Ósammála Mubarak en sammála skiltaberanum á myndinni

6.1.2009 | 09:41

Ósammála Mubarak en sammála skiltaberanum á myndinni

Ég er ósammála því, sem Mubarak segir að ekki megi leyfa Hamas samtökunum að hafa betur í átökunum við Ísraelsher. Það eina, sem getur komið í veg fryrir að Ísralar haldi áfram aðgerðum eins og þeir hafa staðið að á Gasa að undanförnu er að þeir fái álíka ráðningu eins og þegar þeir réðust inn í Líbanon árið 2006 og helst verri. Ég geri mér fyllilega grein fyrir því að með þessum orðum er ég að óska ísraelskum hermönnum dauða en það er einfaldlega þannig að árás eins og þessi leiðir óhjákvæmilega til þess að margir láta lífið og það er betra að það sé árásaraðilinn, sem það gerir en að það sé sá, sem ráðist er á.

Afhroð Ísraelahers í Líbanon árið 2006 kom í veg fyrir að Ísralesher færi enn lengra inn í landið með mun meiri blóðsúthellingum meðal saklauss fólks en þó varð og auk þess, sem sú niðurlæging Ísraelshers hefur komið í veg fyrir að þeir endurtækju þann leik. Þannig hefur sú frækilega framistaða, sem Hezbolla menn sýndu þar gegn einum öflugasta her í heimi bjargað mörgum mannslífum. Þeir hafa þannig bjargað lífi fjölda manna, sem annars hefði verið slátrað af þessum grimma her. Þó má reyndar gera ráð fyrir þvi að þessi árás á Gasa sé meðal annars hugsuð til að herinn geti rekið af sér slyðruorðið fyrir næstu kosningar í Ísrael, sem eru nú framundan. Þeir gátu ekki sigrað Hefzbola og þá velja þeir sér bara auðveldari andstæðing næst. Þó það sé ekki líklegt þá heldur maður í þá veiku von að afhroð þeirra á Gasa verði nógu mikið til að þeir hiki við að endurtaka þann leik, sem þeir nú leika þar.

Það, sem stendur á skiltinu á myndinni við þessa frétt eru orð að sönnu. Í mínum huga er það ekki spurning að ísraelski herinn er grimmusu, miskunarlausustu og blóði drifnustu hryðjuverkasamtök Miðausturlanda. Þeir hafa drepið margfalt fleira sakaust fólk heldur en öll hryðjuverkasamtök Palestínumanna til samans. Þeir hafa drepið á annað þúsund palestínsk börn frá því seinni Indifata uppreisn Palestínumanna hófst í september árið 2000.