Kemur ekki á óvart að þeim mun meiri menntun sem menn hafa séu meiri líkur á að þeir vilja kára aðildarviðræður.

Það kemur mér ekki á óvart að þeim mun meiri menntn sem menn hafa þeim mun liklegri séu þeir til að vilja klára aðildarviðræður við ESB. Í námi er mönnum kennt að meta upplýsingar og meta upplýsingar með gagnrýnum hætti. Þess vegan eru menn líklegri til að sjá í gegnun bullið og rangfærslurnar hjá ESB andstæðingum þeim mun meiri menntun sem menn hafa. Þá eru einfaldlega minni lýkur á að menn kaupi þær mýtur og innistæðulausa hræðsluáróður sem ESB andstæðingar hafa ausið yfir þjóðina.

Helmingur vill viðræður áfram

Athugasemdir

[Jón Baldur Lorange, 29.1.2012 kl. 22:31]

Hvaða menntahroki er þetta í þér Sigurður? Er skoðun verkamannsins minna virði í þínum huga en prófessorsins upp í Háskóla, sem kenndi útrásarfræði hér á árunum fyrir hrun?

[Sigurður M Grétarsson, 29.1.2012 kl. 22:51]

Ekki ver að leggja mér orð í munn. Ég sagði ekki að skoðun verkamannsins væri minna virði en skoðun prófersorsins. Ég sagði einfaldlega að þeim mun meiri menntun sem menn hafa þeim mun líklegra sé að menn sjái í gegnum þær mýtur og innistæðulausa hræðsluáróður sem ESB andstæðingar hafa ausið yfir þjóðina seinustu ár. Það merkir hins vegar ekki að skoðun þeirra sem hafa litla menntun sé eitthvað minna virði enda hafa þeir eðlilega sama atkvæðsrétt og þeir sem meiri menntun hafa.

[Anna Sigríður Guðmundsdóttir, 30.1.2012 kl. 00:07]

Þeim mun meiri menntun sem fólk hefur, þeim mun minni sjálfstæða dómgreind og skoðun hefur fólk of oft. Það er raunveruleiki, sem ekki verður horft fram hjá. Lærð hegðun hefur komið almenningi langt frá raunveruleika-dómgreindinni.

Þetta er sem betur fer ekki algilt en á sér stoð í raunveruleikanum í of mörgum tilfellum, með alvarlegum afleiðingum.

Mennta-fólk kom kreppunni á með sínum fagurgala um falskt hagkerfi, og menntafólk ætlar að viðhalda vitleysunni, með sínum háfleygu yfirnáttúrulegu mennta-spádómsgáfum! Og án ábyrgðar, eins og fyrri daginn! Verkalýðurinn þykir nógu góður til að borga tapið, þegar spádómar mennta-mútuþeganna bregðast.

Það er full þörf á að setja spurningarmerki við hverjir semji háskólafræði-ritin, og hverjir veljast til villu-verkanna?

M.b.kv.

[Ingibjörg Guðrún Magnúsdóttir, 30.1.2012 kl. 00:11]

Já Anna Sigríður og þeir eru að kenna þessa vitleysu alla á fullu í Háskólanum...

[Ásthildur Cesil Þórðardóttir, 30.1.2012 kl. 00:35]

Stelpur sammála.

[Sleggjan og Hvellurinn, 30.1.2012 kl. 01:48]

Góð færsla hjá þér Sigurður og ég er algjörlega sammála. Ég þér fyrir að hafa þor í að benda á þetta. Þetta er mjög viðkvæmt mál fyrir suma.

En að sjálfsögðu er þetta þannig að það er mun auðveldara að blekkja og ljúga að einföldu fólki sem skortir þekkingu. 

Svo betur fer er menntunarstig þjóðarinnar að aukast og gagnrýn hugsun þá einng.

[Hans Haraldsson (IP-tala skráð) 30.1.2012 kl. 01:58]

Ein möguleg skýring, eða skýringarþáttur, er að umsóknarsinnar séu svona gáfaðir.

Önnur (eða annar skýringarþáttur) er að umsóknarsinnar eru líklegri til að vera vinstrimenn, vinstrimenn eru líklegri til að vera opinberir starfsmenn og starfsmenntun fyrir opinbera þjónustu er líklegri til að vera á háskólastigi.

