Gasa 2008-2009 = Lidice 1942

Þann 10 júní 1942 réðust Nasistar inn í þorpið Lieicé í Tékkóslóvakíu til að hefna fyrir dráp tékkneskra andófsmanna á Reynhard Heydrich yfirmanna þýska heraflans í Tékkóslóvakíu. Þeir byrjuðu á því að taka alla karlmenn eldir en 16 ára af lífi alls 192 menn. Þeir sendu síðan konurnar og böðrnin í fangabúðir. Börnin fóru í aðrar fangabúðir en konurnar. Eftir að hafa valið sjö börn úr hópnum var afgangurinn tekin af lífi alls 81 barn. Talið er að áður en yfir lauk hafi 340 íbúar þorpsins látist vegna þessara aðgerða Nasista. Þessi aðgerð Nasista hefur verið minnst, sem einu helsta dæmi um grimmd Nasista. Hægt er að sjá lýsingar á þessu voðaverki Nasista á þessari vefslóð:

 

http://en.wikipedia.org/wiki/Lidice

 

Hvað er svo sammertk með þessum aðgerðum Nasista árið 1942 og aðgerðum Ísraela á Gasa á árunum 2008 og 2009? Jú í báðum tilfellum er grimmilegt hernámsveldi að drepa mikinn fjölda af saklausu fólki til að hefna fyrir eitthvað, sem einhverjir aðrir landar fórnarlambanna hafa gert hernámsveldinu. Þó margir séu aðeins að skilgreina hluta þeirra, sem fallið hafa í árásum Ísraela þá þarf að hafa það í huga að þar er ekki verið að skilgreina lögreglumenn, sem óbreytta borgara. Samt, sem áður eru þetta bara menn að sinna sínum löggæslustörfum og eru því lögreglumenn en ekki bardagamenn þó þeir séu vopnaðir eins og reyndar lögreglumenn eru víða í heiminum. Það má vel vera að einhverjar undantekningar séu frá þessu en það er ekkert, sem bendir til annars en að almennt séu þetta bara venjulegir lögreglumenn. Ísraelar hafa því verið að drepa rúmlega 400 saklausa borgara og særa á annað þúsund þeirra í hefndaraðgerðum vegna eldflaugaárása, sem aðrir Palestínumenn hafa staðið fyrir.

 

Berum þetta saman.

 

Í báðum tilfellum eru fjöldamorðin framin til að hefna sín á saklausum íbúum hernámssvæðis fyrir eitthvað, sem aðrir íbúar hernámssvæðisins hafa gert hernámsþjóðinni.

 

Í báðum tilfellum er sökinni skellt á hina fórnarlömbin með því að segja að hin hernumda þjóð hafi byrjað ofbeldið. Tékkar myrtu Reynhart Heydrich en Palestínumenn skutu rakettum inn á syðsta hluta af ólöglegu hernámssvæði Ísraela. Hvorugt hernámsliðið lítur á hernámið sjálft, sem upphaf ofbeldisins eins og eðlilegast er að horfa á slíkt.

 

Í báðum tilfellum er fórnarlömbunum kennt um að hafa átt þátt í grimmdarverki eða grimmdarverkum gegn hernámsþjóðinni. Vel má vera að einhver eða einhverjir úr hópi fórnarlambanna hafi tekið þátt í einhverju slíku en það er ekki aðalmálið. Aðalmálið er að reiða nógu hátt til höggs gagnvart íbúum hernámssvæðisins til að hefna fyrir árásina á hernámsþjóðina með það að markmiði að hræða andspyrnuöfl frá áframhaldandi aðgerðum gegn hernamsþjóðinni. Líklegt verður að tekja að báðar aðgerðirnar leiði einmitt til slíks og væntanlega hafa slíkar aðgerðir Nasista þannig bjargað lífi margra þýskra hermanna bæði óbreyttra hermanna og yfirmanna. Það sama mun væntanlega verða upp á teningnum varðandi Ísraela.

