Hvernig getur hernám Kínverja á Tíbet verið kínverkst innanríkismál?

Það breytir engu um það hversu mikið Kínverjar rembast eins og rjúpan við staurinn að halda því fram að Tíbet sé hluti af Kína þá breytir það ekki þeirri staðreynd að svo er ekki. Tíbet er hluti af ólöglegu hernámi Kínverja. Og ekki bara það heldur svo grimmilegu hernámi að framferði þeirra við Tíbeta getur ekki flokkast undir neitt annað en þjóðarmorð.

 

Ég held að ef eitthvað er afskifti að innanríkismálum hvað þetta varðar þá er þessi orðsenging Kínverja afskipti af bandaríksum innanríkismálum.

Kínverjar hvetja Bush til að hætta við fund með Dalai Lama

Athugasemdir

[Geiri (IP-tala skráð) 16.10.2007 kl. 11:14]

En hvenær er hernám ólöglegt og hvenær ekki? Mörg viðurkennd landamæri í dag voru mynduð með ofbeldi á sínum tíma, þurfa bara að líða X mörg ár?

Ekki að ég sé eitthvað á móti sjálfstæðu Tíbet, en bara að velta þessu fyrir mér. 

[Sigurður M Grétarsson, 16.10.2007 kl. 12:36]

Ég veit ekki til þess að landamæri Kína með Tíbet innan þeirra séu alþjóðlega viðurkennd.

[Geiri (IP-tala skráð) 16.10.2007 kl. 13:17]

En varla er það eina sem skiptir máli hvort þau séu viðurkennd alþjóðlega eða ekki. Ísrael er viðurkennd sem ríki en þó telja margir að það sé ekki réttlætanlegt.

En já ég var bara að velta fyrir mér almennt hvað réttlætir ríki.

[Guðmundur Auðunsson, 16.10.2007 kl. 15:43]

Reyndar er Tíbet viðurkennt sem hluta af Kína af alþjóðasamfélaginu og er því tómt mál að tala um "ólöglegt" hernám kínverja í Tíbet. Tíbet hefur ekki verið sjálfstætt ríki síðan á 12. öld eða svo. "Krafa" kínverja til Tíbet er því mun sterkari en t.d. krafa Bandaríkjanna til Hawaii. Hins vegar er það rétt að tíbetar höfðu mun meira sjálfræði um eigin mál fyrir 1950, þegar stjórnin í Beijing tók yfir stjórnunina. Sérstaklega var þetta staðreynd eftir hrun kínverska keisaraveldisins 1911 þegar tíbetar stjórnuðu sér í raun sjálfir þó aldrei væri Tíbet viðurkennt sem sjálfstætt ríki af nokkru landi.

Þessar staðreyndir breyta því hins vegar ekki að menn geta haft sínar skoðanir á því hvort Tíbet eigi að fá sjálfstæði eða ekki. En slíku mögulegu sjálfstæði verður auðvitað aldrei þvingað upp á Kínverja þannig að mun raunhæfara er að tala um aukna sjálfstjórn Tíbet.