Fulltrúar stéttafélaganna eiga líka að fara út.

Stjórnun lífeyrissjóðs á lítið sameiginlegt með stéttafélagabaráttu. Þó það hafi verið aðilar vinnumarkaðarins, sem komu lífeyrissjóðakerfinu á í upphafi þá tel ég það vera tímaskekkju að þeim sé stjórnað af þeim núna. Það hefur sýnt sig að lífeyrissjóðum hefur verið beitt í öðrum tilgangi en að hámarka ávöxtun fjársins og hefur það oft verið vegna aðkomu stéttafélaganna. Fjármunum lífeyrissjóðanna hefur verið varið í hlutabréf í fyrirtækjum í heimabyggð þrátt fyrir að samspil áhættu og vonar um ávöxtun hefur verið afleit. Í þeim tilfellum var féð notað í það að efla atvinnu í heimabyggð í stað þess að ávaxta fé sjóðanna.

 

Gallinn við starfstengda lífeyrissjóði er sá að örorkuáhætta er mjög mismunandi milli atvinnugreina. Því fá sjóðsfélagar í lífeyrissjóðum með mikla örorkuáhættu lakari ellilífeyrir en sjóðsfélgagar í öðrum lífeyrissjóðum með minni örorkuáhættu miðað við sömu greiðslur í sjóðina. Þetta þarf að laga. Ein leiðin getur reyndar verið sú að framlag vinnuveitenda sé hærra í sjóðum með háa örorkuáhættu. Þannig myndu vinnuveitendur greiða fyrir það að mikil örorkuáhætta er í þeim starfsgreinum, sem þarf til þeirrar starfsemi, sem þau eru í. Einnig væri hægt að hætta starfstengingu lífeyrissjóða. Ef það er gert þarf að skilgreina einhverja aðra tengingu eða gefa launþegum frelsi í að velja sinn lífeyrissjóð. Kosturinn við að gefa launþegum frelsi í að velja sinn lífeyrissjóð er sá að þá geta sjóðsfélagar greitt "atkvæði með fótunum" ef þeim líkar ekki fjárfestingastefna lífeyrissjóðsins. Ókosturinn er hins vegar sá að það gerir stjórnendum lífeyrissjóðanna erfiðara fyrir að stýra fjárfestingastefnu sjóðanna með hámarksárangri ef mikil óvissa er um hversu háar greiðslur koma inn á næstu árin svo ekki sé talað um ef sjóðsfélagar ættu að hafa rétt á að flytja fé milli sjóða.

 

Ef menn vilja ekki fullt frelsi af þessari ástæðu en vilja ekki heldur starfstengda skiptingu þá þarf að finna einhverja nýja skiptingu. Hins vegar er líka hægt að fara þá leið að vera með örorkutryggingar í sérstökum lífeyrissjóði, sem hluti iðgjalda fer í og þar væri um að ræða einn lífeyrissjóð fyrir alla landsmenn. Þá þyrftu hinir lífeyrissjóðirnir einungis að sjá um ellilífeyrir og þá væri ekki örorkuáhættan að þvælast fyrir þeim. Þá væri líka öllum launþegum tryggð sambærileg réttindi hvað örorkulífeyrir varðar en svo er ekki að heilsa í dag.

Vilja atvinnurekendur úr stjórnum lífeyrissjóða

Hvaða landamæri??

Hvaða landamæri er verið að tala um í þessari frétt að eldflaugum hafi verið skotið yfir. Bærinn Sderot er ekki hluti af Ísrael heldur hluti af ólöglegu hernámssvæði Ísraela frá því í stíðinu 1948 til 1949. Við hverju býst fólk, sem hefur sest að á stolnu landi?

 

Ef íbúar Sderot eru ósáttir við það að réttmætir eigendur þess lands, sem þeir búa á reyni að hrekja þá á brott þá geta þeir bara hypjað sig inn fyrir lögleg landmæri síns eigin ríkis. Ísraelar hafa engan rétt á að byggja ísraelskan bæ á landi, sem ekki tilheyrir Ísrael, í óþökk réttmætra eigenda landsins.

 

Hins vegar verð ég að segja það að ég hefði heldur viljað sjá þessar rakettur Palestínumanna fara inn í ísraelskar herstöðvar heldur en á íbúðabyggð og lít á það, sem heigulshátt hjá þessum herskáu Palestínumönnum að velja skotmörk með óbreyttum borgurum í stað herstöðva. Þeir velja skotmark, sem ekki getur "skotið" á móti. Það breytir hins vegar ekki því að Palestínumenn haf rétt til þess að reyna að hrekja þá landræningja, sem búa í Sderot á brott með öllum þeim ráðum, sem tiltæk eru. Það flokkast einfaldlega undir andspyrnu við ólöglegt hermán og er réttur íbúa hernámssvæða til slíks tryggður í Genfarsáttmálanum og fleiri alþjóðlegum sáttmálum.

