leigjandi í dag þyrfti að greiða. Síðan þegar leigusamningar eru endurmýjaðir hefur það oft áhrif hversu traustur viðkomandi leigjandi hefur verið. Þetta verð er því væntanlega mjör algengt í dag á þetta gömlum leigusamningum.

Húsaleiga undir markaðsvirði

Athugasemdir

[Kristinn Daníelsson, 14.4.2016 kl. 10:36]

Gamlir leigusamningar undir markaðsverði eru þar af leiðandi ekki á markaðsverði. Hvort sem samningurinn er gamall eða nýr þá er fullyrðingin um að greitt sé markaðsverð einfaldlega röng.

[Tómas Ibsen Halldórsson, 14.4.2016 kl. 13:39]

Mjög eru fullyrðingar þínar hér kæri Sigurður furðulegar, svo vægt sé til orða tekið. Gamlir leigusamningar hafa í nær öllum tilfellum verið vísitölu bundnir samningar.

Ljóst er að einhver maðkur leynist hér í Samfylkingar mysunni.

Fullyrðing Árna Páls um að greitt sé markaðsverð er röng og fullyrðingar þínar hér eru einnig rangar.

[Guðmundur Ásgeirsson, 14.4.2016 kl. 14:26]

Þetta hlýtur að vera vísir að lausn á húsnæðisvanda Íslendinga. Lækka bara leiguna niður fyrir markaðsverð. Ef það er gert hjá öllum þá lækkar markaðsverðið. Það eina sem vantar er að láta þetta ganga jafnt yfir alla. Jafnaðarmannaflokkur Íslands hlýtur að vera hlynntur því! :)

[Jóhann Elíasson, 14.4.2016 kl. 14:58]

Þetta er eitthvað það almesta bull, sem sett hefur verið á prent.  Já langt ganga menn í vitleysunni við að verja "sinn" flokk.  

[Sigurður M Grétarsson, 14.4.2016 kl. 16:27]

Húsaleiguvísitala tekur bara til kostnaðarhækkana sem verða eftir að leigusamningur er gerður. Hún tekur ekki til hækkunar á markaðsverði atvinnuhúsnæðis umfram slíkar kostnaðarhækkanir sem verða vegna aukinnar eftirspurnar umfram aukið fraboð. Þess vegna eru gamlir leigusamningar oft með lægri upphæð en nýrri samningar fyrir sama húsnæði. Þeir voru hins vegar oftast á því verði sam var á markaðnum þegar samningurinn var gerður uppfært með einhverri vísitölu. Einnig eru leigusalar oft tilbúnir til að leigja aðilum sem þeir álíta trausta á lægra verði og þá kemur traustið oft vegna langrar viðskiptaögu eins og í þessu tilfelli. 

Það eru skýrar reglur um það að ekki megi styrkja stjórnmálaflokka umfram ákveðna upphæð og leiga á húsnæði á óeðlilega lágu verði flokkast undir það. Ríkisendurskoðun hefur eftirlit með slíku og hefur ekki séð ástæðu til að setja út á það leiguverð sem Samfylkingin greiðir fyrir þetta húsnæði.

[Sigurður M Grétarsson, 14.4.2016 kl. 16:28]

Jóhann.Elíasson. Þegar þú segir aðra vera að ganga langt í vitleysunni til að verja sinn flokk þá ert þú svo sannarlega að kasta steini úr glerhúsi. Ég veit ekki betur en að þú hafir lagt talsvert á þig í því að verja Sigmund Davíð upp á síðkastið og gengið ansi langt í því að verja hans óverjandi framkomu.

[Tómas Ibsen Halldórsson, 14.4.2016 kl. 17:05]

Á tímum verðbólgu og jafnvel enn í dag þegar verðbólga er ekki mikil voru/eru leigusamningar gerðir með ákvæði um að leiga skuli taka breytingum og þá yfirleitt miðað við byggingavísitölu. Þar sem slíkt ákvæði er ekki í leigusamningum gilda slíkir samningar yfirleitt í skemri tíma með ákvæði um endurskoðun á leiguupphæð ef samningurinn er endurnýjaður.

[Sigurður M Grétarsson, 15.4.2016 kl. 06:59]

Það er reyndar til sérstök húsaleigusvístiala þar sem reyndar byggingaviísitala er einn af þáttunum í henni. En leiguverð hefur á undanförnum árum hækkað mun meira en þessar vísitölur og því eru gamlir langtímasamningar oftast með mun lægri leigu en hægt væri að fá leigt í dag með nýjum samningi.