Veit ekki á gott þegar farið er að drepa blaðamenn.

Þegar hernámsríki er farið að drepa blaðamenn þá vekur það mér alltaf ugg. Það getur bent til þess að leiðtogar þess ætli sér að fara út í aðgerðir, sem þeir vilja ekki að blaðamenn verði vitni að. Því fari þeir fyrst út í aðgerðir, sem séu til þess fallnar að hrekja blaðamenn frá átökunum. Liður í því er einmitt að drepa blaðamann til að hræða aðra blaðamenn frá því að vera á svæðinu.

Ég óttast því að framundan séu ljótar og grimmilegar aðgeriðr á vegum Ísraelshers og það, sem við höfum séð undanfarið sé aðeins forsmekkurinn af því, sem koma skal. Ég tel því fulla ástæðu til að óttast um afdrif óbreyttra borgara á Gasa svæðinu á næstunni.

Blóðbað á Gasasvæðinu

Athugasemdir

[Jonni, 17.4.2008 kl. 13:21]

Það held ég nú líka og hef búist við þessu undanfarið eftir stórkarlaleg ummæli þeirra félaga. Þetta er allt samkvæmt áætlun og mikið hljóta ísraelsmenn að vera ánægðir með Hamas. Sannkölluð himnasending fyrir "Endlosung" því nú þurfa þeir ekki að semja við einn né neinn heldur geta bara verið í stanslausum hóprefsingum og aftökum.