Enn skrifar Vilhjálmur Örn Vilhjálmsson lygar og róg um mig.

Eins og ég benti á í síðustu bloggfærslu minni skrifaði Vilhjálmur Örn Vilhjálmsson afar ómerkilegar lygar og róg um mig á bloggfærslu sína um daginn. Til að bæta ofan á ómerkilegheit hans og lágkúru hefur hann á sama tíma lokað fyrir það að ég geti svarað fyrir mig á sama vettvangi þannig að ég á erfitt með að bera þessar sakir af mér á sama vettvangi. Þetta er þeim mun alvarlegra þar, sem Vilhjálmur er einn hinna svokölluðu "forsíuðublolggara" hjá mbl.is og því er blogg hans mikið lesið. Ég reyni hins vegar eftir bestu getu að verja æru mína gegn þessu "mannorðsmorði" Vilhjálms.

 

Ég gat reyndar komið með andsvar inn á bloggsíðu hans með því að skrifa þar, sem almennur notandi. Svo virðist að það hafi liðið nokkrir dagar áður en hann áttaði sig á því og þar með var átti hann ekki gott með að fjarlægja það svo lítið bæri á eins og hann hefur áður gert þegar ég hefi verið að reyna að bera af mér róg af hanns hálfu eða leiðrétta lygar hans um málefni Miðausturlanda. Hann brá því á það ráð að halda níði sínu og rógi áfram í svari við athugasemd minni og loka síðan fyrir það að ég gæti svarað fyrir mig í minni tölvu. Því verð ég að halda áfram að verja mannorð mitt eftir öðrum leiðum.

 

Svar Vilhjálms sést hér:

 

 

"Ég kalla það ofsóknir, þegar menn senda viðbjóðslegan stuðning við morðsveitir Hamas samtakanna úr 7 mismunandi tölvum á Tælandi. Ég frábað mér þann ósóma, en þú hélst áfram að senda hann. Síðan hefur þú stundað óeðlilega róherferð gegn mér á bloggum annarra, án þess að ég hafi tekið þátt í umræðum á þeim. Það er löðurmannlegt og lítilfjörlegt.  Þú hefur hugsanlega verið að gera það í vinnutíma, sem er algjörlega forkastanlegt.

Þú hefur rangt eftir greininni í Jerusalem Post. Það geta allir séð. Þú gerir mér upp orð og skoðanir. 

Prófessor í sanskrít við Hafnarháskóla var rekinn vegna andgyðinglegs áróðurs.

Ég var ekki að sverta Harrit, sem er LEKTOR, við Hafnarháskóla. Hann svertir einvörðungu orðstír sinn sjálfur, með rugli og nauðgun á aðferðafræði efnafræðinnar.

Gyðingahatur hefur tengst samsæriskenningum um 9/11 frá byrjun og mér sýnist að þú sér hallur undir slíkar kenningar. Þar að auki styður þú Hamas, sem vilja útrýma gyðingum. Þess vegna frábið ég mér heimsóknir frá þér, og hef reyndar gert það áður. 

Ef þú ætlar að stunda lygaherferðir um mig, gerðu það utan vinnutíma. Íslenska ríkið gæti orðið skaðabótaskylt og ekki greiðir Hamas þér fyrir að styðja þá, enda er stuðningur þinn þeim einskis virði."

 

Það, sem þarna kemur fram er fátt annað en lygar og rógur um mig.

 

Í fyrsta lagi hef ég aldrei skrifað, sagt eða framkvæmt neitt, sem flokkast getur undir stuðning við hryðjuverkasveitir eða morðsveitir Hamas hvorki á bloggsíðu Vilhjálms né neins staðar annars staðar. Allar fullyrðingar Vilhjálms um það eru lygar og rógur. Ég legg áherslu á það við þá, sem séð hafa þessar fullyrðingar hans bæði á hans eigin bloggsíðu og einnig þar, sem hann hefur komið fram með fullyrðingar um þetta á bloggsíðum annarra að hann hefur aldrei fært rök fyrir þessari ásökun sinni. Hann hefur aldrei vitnað í nein skrif mín þessari fullyrðingu hans til staðfestingar. Enda getur hann það ekki þó vissulega sé möguleiki að láta líta svo út með því að taka orð mín úr samhengi og þykir mér ekki ólíklegt að það verði næsta skref hans.