Þriðja er er að fólk sem hrífst af félagsvísindum er líklegra til að vera hrifið af ESB (eða öfugt) en félagsvísindum á borð við stjórnmálafræði og félagsfræði en félagsvísindadeildir eru með öfluga gráðuframleiðslu.

Lengi mætti telja upp mögulegar skýringar og skýringarþætti sem setja hvorn málstaðinn um sig í jákvætt ljós, allt eftir því hvaða niðurstöðu mann langar til að fá.

En líklega segja þessar upplýsingar okkur ósköp lítið nema þær séu greindar betur og fylgt eftir með frekari rannsóknum.

[Jón Valur Jensson, 30.1.2012 kl. 06:45]

Mjög gott innlegg frá Hans. Ein ástæðan enn gæti verið sú, að allmargir háskólamenntaðir hafi fengið boðsferð til Brussel eða geri sér vonir um slíkt og hafi verið í upphitun í umræðuhópi fyrir Evrópusambandið.

Enn ein ástæða kann að vera sú, að félagsvísindadeild hafi verið notuð til óbeins áróðurs fyrir "þjóðhagslegri hagkvæmni þess" að innlima land okkar í Evrópusambandið, og er þá jafnan litið fram hjá mörgu AFAR MIKILVÆGU um leið, til dæmis að 1) byltingarkennt fullveldisframsal og opinn víxill á réttindaafsal yrði gefinn út með fyrir fram stöðluðum aðildarsamningi okkar (eins og t.d. Svíþjóðar og Finnlands) við Evrópusambandið og 2) atkvæðavægi okkar í mikilvægu ráðherraráðinu yrði ekki nema 0,06% frá 1.11. 2014, á sama tíma og 10 fyrrv. nýlenduveldi fengju 73,34% atkvæðavægi í ráðherraráði og leiðtogaráði Evrópusambandsins (hin 17 ríkin, saklaus af nýlendustefnu, munu ráða þar 26,66% atkvæðavægi; inntaka Króatíu myndi að vísu breyta örlitlu um þessi hlutföll).

Þá er þess að geta, 3) að helztu ríkin, sem hefðu hug á fiskveiðum hér (og öll með veiðireynslu hér) – Bretland með 12,33% atkvæðavægi í ráðherraráðinu frá 2014, Spánn (9,17%), Frakkland (12,88%), Þýzkaland (16,41%), Holland (3,30%) Belgía (2,15%) og Danmörk (1,10%) – hefðu samanlagt 57,34% atkvæðavægi í þessari voldugustu valdsstofnun ESB, ráðherraráðinu. Ítalir (12,02%) og Portúgalar (2,13%) gætu bætzt í hóp áhugasamra, enda stunda Ítalir nú þegar fiskveiðar í sænskri landhelgi. Svo eru alltaf ýmis önnur ríki, sem yrðu viðhlæjendur hinna ráðandi, enda er sennilegt að þau myndu leggja áherzlu á sameiginleg atvinnuréttindi ESB-borgara hér sem annars staðar.

[Jón Valur Jensson, 30.1.2012 kl. 06:54]

Svo er menntun og greind engin skotheld trygging fyrir því, að menn hafi raunverulega þekkingu á ýmsum lykilatriðum utan fræðasviðs þeirra eða taki rétta afstöðu í pólitískum málum. Fjöldi menntamanna í Weimarlýðveldinu kaus öfgaflokka til hægri og vinstri.

Evrópusambands-innlimunaráhugi er algeng tízkuhugsun hérlendis, en yfirleitt byggð á VANÞEKKINGU höfuðatriða, m.a. þeirra sem nefnd voru hér ofar.

[Sleggjan og Hvellurinn, 30.1.2012 kl. 09:26]

Þetta eru áhugaverðar pælingar.

[Sleggjan og Hvellurinn, 30.1.2012 kl. 09:27]

Í rauninni væri gaman að sjá tölur um opinbera starsmenn og almenna og fylgi þeirra við ESB.

Einnig skipta menntunina upp í raunvísindi, hag og viðskiptafræi, félagsvísindi og málasvið.

