Hver á að borga???

Það má vel vera að það komi fram í tillögum Framsóknarflokksins en það kemur hvergi fram í þessari frétt hver það er, sem á að borga þessa niðurfellingu skulda samkvæmt þessari tillögu Framsóknarflokksins. Hvað Íbúðalánasjóð varðar þá mun það annað hvort þurfa að lenda á skattgreiðendum eða að allir, sem keypt hafa íbúðabréf af Íbúðalánasjóði verði að afskrifa 20% af sínum eignum. Það eru fyrst og fremst lífeyrissjóðir og það mun þá leiða til lækkunar á eignarstöðu þeirra, sem svo aftur leiðir til lægri greiðslna til lífeyrisþega. Það leiðir síðan aftur til hækkunar á kostnaði ríkisins við almannatryggingar vegna þess að þær greiðslur eru að mestu tekjutengdar.

 

Lækkun á eignum lífeyrissjóðs ríkisnins vegna þessa lendir á skattgreiðendum vegna ábyrðar ríkissjóðs á lífeyrisréttindum ríkisstarfsmanna. Það sama á við um lífeyrissjóði sveitafélaga. Tap þeirra vegna þessa leindir á sveitafélögunum með sama hætti.

 

Ef bankarnir eiga að geta afskrifað sín útlán þá þarf annaðhvort ríkið að greiða mismunin eða að allar inneignir í bönkum séu líka afskrifaðar á móti. Eru Framsóknarmenn að leggja til að allar innistæður í bönkum séu afskrifaðar um 20%.

 

Það væri gaman að heyra hvernig Framsóknarmenn vilja fjármagna þetta til að átta sig á því hverjir eiga að greiða herlegheitin. Vissulega er hluti þessara skulda hvort eð er tapaður þar, sem skuldarinn mun ekki geta greitt skuldir sínar að fullu. Það á þó aðeins við hluta skulda. Ég tel nauðsynlegt að því verði komið á hreint fyrir kosningar hverjum Framsóknarmenn ætla að borga brúsan þannig að menn geti kosið eftir því.

 

Þessi aðgerð mun kosta mörg hundruð milljaraða króna en samt mun hún engan vegin duga fyrir þá alla verst settu af þeirri einföldu ástæðu að 20% lækkun höfuðstóls er ekki nóg fyrir þá. Það væri hægt að hjálpa þeim nánast öllum fyrir aðeins brot af því, sem þessi leið kostar með því einfaldlega að vera ekki að dreifa þeirri aðstoð á alla óháð því hvort þeir eru í einhverjum vandræðum eða ekki.

Leggja til 20% niðurfellingu skulda

Athugasemdir

[Guðmundur Sverrir Þór, 23.2.2009 kl. 19:26]

Ég held að það gildi einu hvaða aðgerða verður gripið til til þess að koma á móts við heimilin, þær munu allar kosta töluverða peninga. Í mínum huga er réttara að spyrja hver fórnarkostnaðurinn sé, þ.e. kostnaðurinn við að láta tugi þúsunda heimila verða gjaldþrota.

Hins vegar er ég sammála þér um að þessi aðgerð dugir hvergi nærri, ég hef á mínu bloggi sett fram hugmynd sem gengur töluvert lengra að mínu mati. Slóðin á færsluna er: http://sverrirth.blog.is/blog/sverrirth/entry/808098/

Ég tek það fram að ég er ekki Framsóknarmaður heldur í jafnaðarmaður.