Livni og Netanyahu hunsa beiðni Olmerts

Á virkilega að fara að dæma manninn hart?

Æftla Írakar virkilega að fara að taka hart á jafn nauðaómerkilegum hlut og þetta? Bush hefði í mesta lagi fengið smá skrámu þó annar skórinn hefði hitt hann beint í andlitið. Vafrla væri tekið svona hart á manninum hefði hann hent skónum að óbreyttum borgara úti á götu. Það er greinilaga ekki sama hvort það er Jón eða Séra Jón, sem maður hendir skó að í Írak.

 

Bandaríkjamenn eru reyndar ekkert skárri. Þar hefur maður setið í fangelsi í yfir 20 ár fyrir morðtilraun við þáverandi forseta Bandaríkjanna Ronald Regan. Reyndar særðist blaðafulltrúi Regans það illa í árásinni að hann er illa fatlaður fyrir lífstíð og er svo, sem ekkert við því að segja að maðurinn fái þetta langan dóm fyrir slíkt. Hins vegar spyr maður hversu margir aðrir hafi setið þetta lengi í fangelsi í Bandaríkjunum fyrir misheppnaða morðtilraun jafnvel þó fórnarlambið bíði þess aldrei bætur og búi við álíka fötlun á eftir eins og blaðafulltrúinn.

Skókastarinn fyrir rétt

Apartheid ríkið Ísrael

Er það leiðin til að byggja upp líðræðisríki þar, sem allir hafa jafnan rétt án tillits til trúarbragða að gefa eftir land til að þeir, sem játa "óæskileg trúarbrögð" verði ekki hluti af íbúum landsins?

 

Hvernig er hægt að skilgreina land, sem land fólks með tiltekin trúarbrögð, í þessu tilfelli gyðingatrú, og vera samt með jafnrétti gagnvart öllum trúarhópum?

 

Staðreyndirn er sú að í Ísrael er rekin aðskilnaðarstefna, sem gefur Apartheid stefnunni í Suður Afríku ekkert eftir. Eini munurinn er að í Suður Afríku voru hvítir menn forréttindastéttin en í Ísrael eru það gyðingar. Gyðingar búa í sérstökum hverfum og þar mega aðrir ekki búa. Þar er betra mennta- og heilbrigðiskerfi en annars staðar í landinu. Samt greiða allir sömu skatta. Einu hjónaböndin, sem eru viðurkennd eru hjónabönd gyðinga. Gift fólk fær margs konar skattafyrirgreiðslu, sem aðrir fá ekki.

 

Að tala um Ísrael, sem lýðræðisríki þar, sem jafnrétti ríkir óháð trúarbrögðum er þvílíkt kjaftæði að það hálfa vær nóg. Þarna er Livin einfaldlega að reyna að blekkja heimsbyggðina og þá sérstaklega vesturlandabúa.

Livni reitir ísraelska araba til reiði

Innanríkismál?????

Hvernig getur hernám eins ríkis á öðru ríki verið innanríkisnmál? Kínverjar hafa nú verið með Tíbet hernumið í um 60 ár og komið fram við íbúa þess að mikilli grimmd allan tíman. Það er því fullkomlega eðlilegt að alþjóðasamfélagið skipti sér af því og er reyndar skammarlegt hversu lítið alþjóðasamfélagið hefur gert til að lina þjáningar Tíbeta undir þessu grimma hernámi.

 

Ef eitthvað er afskipti af innanríkismálum annars ríkis í þessari frétt þá eru það afskipti Kínverja af því við hvern forseti Frakklands talar. Það eru afskipti af frönskum innanríkismálum.

Fordæma fund Sarkozys og Dalai Lama

Gott hjá Thai Airways að láta helvítis pakkið borga

Það á að láta þetta helvítis pakk borga þann skaða, sem það olli. Þetta pakk hefur valdið þjóðfélaginu öllu miklum skaða og því eðlilegt að það verði látið greiða þetta og svift öllum eigum sínum. Orðstír landsins hefur beðið mikinn hnekki fyrir vikið.

 

Það kosningasvindl, sem sitjandi stjórnarflokkar voru dæmdir fyrir er hlutur, sem hefur verið viðvarandi í Tælandi alla tíð og allir stjórnmálaflokkar og allir stórnmálamenn gerst sekir um. Þeir, sem ekki taka þátt í því eiga ekki möguleika í kosningum. Það mun ekki breytast vegna þessara atburða.

