Slæm úrslit fyrir Hafnfirðinga.

Þessi úrslit eru ekki bara slæm fyrir FH, sem með þessu tapi fyrir Grindvíkingum hafa gert vonir sínar um Íslandsmeistaratitil að engu. Þessi úrslit gera líka vonir Hauka um að halda sæti sínu í efstu deild að nánast að engu því með þessum sigri eru Grindvíkingar komnir með níu stiga forskot á Hauka og hafa þar með nánast tryggt sitt sæti í efstu deild að ári.

 

Það má því segja að þessi úrslit séu slæm fyrir bæði Hafnafjarðarliðin og gert nánast út um vonir þeirra og stuðningsmanna þeirra. Hafnfirðingar geta þó huggað sig við það að bikarinn fór til Hafnafjarðar í ár nema náttúrulega þeir aðdáendur Hauka, sem hata FH en þeir munu vera til enda mikill rígur milli liðanna. Svo eru ekki allir aðdáendur Hauka búnir að gleyma því að FH hafnaði beiðni þeirra um að fá að leika heimaleiki sína á Kaplakrika. Það var ótrúlega auðvirðuleg framkoma stjórnar FH.

Draumamark frá Ondo í sigri Grindavíkur á FH

Athugasemdir

[Sigurður M Grétarsson, 20.8.2010 kl. 06:20]

Þarna var ég aðeins og fljótur á mér að fullyrða að Grindvíkingar séu nánast búnir að tryggja sér sæti í efstu deild að ári. Að sjálfsögðu geta Selfissingar enn náð þeim að stigum og þeir því lent í næstneðsta sæti og þar með fallið. Þessi sigur gerir það aðeins að verkum að nánast er útilokað að þeir lendi í neðsta sæti og þannig hefur hann gert það að verkum að Haukar eru nánast örugglega fallnir. Eins og staðan er í dag þá er meira að segja ólíklegt að það dugi þeim að vinna fjóra af þeim sex leikjum, sem eftir eru til að tryggja sig áfram.