 

Ég hef heldur aldrei skrifað neinn "ósóma" inn á bloggsíðu Vilhjálms og það er eins með það að hann hefur aldrei getað vitnað um neitt í mínum skrifum, sem réttlæta þá umsögn. Það, sem ég skrifaði inn á bloggsíðu Vilhjálms voru málefnanlegar leiðréttingar og mótmæli við skrifum hans sjálsfs um málefni Miðausturlanda, sem oft voru lítið annað en þýðingar yfir á Íslensku úr áróðursritum Ísraela. Fyrir vikið kallaði hann mig að ósekju "gyðingahatara", "hryðjuverkamann", "terrorista", "stuðningmann hryðjuverka", "stuðningsmann fyrirætlana Hitlers" og "öfgamann". Vilhjálmur hefur aldrei getað fært rök fyrir þessum orðum sínum.

 

Þessi skrif mín voru málefnanleg og án alls dónaskapar. Þau voru án meiðandi ummæla um Vilhjálm öfugt við það, sem skrif hans um mig voru. Þó má vera að þegar hið ómerkilega skítkast Vilhjálms í minn garð stóð, sem hæst að ég hafi kallað hann "öfgamann". Ég er þó ekki viss um að ég hafi skrifað það þó ég hafi allavega hugsað það. Ég held að engin, sem verður fyrir jafn ómerkilegu og endurteknu skítkasti frá einstaklingi komist hjá því að hugsa þannig um viðkomandi.

 

Í öðru lagi er ég ekki hallur undir samsæriskenninguna um að Bandaríkjamenn hafi sjálfir sprengt tvíburaturnana. Ég hef heldur aldrei sagt neitt eða skrifað, sem gefur slíkt til kynna. Fullyrðingar Vilhjálms um slíkt eru því úr lausu lofti gripnar. Ég var aðeins að benda á það að þarna væri maður að skrifa um gyðingahatur meðal prófessora í Kaupmannahafnarháskóla, sem gerði mikið af því að væna menn að ósekju um gyðingahatur. Hann hefur gerð það gagnvart mun fleirum en mér og er hægt að sjá það á bloggsíðu hans á þeim tíma, sem stuðningsmenn Palestínumanna skrifuðu enn athugasemdir við skrif hans. Slík skrif sjást mjög sjaldan í athugasemdum á bloggsíðu hans og það þó um sé að ræða forsíðubloggara og að 70% þjóðarinnar styðja Palestínumenn. Menn geta velt fyrir sér af hverju það er. Ástæðurnar eru einkum tvær. Annars vegar nenna þeir ekki lengur að skrifa athugasemdir á bloggsíður þar, sem þeir uppskera aðeins ómerkilegt skítkast og róg frá hendi eiganda síðunnar og einnig hefur Vilhjálmur lokað á marga þeirra, ekki af því að þeir hafi skrifað óhróður eða verið með ókurteisi heldur af því að hann þolir ekki málefanleg skrif fylgt eftir með rökum þar, sem Ísraelar eru gagnrýndir.

 

Í þriðja lagi hef ég ekki staðið fyrir lygaherferðum um Vilhjálm. Það er hann, sem hefur staðið fyrir slíku um mig. Ég er aðeins að reyna að verja æru mína gagnvarat ómerkilegum lygum og rógi frá hendi forsíðubloggara hjá mbl.is

 

Og til að hafa allt á hreinu þá hafa öll svör mín við níðsrkirum Vilhjálms farið fram á minni tölvu utan vinnutíma öfugt við það, sem Vilhjálmur er að ýja að. Hann er meira að segja að reyna að ýja að því að þau skrif, sem hann sjálfur hefur sagt að hafi verið skrifuð meðan ég var í fríi í Tælandi hafi að einhverju leyti verið skrifuð í vinnutíma.

 

Hvað varðar skítkast Vilhjálms gagnvart þeim, sem blogga um málefni Miðausturlanda þá hvet ég menn til að skoða athugasemd hans inn á vef Ólínu Þorvarðardóttur þar, sem hún hrósar Ingibjörgu Sólrúnu fyrir að fordæma innrás Ísraela á Gasa í janúar. Það má sjá hér:

 

http://olinathorv.blog.is/blog/olinathorv/entry/762027/#comments

 

Hér notar hann orðin "skítseyði" og segir "hatrið stjórnar ykkur". Væntanlega er hann þar að ýja að gyðingahatri. Hann setti þessa sömu athugasemd inn á mörg önnur blogg. Menn geta rétt gert sér í hugarlund þegar hann skrifar svona inn á blogg annarra þar, sem þeir hafa ritstjórnarvaldið og geta fjarlægt athugasemdir hans hvernig hann skrifar þá, sem fordæma Ísraela inni á hans eigin bloggsíðu þar, sem hann þarf ekki að óttast neitt slíkt. Því miður þá er það langt síðan alvarleg fordæming á Ísraela hefur komið inn á bloggsíðu Vilhjálms að það tekjur of langan tíma fyrir mig að finna dæmi um slíkt á bloggsíðu hans til að ég geti staðið í slíku enda ég vinnandi maður með fjögur börn. Ég get hins vegar lofað þeim, sem hafa tíma og nennu til þess að þeir eiga eftir að fynna ansi mikin sora frá hendi Vilhjálms.