 

Mótmælin gegn stjórnarflokknum voru sögð vegna þess að hann væri handbendi fyrrverandi forsætisráðherra, sem var hrakinn frá völdum fyrir nokkru. Það er alveg rétt að þessi flokkur studdi hinn brottrekna forsætisráðherra en það kom líka skýrt fram í kosningabaráttunn sjálfri. Þar töluðu forsversmenn flokksins um að þeir ætluðu að "sækja kallinn". Þeir voru því kosnir út á það að vera stuðningsmenn hins brottrekna forsætisráðherra í lýðræðislegum kosningum.

 

Það má vel vera að hinn brottrekni forsætisráðherra hafi tekið þátt í einhverri spillingu. Slíkt er landlægt í Tælandi og hefur verið lengi og barðist hann mikið gegn spillingu og er talið að spilling í Tælandi hafi minnkað mikið á valdatíma hans. Hann var og er mjög vinsæll meðal alþýðu manna upp til sveita og meðal fátækra Tælendinga en er hataður af yfirstéttinni, mafíunni og þeim, sem hafa í gegnum tíðina hagnast á spillingu.

 

Það eru þeir aðilar og stuðningsmenn þeirra, sem hafa drifið þessi mótmæli áfram. Stór hluti mótmælenda er annað hvort úr yfirstétt eða fátækt fólk, sem fékk greitt fyrir að taka þátt í þessum mótmælum. Það er nefnilega mjög algengt með mótmæli í Tælandi, sem koma yfirstéttinni vel að ríkir menn borga fólki fyrir að taka þátt í mótmælunum.

 

Það er því ekki bara það að þessi mótmæli hafa skaðað landið efnahagslega heldur er líklegt að lýðræði í landinu veikist við þetta og spilling aukist. Einnig er líklegt að vegur Mafíunnar og annarra glæpasamtaka vaxi við þessi málalok. Það ver reyndar svolítið eftir því hvernig næstu kosningar fara. Verði kosið aftur eftir sömu kosningareglum og áður munu stuðningsmenn núverandi stjórnarflokks vinna þær kosningar. Ég óttast hins vegar að menn fari að breyta kosningalögum til að koma í veg fyrir það. Slíkt mun skaða Tæland til langrar framtíðar.

Íhugar málssókn vegna mótmæla

Hækkum strax lánshlutfall og hámarkslán ÍLS

Fyrir nokkru var lánshlutfall húsnæðislána hjá ÍLS lækkað úr 90% í 80% að því að sagt var til að draga úr þennslu á fasteignamarkaði. Ég spyr. Hversu mikið meira en orðið er vilja menn að það dragi úr þennslu á fasteignamarkaði áður en menn sjá ástæðu til að hækka lánin aftur?

 

Einnig tel ég að það þurfi að hækka hámarkslánin strax vegna þess gats, sem orðið hefur á fasteignmarkaðnum við brottfall bankanna af honum. Hámarklánin núna eru 20 milljónir og það dugar illa fyrir húsnæði á höfuðborgarsvæðinu nema fyrir litlum íbúðum. Það þarf að hækka þetta hámark að minnsta kosti upp í 30 milljónir.

Um 80% hafa misst vinnuna

Hvernig á þá að velja gengið og síðan verja það?

Eitt af því, sem við Íslendingar höfum verið hvað mest varaðir við er að reyna að verja of hátt gengi íslensku krónunnar. Við það gætum við tapað þeim upphæðum, sem við nú erum að fá lánaðar hjá IMF og Norðurlöndunum og setið samt uppi með tóman gjaldeyrisvarasjóð. Því spyr ég frjálsynda. Hvernig ætla þeir að velja þetta fasta gengi og hvernig ætla þeir síðan að verja það? Haldið þið að Norðmenn eða hver sú þjóð, sem á þann gjaldmiðil, sem valin er hafi einvern áhuga á að setja sína peninga í að verja það gengi?

Vilja tengja íslensku krónuna við þá norsku

Þvílíkt kjaftæði í Jóni Magnússyni

Það að telja þann tímapunkt, sem vantrausttillagan gerði ráð fyrir kosningum ekki koma til greina segir ekkert til um það hvort viðkomandi sé stuðningsmaður ríkisstjórnarinnar eða ekki. Það að vera ekki tilbúin til að samþykkja hvaða dellu, sem er frá stjórnarandstöðunni gerir mann ekki að stoðningsmanni ríkisstjórnarinnra. Þetta er ekki spurningin um að vera annað hvort með ríkisstjórninni eða á móti henni.