[Árni Gunnarsson, 30.1.2012 kl. 21:08]

Menntun, já! Ekki veit ég um menntun þína Sigurður né heldur menntun þeirra sem skoðuðu bakgrunn svarenda í umræddri könnun. Þú segist í sjálfslýsingu vera viðskiptafræðingur og mikill jafnaðarmaður ásamt því að vera í Samfylkingunni. "Annað eins hefur maður nú heyrt!" varð Einari gamla Benediktssyni skáldi að orði þegar ókunnur maður kynnti sig fyrir honum með embættistitli.

 Alþekkt er sú hrokafulla niðurstaða að það eitt sé menntun sem fólk nýtir sér úr skólagöngu. Svo einfalt er það mál nú ekki en varla við að búast að skólagengnir aular átti sig á því.

Nú veit ég ekkert í hvaða hræðsluáróður þú ert að vísa í þinni hógværu færslu en sé ástæðu til að benda þér á þá einföldu staðreynd að mikill fjöldi fólks er á móti því að láta erlenda kontórista segja sér fyrir um daglega hegðan og hefur fullt leyfi fyrir því viðhorfi það ég best veit.

Og að lokum vil ég benda þér á það Sigurður M. Grétarsson að það hefur aldrei þótt vísbending um öfundsvert menntunarstig að gapa af hrifningu þegar útlendingur leysir vind. Hitt er okkur "ómenntuðu" fólki jafnan mikið ánægjuefni að eiga góð samskipti á jafnréttisgrundvelli við vel siðað fólk af erlendu bergi brotið.   

[Valdimar Samúelsson, 30.1.2012 kl. 21:37]

Ég get ekki séð hvað menntun kemur því við að ganga í ESB. Þetta er spurningin um að vilja ekki hvað sem er í boði frá ESB. 8 ára barnabarn mitt vill ekki ESB frekar en ég. Ég vil ekki ESB því þettaland og þjóð er fyrir barnabarn mitt en ekki fyrir einhverja menntamenn sem vilja selja allt  og börn sín með.

[Sleggjan og Hvellurinn, 30.1.2012 kl. 21:38]

Árni

Það er verið að segja okkur fyrir verkum á hverjum degi gegnum EES.

[Jón Valur Jensson, 30.1.2012 kl. 22:22]

Vel mælt, Valdimar og Árni.

[Valdimar Samúelsson, 30.1.2012 kl. 22:30]

Þakka þér Jón Valur.  Sleggja þú hljómar eins og þér sé ekki vel við EES en það skil ég vel. Spurðu Hvellinn hvort það væri bara ekki sniðugt að vinna að því að losna undan álögum (lögum) þeirra frekar en að gangast undir lög ESB en það þíðir kannski meira frjálsræði í þínum/ykkar augum.

[Láki (IP-tala skráð) 30.1.2012 kl. 23:03]

Ég hef enga almennilega skýringu séð hjá þeim sem vilja ekki ganga í ESB. Af hverju vilja þeir það ekki ? Oftast tala þeir um að við Íslendingar missum sjálfstæði okkar. Sem er náttúrulega bara rangt. Við missum ekki sjálfstæði okkar frekar en aðrar þjóðir sem hingað til hafa gengið í ESB. Við missum heldur ekki yfirráðin yfir auðlindum okkar eins og haldið er fram. Síðan eru fá rök önnur í gangi hjá NEI sinnum.

Mér finnst að við þurfum öll virkilega að átta okkur á því að hagur almennings og fyrirtækja batnar til muna við inngönguna í ESB og upptöku Evrunnar. Vextir verða mun lægri, minni verðbólga og meiri stöðugleiki í fjármálum. Hægt verður að gera fjárhagsplön og fara eftir þeim. Við getum borgað af lánunum okkar og séð þau lækka við hverja afborgun. Lægra matvælaverð er einnig einn af þeim kostum sem við sjáum fyrir okkur.

Ætli ríkissjóður, fyrirtækin og heimilin í landinu spari ekki 130-140 milljarða á ári bara í lægri vöxtum.

Við hvað er fólk eiginlega hrætt ? Viljum við ekki bæta haga okkar ?