 

Vilhjálmur ásakar mig um að ryðjast inn á bloggsíður annarra til að setja inn róg um hann án þess að það tengist umræðuefninu. Ég get ekki séð hvernig það tengist ekki umræðuefninu þegar bent er á að aðili, sem er að væna menn um gyðingahatur geri mikið af því að væna menn um gyðingahatur að ósekju. Hvað segja menn hins vegar um þessa athugasemd Vilhjálms um mig inn á bloggsíðu þriðja aðila.

 

http://jonvalurjensson.blog.is/blog/jonvalurjensson/entry/902369/

 

Hér á ég við ummæli hans, sem voru skrifuð 24.06.2009 kl. 14:27. Þau eru svona:

 

 

 

"Skrýtið að sjá svona mann eins og Sigga M. Grétars vilja borga Icesave syndir óreglumanna og óðan að komast undir hæl ESB.

Siggi er nefnilega einn dyggasti stuðningsmaður hryðjuverkasamtaka í Miðausturlöndum, sem eru bönnuð í ESB.  En Siggi er greinilega sannur partísoldat og segir og gerir það sem honum er sagt. Nú er það þjóðarsjálfsmorð sem hann sættir sig við."

 

Hér er Vilhjálmur að ljúga upp á mig stuðning við hrypðjuverkasamtök í umræðu um Icesave skuldirnar. Hvað er þetta annað en rógur settur inn á blogg úr takti við það, sem fram fer á bloggsíðunni?

 

Ég hef þessi orð ekki fleiri að sinni og vonandi fer hinum ómerkilegu níðskrifum Vilhjáms um mig fullum að rógi og lygum að linna svo ég þurfi ekki að standa í því að verja æru mína gegn slíkum viðbjóði. Ég átel mér hins vegar fullan rétt til að nota allar þær leiðir, sem mér eru tiltækar til að rétta hlut minn.

 

Athugasemdir

[Jóhannes Ragnarsson, 20.7.2009 kl. 12:36]

Illa trúi ég því að blessað himmnaljósið hann Vilhjálmur Örn, jafn geðprúður og grandvar sem hann er, gangi fram með lygum og níði um annað fólk á opinberum bloggsíðum. Fáa veit ég eins oðrvara og fordómalausa í skrifum sínum á blogginu og öðlinginn hann Vilhjálm. Ef Vilhjálmur les þessar línur mínar þá má hann vita það, að ég minnist hans ævinlega í bænum mínum og bið Guð sérstaklega um að muna eftir honum Villa í Kaupmannahöfn, styrkja hann og styðja í hvívetna.

[Óskar Helgi Helgason (IP-tala skráð) 20.7.2009 kl. 12:48]

Heill og sæll; Sigurður - sem aðrir, hér á síðu þinni !

Verð að játa; að Vilhjálmur er, með þeim erfiðari í allri rökræðu, og hefi ég lent á slóð hans; fyrir nokkru, hvar hann var all hatrammur, Sigurður minn.

Oftlega; höfum við tekist á; persónulega, hér á vef, en komist óskaddir frá, Sigurður - hvað Vilhjálm Örn snertir, er hann ekki einhamur, þessi; annars gáfaði maður, þegar hann verður fyrir andsvörum málafylgjumanna, sem þínum og mínum, til dæmis.

Skil vel; þína umkvörtun, en,........ ætli VÖV, sé ekki einn þeirra, sem hitta þarf, á góðu kaffihúsi, eða viðlíka, til að koma eunhverju tauti við, Sigurður minn.

Með beztu kveðjum; úr Árnesþingi /

Óskar Helgi Helgason 

[Óskar Þorkelsson, 20.7.2009 kl. 12:54]

eina ástæðan fyrir því að villi vitllausi í köben er forsíðubloggari á mogganum er sú að hann vekur umtal og er umdeildur... hann lokaði á mig líka þegar ég rak ofan í hann lygar fyrir meira en ári síðan á hans bloggi.

