VG byjarðir að fremja skemmdarverk á möguleikum okkar á aðild að Evrópusambandsaðild.

Það er greinilegt að VG ætlar að berjast með öllum ráðum gegn aðild Íslands að Evrópusambandinu. Uppákomur eins og þessi eru ekki til þess fallnar að auka traust á okkur Íslendingum hjá öðrum Evrópusambandsríkjum og þar með minnka líkurnar á góðri niðurstöðu í samningaviðræðum okkar við Evrópusambandið.

 

Ögmundur ætti að vita það að á meðan við erum í EES en ekki í ESB þá höfum við enga aðkomu að samþykktum ESB en verðum að taka þær upp. Ef við gerum það ekki þá er EES samstarfið í hættu. Einu möguleikar okkar í dag til að hafa áhrif á það hvernig samþykktir ESB líta út á endanum er að biðla til vinaþjóða okkar, sem eru í Evrópusamandinu að tala máli okkar í þeim nefndum, sem fjalla um málið. Gallin er hins vegar sá að meðan við höfum ekki beinan aðgang af þessum nefndum þá er oft búið að samþykkja málin á þann veg að illa hentar fyrir okkur áður en við fréttum af því að það standi til.

 

Ögmundur ætti því að vita það að eina leið okkar til að geta í öllum tilfellum haft áhrif á gang mála meðan þau eru enn í mótun er að hafa okkar menn inni í þessum nefndum. Það gerist einungis með aðild að Evrópusambandinu. Staðreyndin er sú að 99,5% mála eru kláruð í þessum nefndum með samþykktum, sem allar aðildarþjóðir sætta sig við. Þess vegan eru möguleikar okkar til að hafa áhrif á gang mála ef viðo erum aðilar að Evrópusambandinu langt umfram þann þingmannafjölda, sem við fáum á Evrópuþinginu.

 

Ögmundur ætti því að vita að ef við hefðum verið aðilar að Evrópusamandinu þá hefum við hugsanlega getað komið þeirri breytingu á, sem hann vill gera á þessari þjónustutilskipun ESB eða allavega fengið einhverja breytingu í þá átt. Það er hins vegar orðið of seint núna því það er búið að samþykkja þessa tilskipun án þess að við hefðum nokkra aðkomu að þeirri samþykkt, þökk sé þeim, sem hafa komið í veg fyrir það hingað til að við íslendingar gengjum í Evrópusambandið.

Óljóst með samþykkt ESB-laga

Athugasemdir

[Guðmundur Eyjólfur Jóelsson, 26.4.2009 kl. 10:10]

ég veit ekki betur enn að öll mál verði að ganga í gegnum alþingi og Ögmundur er nú bara einn af alþingismönnum . ég segi aftur á móti að við sem 300.000 manna þjóðfélag höfum nú ekki mikið að segja í 300.000.000 þjóðfélag Við erum ekki nema lítið þorp í evrópu hvers vegna í ósköpunum átta menn sig ekki á smæð 'ISLANDS .En við erum stór þegar kemur að nátturuauðlindum og það er það sem evrópusambandið sér ,menn skulu ekki gleyma því.

[Konráð Ragnarsson, 26.4.2009 kl. 18:09]

Til hamingju Sigurðir með þinn flokk!!!!!Ég skil bara ekki þessa hræðslu Vg að leyfa þjóðinni ekki að ákveða hvort við förum í aðildarviðræður við ESB eða ekki.Er þetta ekki svolítil foræðishyggja!Að sjálfsögðu eigum við að sækja um aðild,annað er bara heimaóttafóbía.Við erum ekki að sækja um aðild í klu klux klan samtökunum

[Halldór Jónsson, 11.5.2009 kl. 11:28]

Nei aldrei í ESB. Eitt fullveldisafsal á árþúsundi er nóg.Við erum ekki Evrópumenn heldur miklu tengdari Ameríku. Líkari þeim í orði og æði en landluktum meginlandsíbúum og Tyrkjum sem herja á Grikki ef þeim dettur í hug. Ekki sjá það.