Ég vil einnig fá að hafa þá skoðun að innganga okkar í ESB sé landi og þjóð til heilla án þess að vera úthrópaður föðurlandssvikari af þeim sem ekki eru sammála mér.

[Sleggjan og Hvellurinn, 30.1.2012 kl. 23:16]

NEI sinnar eru hræddir við að ESB taki silfurmedalíuna af "strákunum okkar"

http://www.youtube.com/watch?v=wqYTeIrZ-gE

ESB þjóðin Frakkland vann reyndar gullið en það er annað mál

[Árni Gunnarsson, 31.1.2012 kl. 11:02]

Hér birtist líklega það sem orðið "menntun" felur í sér.

Menntun felst þá líklega í þeirri undarlegu rökfræði að sá sem vill breyta ástandi þurfi ekki að færa fyrir því rök.

Hinsvegar sé sá sem ekki vill breytinguna skyldugur til þess að færa skýr rök fyrir því af hverju hann vill ekki breytingu.

Það er verið að segja okkur fyrir verkum daglega gegnum EES og ég var á móti inngöngu eins og hin 40 þúsundin sem skoruðu á Vigdísi forseta að vísa þeim gerningi í þjóðaratkvæðagreiðslu.  

[Ásthildur Cesil Þórðardóttir, 31.1.2012 kl. 11:33]

Gott að minna okkur það Árni og sammála þér eina sem þessir menn sem eru hliðhollir inngöngu, sem svara hér allavega koma ekki með nein rök heldur eru með skæting og hroka. Þeir telja sig víst ekki þurfa að styðja mál sitt inn í sæluríkið sem er reyndar að gliðna í sundur.

[Jón Valur Jensson, 31.1.2012 kl. 11:36]

En Árni, við, sem erum andvíg Esb-innlimun, færum vitaskuld rök fyrir máli okkar. Láttu ekki "Láka" þennan blekkja þig; láttu ekki dragast með honum í fullyrðingu hans um að við færum ekki rök og heimildir fyrir afstöðu okkar. Í tenglinum í innleggi mínu hér í gær kl. 06:45 koma fram skýrar heimildir fyrir því, að lagalegt fullveldisframsal og réttindaafsal yrði gefið út opinberlega með fyrir fram stöðluðum aðildarsamningi okkar við Evrópusambandið. Og þetta er STÓRA MÁLIÐ, margfalt meira en bann Esb. við hvalveiðum, selveiðum, hákrlaveiðum og veiðum á svartfugli yrði samanlagt; þetta jafnast jafnvel á við framsal yfirráðanna yfir fiskveiðunum og leyfisveitingu annarra Esb-þjóða til að veiða hér á fullu.

Þar á ofan koma svo orkumálin (jarðhiti, vatnsorka og olíulindir), en "Láki" þessi virðist ekki hafa kynnt sér það í Lissabon-sáttmálanum*, að Evrópusambandið gefur sér þar mjög opnar og afgerandi lagaheimildir til að hefjast síðar handa við stjórnun orkumála, bæði með markaðsaðgangi og allra handa stýringu og um leið með löggjöf og skattheimtu um þau mál, sem verða undir yfirstjórn Esb., þótt ekki sé verið að beita sér í þessu enn, meðan lönd eins og Ísland og Noregur hafa ekki verið lokkuð inn.

Og hver er "Láki"? Eiríkur Bergmann eða einhverjir aðrir fyrrverandi eða núverandi útsendarar Esb.? Er "Láki" of góður eða kannski of slæmur til að upplýsa hver hann er?

* Til er þessi íslenzka þýðing Lissabon-sáttmálans, þótt um leið verði að geta þess, að Frosti Sigurjónsson og Haraldur Hansson (mjög færir menn báðir) hafa bent á þýðingarvillur í þessari ísl. útgáfu þessa sáttmála, sem þjóðir Esb. fengu EKKI að kjósa um (fyrir utan Íra, vegna þerra eigin fyrirvara í stjórnarskrá).

