Fráránleg hugmynd úr smiðju Frjálsinda flokksins

Þessi hugmynd er fengin úr smiðju Frjálslynda flokksins og er einhver fáránlegasta hugmynd í skattamálum, sem sést hefur í háa herrans tíð.

 

Þessi útfærsla myndi gera það að verkum að jaðarskattar yrðu um 49% á tekjubilinu 150 til 300 þúsund kr. á mánuði. Það samanstæði af tæplega 36% skattprósentu og rúmlega 13% jaðarlækkun persónuafláttar. Þegar 300 þúsund kr. tekjunum er næð myndu jaðaráhrifin fara úr 49% í tæp 36%. Við þessi háu jaðaráhrif myndu síðan bætast tekjutengingar við barnabætur, vaxtabætur og húsaleiðubætur, sem koma einna helst til þeirra tekjulægstu. Þessi hygmynd myndi einnig hækka verulega samanlögð jaðaráhrif skatta og skerðinga hjá elli- og örorkulífeyrisþegum og myndu nánast gera að engu þær lækkanir á jaðaráhrifum bóta frá TR, sem komið hafa seinustu tvö árin.

 

Margar þjóðir eru með þrepaskipt jaðaráhrif í skattkerfi sínu en þá er yfirleitt miðað við það að jaðaáhrifin hækki með hærri tekjum en ekki að þau lækki eins og þessi hugmynd leiðir af sér. Ef menn vilja lækka skatta meira til tekjuægri hópa en þeirra tekjuhærri þá er ekki hægt að gera það öðruvísi en með hækkun jaðarskatta. Það er einfalst lögmál að ef jaðarskattar eru ekki hækkaðir þá fá tekjuháir einstaklingar sömu krónutölulækkun skatta og þeir tekjulægri. Þessi útfærsla virðist hafa það eitt markmið að fela þessa staðreynd með útfærslu, sem heitir ekki hækkun skattprósentu heldur bætir tekjuskertum persónuaflætti við skattprósentuna. Þetta gerist þá aðeins á lægri tekjubilum vegna þess að þegar lækkun þessa viðbótarpersónuafláttar er búin að setja hann niður í núll þá stendur aðeins skattprósentan eftir.

 

Það er þá miklu skynsamlegra að fara einfaldlega þá leið að hækka persóuafsláttinn verulega og hækka einfaldlega skattprósentuna og stilla það af þannig að sami kostnaður yrði fyrir ríkissjóð. Ef menn færu þá leið til að hækka skattleysismörkin upp í 150 þúsund samfara hækkun skattprósentu þannig að kostnaðurinn yrði 14 milljarðar eins og þessi hugmynd kostar þá hefur það eftirtalda kosti umfram þessa hugmynd.

 

1.Kæmi betur út fyrir tekjulægri hópa. Ætli þetta væri ekki að koma betur út fyrir launþega með tekjur frá 150 þúsund upp í sirka hálfa milljón á mánuði en kæmi verr út fyrir launþega með tekjur umfram það. Það er ekki hægt að reikna það út hvar skurðpunkturinn er nema fá fyrst út hversu há skattprósentan þyrfti að vera til þess að kostnaðurinn héldist í 14 milljörðum.

2. Er miklu einfaldara í framkvæmd.

3. Er hægt að láta menn njóta þess strax án þess að raska staðgreiðslukerfini í stað þess að bíða til næsta árs.

 

Ókrostir:

 

1. Allir myndu vita það að verið var að hækka skattprósentuna en það er ekki víst að allir myndu gera sér grein fyrir því að tekjuskertur persónuafláttur er í raun ekkert annað en hækkun skattprósentu.

 

Niðurstaða:

Þetta er einhver arfavitlausasta hugmynd, sem sést hefur í skattamálum í háa herrans tíð. 

Vill lækka skatt tekjulágra

Athugasemdir

[Finnur Birgisson (IP-tala skráð) 16.12.2007 kl. 01:31]

Tek undir það með þér að þessi skattatillaga ASÍ er arfavitlaus, eins og raunar kom fram í grein sem ég skrifaði í Morgunblaðið fyrir kosningar í vor um hugmyndir Frjálslynda flokksins. Því miður er ástæða til að óttast að innan Samfylkingarinnar finnist fólk sem er veikt fyrir svona hugmyndum, því að í kosningabaráttunni 1995 viðraði nefnilega Þjóðvaki Jóhönnu og Marðar svipaðar hugmyndir.

[Finnur Birgisson (IP-tala skráð) 16.12.2007 kl. 02:04]

Sagði ég ekki ...

Grein eftir Mörð Árnason á vef Samfylkingar:

http://www.samfylking.is/Forsida/Umraedan/Leidarinn/nanar/2016