 

Í báðum tilfellum skipta saklaus fórnarlömb þessara hefndarárása nokkrum hundruðum. Í tilfelli Lidice voru þau um 340 en á Gasa eru þau þegar orðin á fimmta hundrað. Þar að auki hafa á annað þúsund særst í árásum Ísraela. Reyndar drápu Nasistar í heildina um 1.300 manns til að hefna fyrir drápið á REinhard Heydrich en fjöldamorðin í Lidice er þekktasta dæmið. Árásir Ísraela á Gasa er ekki lokið þannig að enn er óljóst hversu mörg fórnarlömbin verða þegar upp er staðið.

 

Í báðum tilfellum eru börn drepin með köldu blóði. Ísraelum mátti vera það ljóst að fyrsta árásarhrina þeirra yrði sú mannskæðasta því hún yrði óvænt og því fjöldi fólks í og við þær byggingar, sem þeir sprengdu. Við áframhaldandi árásir yrði mannfallið minna því þá myndi fólk forðast að vera í eða við þær byggingar, sem líklegt mætti telja að ráðist yrði á. Því mátti Ísraelum vera það ljóst að tímasetning árásanna skipti miklu máli varðandi mannfall meðal óbreyttra borgara. Með þessa vitneskju tímasettu Ísraelar fyrstu árásarhrynuna á þeim tíma, sem palestínsk grunnskólabörn eru almennt á leið heim úr skóla og hámörkuðu þannig þann fjölda grunnskólabarna, sem féllu eða særðust í þessum árásum.

 

Í báðum tilfellum er verið að framkvæma það, sem kallað er "hóprefsins" eða "collective punishment" en það telst til stríðsglæpa samkvæmt Genfarsáttmálanum. Sjá:

http://home.earthlink.net/~platter/collective-pun.html

 

Þó almennt séu það fullmiklar ýkjur að líkja framferði Ísraela við Palestínumenn við framferði Nasista þá er það engu að síður svo að ýmislegt, sem Ísraelar gera stenst fyllilega samanburð við mörg af verri grimmdarverkum Nasista. Þær árásir, sem Ísraelar standa nú fyrir á almenning á Gasa eru dæmi um slíkt.

Landherinn bíður skipana

Athugasemdir

[Óskar Þorkelsson, 3.1.2009 kl. 12:48]

góður samanburður hjá þér. 

[Guðjón Sigþór Jensson, 3.1.2009 kl. 13:10]

Þessi óhugnaður er vægast sagt ótrúlegur. Samanburðurinn er dálítið kröftugur, kannski tökum við of djúpt í árina Sigurður. Sjálfur ritaði eg um gettóin í Warsjá og sé fremur hliðstæðuna : gettóin í Warsjá og á Gaza. Sjá: http://mosi.blog.is/blog/mosi/entry/761024

Svo er að skilja að Gyðingar virðast hafa gleymt því að þeir voru í svipaðri stöðu. En þetta tengist lýðskruminu kringum kosningar eftir nokkrar vikur.

Ætli nokkur pólitíkus í Ísrael vilji bera ábyrgð á þessari grimmd að kosningum loknum? Þá munu sennilega allir hafa uppgötvað friðinn - eða þannig.

Mosi

[Sigurður M Grétarsson, 4.1.2009 kl. 11:40]

Nei Guðjón. Ég tel mig ekki vara að taka of djúpt í árinni með þessum samanburði á GAsa og Lidice. Nú er fjöldi fallina barna á Gasa komin í að minnsta kosti 75 þannig að það er alveg að ná fjöldanum í Lieice. Fjöldi fallina er nú orðin 100 einstaklingum fleira en var í Lidice auk þess, sem um tvö þúsund manns hafa særst og væntanlega margir þeirra það alvarlega að þeir feiga eftir að láta lífið áður en langt um líður og margir eiga væntanlega eftir að vera örkumla allt sitt líf.

Ef eitthvað er þarf væntanlega að fara að taka eitthvað verra grimdarverk en fjöldamorðin á íbúum Lidice til að bera saman við fjöldamorð Ísraela á Gasa til að hafa eðlilegan samanburð.