Hvar er Sderot?

Er Sderot innan löglegra landamæra Ísraels eða er þetta ein af ólöglegum landtökubyggðum Ísraela? Einhver kann að spyrja af hverju þetta skiptir máli. Því er til að svara að ef þetta er ein af ólöglegum landtöku- eða öllu heldur landránsbyggðum Ísraela þá verður fólk, sem sest að á stolnu landi að gera ráð fyrir því að réttmætir eigendur landsins reyni að hrekja það á brott. Það getur þá sjálfu sér um kennt að búa við flugskeytaárásir Palestínumanna, enda er það svo að alþjóðalög og alþjóðasamningar eins og Genfarsáttmálinn heimila íbúum hernuminna svæða að heyja vopnaða baráttu gegn hernáminu.

 

Þá kann einhver að segja að það sé ansi lágt lagst að ráðast á leikskóla en því er til að svara að þessar heimatilbúnu eldflaugar Palestínumanna eru ekki það námkvæmar að þeir geti miðað á ákveðin hús heldur senda þeir eldflaugarnar aðeins eitthvert inn á svæði landránsmanna. Hins vegar eru ummæli leiðtoga Jihad samtakanna eftir að í ljós kom að eldfaugin lenti nærri leikskóla í hæsta máta ósmekkleg og ekki til að bæta um fyrir málstað Palestínumanna.

 

Sé þessi bær hins vegar innan löglegra landamæra Ísraela það er inni á því landi, sem Ísraelum var úthlutað af Sameinuðu þjóðunum árið 1947, þá ber að sjálfsögðu að fordæma þessa árás Palestínumanna á almenna borgara.

Reiði vegna flugskeytaárásar á leikskóla í Ísrael

Athugasemdir

[Gestur Halldórsson, 3.9.2007 kl. 20:46]

Þú veist betur en þetta ef þú vilt kalla þig heilan og sannan jafnaðarmann Sigurður Már. Sderot er innan löglegra landamæra Ísraels, þeirra landamæra sem alþjóðasamfélagið afmarkaði sem fullvalda og sjálfstætt þjóðríki Ísraelsþjóðar.

Ég spyr þig Sigurður Már, "að hverju beinast flugskeyti Hamasliða", ég svara, "að þéttbýlissvæðum saklausra borgara Ísraels", og ég spyr þig Sigurður Már, "hver er ásetningurinn" ég svara, "að deyða og limlesta sem flesta saklausa borgara. - Hverju svarar þú.

Jafnaðarmenn skoða og krifja málin frá báðum endum og sækjast eftir réttlátri lausn, og þar sem andstæðingar verða sáttir og gera sér glaða stund.

Hér á eftir þætti mig vænt um að fá fordæmingu þína á þessu athæfi sem sönnum jafnaðarmanni, sem þorir að taka á óréttlæti hvaðan sem það kemur.

[Sigurður M Grétarsson, 4.9.2007 kl. 15:51]

Ég heiti reyndar Sigurður Magnús en ekki Sigurður Már. Það er þó aukaatriði. Ég veit ekki hvað þú telur þig vita um mína vitneskju en ég hef ekki hugmynd um hvar Sderot er.

 ´

Ef þú lest innlegg mitt þá fordæmi ég allar árásri á óbreytta borgara innan löglegra landamæra Ísraels. Ég geri þó ráð fyrir að við séum ekki sammála hver eru lögleg landamæri Ísrels. Að mínu mati eru einu löglegu landamæri Ísraels mörk þess lands, sem Ísraelum var úthlutað af Sameinuðu þjóðunum árið 1947. Svo dæmi sé tekið er Jerúsalem ekki innan þeirra marka enda er Jerúsalem ekki löglegur hluti Ísraels heldur hluti af ólöglgu hermámssvæði þeirra. Þeir hertóku helming hennar (vesturhlutan) í stríðinu 1947 til 1948 og hinn helmingin (austurhlutan) í sex daga stríðinu árið 1967.

Ekkert Evrópuríki er með sendiráð sitt í Jerúsalem. Veist þú af hverju það er? Það er vegna þess að þessi ríki viðurkenna ekki Jerúsalem, sem löglegan hluta Ísraels enda er hún það ekki.

[Gestur Halldórsson, 4.9.2007 kl. 21:33]

Þá geri ég ráð fyrir að þú fordæmir allar þær árásir sem hafa beinst að saklausum óbreyttum borgurum Ísraels, og þar á meðal þessa, s.o. árásir á sannanlega saklausa óbreitta borgara Palestínu.

Hvað varðar Jerúsalem þá var hún undanskilin og átti að fara undir alþjóðlega stjórn vegna heilagleika borgarinnar, enda vagga/hornsteinn kristni og gyðingatrúar.