 

Jón talar um að slæmt sé að lítill flokkur eins og Frjálslyndi flokkurin geti ekki gengið í takt. Var örugglega búið að ræða þessa vantrausttillögu í stofnunum flokksins? Getur verið að þetta hafi einfaldlega verið ákvörðun formannsins, varaformannsins og formanns þingflokksins, sem þeir hafi síðan ætlast til að allir aðrir í flokknum dönsuðu eftir?

 

Ég segi fyrir mig að ég tel það glapræði að fara út í kosningar akkúrat núna. Við höfum rúma tvo mánuði til að framkvæma samkomulag okkar við IMF til að geta fengið megnið af láninu frá þeim og lánin frá Norðurlöndunum. Við megum engan tíma missa í því efni.

 

Ég er hins vega ekki þar með að segja að ekki eigi að kjósa áður en kjörtímabilið er úti. Ég tel hins vegar að við þurfum að velja dagsetningu fyrir alþigniskosningar þannig að, sem minnst truflun verði á störfum þingsins við að stýra okkur út úr þeirri kreppu, sem við erum í. Ég tel hins vegar að vegna hinnar þungu kröfu um kosningar sé betra að ákveða kjördagin núna.

 

Ég tel að við eigum að kjósa í byrjun september. Það hefur nokkra kosti.

 

Í fyrsta lagi þá verður komin einhver reynsla á þær aðgerðir, sem farið er út í og þar með hafa kjósendur eitthvað úr að moða til að ákveða hvort þeir vilja styðja þá flokka, sem vilja halda áfram á sömu braut og þá, sem vilja fara aðrar leiðir.

 

Í öðru lagi þá mun kosningabaráttan fara fram næsta sumar, þegar Alþingi er hvort eð er ekki að störfum og munu kosningar á þeim tíma því hafa eins litla truflun á störfum Alþingis eins og kostur er. Þetta hefur reyndar eitthfað sumarfrí af þingmönnum en það munu væntanlega vera margir, sem ekki geta tekið sér sumarfrí næsta sumar. Reyndar er þinghlé ú um það bil þrjá mánuði en eftir því, sem þingmenn segja eru þeir ekki í fríi allan þann tíma vegna þess að þeir þurfi að nota hlut tímans til að ferðast um kjördæmi sitt til að tala við fólk. Þeir geta þá væntanlega gert það undir formerkjum kosningabaráttu allt eins og undir einhverjum öðrum formerkjum.

 

Í þriðja lagi tel ég að þetta geti verið ákveðin málamiðlum milli þeirra, sem vilja kosningar strax og þeirra, sem vilja að ríksistjórnin sitji að lágmarki til ársins 2010 eða jafnvel út kjörtímabilið til 2011.

 

Í fjórða lagi er hætt við því að ef of stutt er til kosninga þá freistist stjórnvöld til að fara meira út í skammtíamaaðgerðir, sem laga ástandið til skamms tíma en síður til lengri tíma en aðrar aðgerðir, sem eru í boði.

 

Það má vel vera að meira að segja kosningar í september séu of skammt undan varðandi röksemd eitt og fjögur en ég held að þolinmæði fólks til að bíða eftir kosningum nái ekki öllu lengra en þangað til næsta haust.

Afstaða Kristins tekin fyrir

Það átti aldrei að selja grunnnetið með Símanum

Ég held að þessar æfingar sýni að það átti aldrei að selja grunnletið með Símanum. Nú þurfa menn alltaf að vara að skilgreina hvaða staðir á landinu eru utan þeirra svæða, sem búast má við að aðilar á markaði sinni á markaðslegum forsendum. Síðan þegar krafan eykst um að sinna þessum svæðum betur og fyrr eftir að ný tækni er komin til sögunnar munu markaðsaðilar alltaf freistast til að bíða mað að fara inn á minnstu svæðin, sem þó borgar sig samt að fara inn á, með von um að ríkið sjái um tengingar við þá staði og þær séu því þeim að kostnaðarlausu.

 

Hefið ekki verið betra að láta fyrirtæki eins og Landsnet, sjá um þetta þannig að öllum landsmönnum væri tryggð besta tækni hvers tíma í tengingum? Annar kostur víð þá aðferð er sá að þar með væri aðeins eitt "þjóðvegakerfi" í þessum geira en ekki sérstakar línur frá hverju fyrirtæki fyrir sig á markaðnum. Þannig mætti einnig spara stórfé.

Framkvæmdum við háhraðatengingar seinkar