Ef þú ert ekki sammála honum þá ertu gyðingahatari og .þar með útskúfaður af hans síðu.. svo sendir hann níð um viðkomandi í gríð og erg þegar hann hefur lokað  .. enda er Villi huglaus með afbrigðum og þrífst ekki vel þar sem menn fá að hafa opnar umræður við hann. 

En moggabloggið á að sjá sóma sinn í að fjarlægja þennan vitfirring af forsíðunni.. hann er skömm moggabloggsins. 

[brahim, 20.7.2009 kl. 13:05]

Sigurður. Þú ert því miður ekki sá fyrsti né sá síðasti sem hann útilokar frá bloggsíðu sinni...hef lesið nokkra pistla frá öðrum bloggurum sem lent hafa í því sama...vegna þess eins að þeir eru ekki sammála honum í skoðunum hans...Hann einfaldlega þolir ekki gagnrýni á sín skrif...ef hann sér slíka gagnrýni...þá einfaldlega eyðir hann þeim út... þar fyrirutan er hann sjálfur yfirleitt með mesta skítkastið í garð annara..og finnst honum voða,voða gaman að gera grín að nöfnum fólks sem það nota á bloggsíðum sínum. Í einu svari sínu hjá þér nefnir hann Prófessor í sanskrít við Hafnarháskóla sem var rekinn. Ættir kanski að spyrja hann...af hverju hann sjálfur hafi verið rekinn frá Þjóðminjasafninu hér um árið.

[Bjarni Kjartansson, 20.7.2009 kl. 13:31]

ÉG er einnig í hópi útvalina hjá Vilhjálmi og tel þann hóp afar merkilegan því eins og Jóhanes segir hér að ofan, er það sérlega selektífur hópur, því að Vilhjálmur, sem býr þann hóp til, er dagfarsprúður og óljúgfróður maður og algerlega sauð-meinlaus.

 Sumsé hópur útvalina sem EKKI mega komentera á sannleikan séðan með augum Vilhjálms hinn forna

Miðbæjaríhaldið

[runar (IP-tala skráð) 20.7.2009 kl. 17:34]

Ég hef(hafði) einnig þann umdeilda heiður að koma að lokuðum dyrum í kommentakerfi Vilhjálms.

Þó hef ég eftir mikinn lestur á blogginu,  komist á þá skoðun að Vilhjálmur er ekki mesti sorakjafturinn í þessum deilum, hann er vissulega grófur. En sumir kapparnir sem hér ofar mér rita, hafa sannarlega gerst sekir um vægast sagt sorpmunnsöfnuð í garð Vilhjálms í gegnum tíðina.

Ég er í engu liði en mér finnst samt réttlátt að menn mættu líta sér nær  þegar menn hrauna yfir Vilhjálm fyrir sorakjaft, sem hann vissulega hefur !!

Eigið samt allir góðan dag 

[Sigurður M Grétarsson, 21.7.2009 kl. 07:03]

runar. Mér þætti vænt um það að þú talaðir skýrar og segðir hver af þeim, sem hér hafa skrifað "sorpmunnsöfnuð í garð Vilhjálms" svo ekki liggi allir undir grun um það. Einnig þætti mér gott að þú vitnaðir í einhver ummæli viðkomandi svo hann eða þeir geti svarað fyrir sig.

Talandi um það þá á ég eftir að gera það sama varðandi Vilhjálm. Hér kemur eitt tilfelli.

http://postdoc.blog.is/blog/postdoc/entry/411201/#comments

Þetta er í bloggi hans frá 10.01.2008. Það, sem fram kemur í seinustu athugasemd hans, frá 13.01.2008 eru ein af þeim ummælum, sem ég var að tala um. Það, sem þarna kemur fram var ekkert nýtt því ég hafði áður setið undir því skítkasti hans að vera ásakaður um gyðingahatur og stuðning við hryðjuverkasamtök.

Hér koma þessi ummæli Vilhjálms í minn garð.

"Sigurður M. Grétarsson, rífðu kjaft einhvers staðar annars staðar en hér. Þú ert margyfirlýstur stuðningsmaður hryðjuverka og ert greinilega einnig hlynntur ætlunarverki Hitlers. Orðagjálfur þitt gagnar engum Palestínumanni og síst af öllu friði. Finndu þér eitthvað annað at hata en gyðinga og Ísrael."

