Hverjir eru nú "afturhaldskommatittirnir"?

Þá höfum við það. Sjálfstæðisflokkurinn einn flokka vill ekki auka vald kjósenda (almennings) á því hverjir sitja á þingi í þeirra umboði. Flokksklíkan vill sjálf fá að ráða hverjir fara inn á þing gefi tiltekinn fjöldi Sjálfstæðisflokknum atkvæði í kosningunum þannig að kjósendur verða að velja milli þess að kyngja því eða kjósa annan flokk.

 

Þetta er þeim mun verra fyrir það að þetta lagafrumvarp gerir ekki einu sinni ráð fyrir því að hafa þetta, sem einu regluna því jafnvel þó þetta lagafrumvarp verði að lögum þá er Sjálfstæðisflokknum heimilt að láta núverandi reglu gilda fyrir sig. Þeir vilja með öðrum orðum ekki heimila öðrum flokkum að láta þessa nýju reglu gilda fyrir sig kjósi þeir svo. Hvað er í veginum? Gæti verið að Sjálfstæðismenn eigi von á því að þeir muni ekki geta haldið í gömlu flokksklíkuregluna án þess að tapa atkvæðum til þeirra flokka, sem vilja gefa kjósendum meira val um það hverjir úr þeirra röðum fara á þing fyrir sig?

 

Ef einhvern tíman hafi verið ástæða til að nota orðið "afturhaldskommatittur" fyrir eihvern stjórnmálaflokk þá sýnist mér það orð eiga ágætlega við Sjálfstæðiflokkinn núna.

Leggja fram frumvarp um persónukjör

Athugasemdir

[haukur gunnarsson (IP-tala skráð) 3.3.2009 kl. 09:39]

Tillagan er bara alltof seint komin fram, það er búið að ákveða prófkjör. Það eru langflestir kjósendur sem velja á lista Sjálfstæðisf. í prófkjörum, hinir flokkarnir eru bara með brot af þeim fjölda.

[Sigurður M Grétarsson, 3.3.2009 kl. 12:55]

Það er engin, sem skikkar Sjálfstæðisflokkinn til að nota þessa leið þó hún verði samþykkt. Það er gert ráð fyrir því í tillögunni að flokkarnir ráði þessu hver fyrir sig. Þetta eru því ekki rök gegn þessari tillögu.

Ég er reyndar alveg sammála því að það þarf að vanda málið betur og stefna að því að nota þessa aðferð í fyrsta sinn í sveitastjórnakosningum á næsta ári. Það er hins vegar ekki rök fyrir því að vera á móti þessari leið. Það þarf að setja þetta strax í ferli ef við ætlum að ná þessu í sveitastjórnakosningunum á næsta ári.

Ef þetta er ekki sett í gang nú þá verðum við í sömu stöðu næst. Það er einfaldlega eðli okkar Íslendinga að gera allt á síðustu stundu. Þess vegna mun þessi tillaga koma fram korteri fyrir næstu kosningar ef þetta er ekki sett í gang nú og við því vera í sama tímahallærinu.

Ef sjálfstæðismenn hafa það eitt við þessa tillögu að athuga að tíminn sé of stuttur fram að kosningum þá geta þeir einfaldlega gert breytingatillögu við hana um að hún taki fyrst gildi í næstu sveitastjórnakosningum. Þeir eru hins vegar ekki að gera það heldur eru þeir einfaldlega á móti þessari aðferð við val á þingmönnum.