Það var þarna reyndar ekkert nýtt að hann hefði álíka ummæli um mig án þess að færa rök fyrir þessum orðum sínum. Þetta getur því ekki flokkast undir neitt annað en ómerkilegt skítkast. Menn geta síðan lesið mínar athugasemdir og skoðað hvort þar sé eitthvað að finna, sem réttlætir þessi orð.

Einu rökin, sem Vilhjálmur kom nokkru sinni með fyrir ummælum sínum um mig var þegar hann færði rök fyrir því að kalla mig "gyðingahatara" með því að ég hefði lítk Ísraelum við Nasista og að í því fælist gyðingahatur. Hvað það varðar þá er það í fyrsta lagi bull að í því geti falist eitthvert gyðingahatur að líkja Ísraelum við Nasista þó einhver samtök Ísralesvina í Evrópu reyni að klína slíkum stimpli á slík ummæli enda getur gagnrýni á þjóðríkið Ísrael ekki talist fordómar eða hatur á gyðingum. Í öðru lagi þá hef ég aldrei líkt Ísraelum við Nasista. Í því efni var Viljjálmur að snúa út úr orðum mínum eins og honum er tamt að gera. Þetta má sjá hér.

http://postdoc.blog.is/blog/postdoc/entry/246910/#comments

Eins og greinilega sést þegar lesin eru orð mín og útleggingar Vilhjálms á þeim þá er um að ræða útúrsnúninga hjá Vilhjálmi. Hér var ég einungis að ræða um rétt íbúa hernuminna svæða til vopnaðrar andspyrnu við hernámið, sem telst til sjálfsvarnar samkvæmt alþjóðalögum. Í því efni tók ég dæmi um árásir andspyrnumanna í Evrópu á þýska hermenn. Þetta gerði ég vegna þess að þarna er um að ræða atburði í Evrópu og því þekkjum við Íslendingar þá sögu betur en sögu annarra  hermána í heiminum þar, sem vopnuð andspyrna átti sér stað gegn hernámsliðinu. Í þeim orðum er hins vegar ekki hægt að lesa að ég hafi verið að halda því fram að Ísraelar séu jafn slæmir og Nasistar voru né aðra samlíkingu Ísraela við Naista en þá að í báðum tilfellum er og var um grimmileg hernám að ræða.

Ef einhverjir efast um að það sé rétt hjá mér að athugasemdir mínar á bloggi Vilhjálms hafi verið eitthvað annað en málefnanleg innlegg í þær umræður, sem Vilhjálmur sjálfur hóf þá getur sá hinn sami leitað að ummælum eftir mig á bloggi hans til að finna eitthvað annað en það. Ef menn trúa Vilhjálmi þegar hann segir að ég hafi viðhaft meiðandi ummælu um hann persónulega þá skora ég á þá að leita að slíku í athugasemdum mínum. Ef einhver telur einhverja innistæðu vera fyrir gífuryrðum Vilhjálms í minn garð þá skora ég á hinn sama að leita eftir einhverjum ummælum mínum, sem réttlæta þau ummæli.

[runar (IP-tala skráð) 21.7.2009 kl. 15:14]

Sæll Sigurður.

Ég er hjartanlega sammála þér um margt sem þú tengir við Vilhjálm, enda var lokað fyrir aðgang minn að kommentakerfi hans, jafnvel þótt ég sé frekar hrifinn af Gyðingum.

Hrifning mín á Gyðingum er kannski best lýst með því að ég tel þetta vera gáfaða þjóð, en sannarlega er mér illa við meðferð þeirra á Palestínumönnum, enda einn minn besti vinur brottfluttur Palestínumaður.

En það má samt ekki gleymast að mjög mörg sorayrðin hafa verið notuð þegar fjallað er um Vilhjálm, og finnst mér þar af leiðandi innihaldslaust mjálm að gagnrýna Vilhjálm um skít þegar skítur er það sem hann fær í meira magni í fangið en flestir aðrir bloggarar.

Þú biður mig, Sigurður, um að benda á hver hafi drullað yfir Vilhjálm.. þú þarft aðeins að lesa athugasemd Óskars við þessa færslu til að sjá það. Við þurfum ekki einu sinni að fletta út af þessari færslu til að sanna mál mitt !!

Þig,aftur á móti, tel ég vera prúðan bloggara og var þessu skoti mínu alls ekki beint á þig.

Aðför Vilhjálms gegn þér finnst mér vera bæði barnaleg og heimskuleg !!

En eins og ég segi í fyrri færslu.. ég er í engu liði og í raun held ég með ykkur öllum !!

Bið að heilsa þér vinur...