[Ásthildur Cesil Þórðardóttir, 31.1.2012 kl. 11:42]

Já Jón og hvað gerðist þar? þeir voru látnir kjósa aftur og aftur þar til rétt niðurstað fékkst og hvað gerðist í Króatíu?  Þeim var hótað að ef þeir kysu ekki "rétt" yrði kosið aftur.  Höfum við einhverja tryggingu fyrir slíku? Nei það er búið að setja undir þann leka, kosnning hér er aðeins "ráðgefandi" og nú liggur á að losa sig við Ólaf Ragnar sem gæti reynst þarna þrándur í götu. 

[Sleggjan og Hvellurinn, 31.1.2012 kl. 12:10]

Ásthildur

Þú talar um rök.

Komdu með heimildir fyrir þessari hótun í Króatíu.

Ég veit ekki betur en að ESB inngangan var samþykkt með góðum meirihluta í sátt við þjóðina.

[Ásthildur Cesil Þórðardóttir, 31.1.2012 kl. 12:18]

Þegar þú kemur með þín rök fyrir því að hér sé ekki um aðlögunarviðræður að ræða, og að það sé ekki rétt að 90.000 bls. af reglugerðum ESB sé ekki umsemjanlegar og ennfremur að engar varanlegar undanþágur fáist. Svaraðu þeim spurningum fyrst, það hefur þú ekki gert, bara komið með hreytingar og hæðni um að við séum í afneitun sem tökum mark á opinberum skjölum og viðræðum fólks við yfirmenn Brussel valdsins.  Það er eilíflega skautað fram hjá þessu í ykkar málflutningi.  Reyndar sagði Olli Rehn á sínum tíma hreint út að við fengjum engar varanlega undanþágur, og það hafa margir aðrir úr þeim geira sagt það sama. 

Við erum að berjast fyrir frelsti lands okkar svo það er ykkar að færa rök fyrir því að okkur sé betur borgið innan ESBveldisins sem sífellt er þrengt meira að til að þröngva inn í eitt allsherjar ríki. 

[Tryggvi (IP-tala skráð) 31.1.2012 kl. 13:20]

Sniðugt að láta fólk þurfa að sanna að eitthvað sé ekki Ásthildur, byrjum að gera þetta líka í réttarsal, fólk þarf að sanna sakleysi sitt í stað þess að ákæruvaldið þurfi að sanna sekt.

Annars er menntun engin ávísun á það að fólk taki upplýsta og "réttu" ákvörðun, ég tel bara líklegra að fólk taki upplýsta ákvörðun og meti upplýsingar betur, það lætur ekki mata sig, heldur en ómenntað fólk. Auk þess er könnuninn aðeins að segja hverjir vilja halda aðilarviðræður áfram en ekki hverjir vilja ganga í ESB, ég t.d. vil halda viðræðum áfram en hef ekki myndað mér skoðun hvort ég vilji ganga í ESB.

Enda finnst mér hálf grátlegt að ekki megi halda áfram viðræðum um mál sem virðist kjlúfa þjóðina í tvennt. Hvað er að því að halda áfram, ef við fáum engar undaþágur og allt er jafn slæmt og andstæðingar ESB halda fram, þá segjum við nei, ef við fáum undaþágur og allt er frábært segjum við já.

Illa við marga sem eru á móti ESB og finnst bara í lagi að þvinga sínu persónulega mati yfir á aðra í staðinn fyrir að útkljá þetta á lýðræðislegan máta.

[Sleggjan og Hvellurinn, 31.1.2012 kl. 14:14]

Það ert þú sem ert að koma með lygarnar Ásthildur. Þér ber þá að koma með heimildir.

Annars dettur þinn málflutningur niður sem dauður og ómerkur.

[Jón Valur Jensson, 31.1.2012 kl. 14:44]

Tryggvi, af þeim, sem taka afstöðu, vilja 63% EKKI ganga í Esb.

[Ólafur Björn Ólafsson, 31.1.2012 kl. 14:56]

Gaman að sjá hvað "menntahrokinn" gerir mönnum.

Ekki ætla ég að gera lítið úr menntun enda er hún góð til ákveðinna hluta. Hitt er þó staðreynd að hægt er að heilaþvo menn gegnum menntun og það hef ég séð margoft gerast gegnum tíðina.

Með kveðju

Kaldi

menntaður úr skóla lífsins að mestu og er það betri reynsla en margt annað. að öðru leiti tjái ég mig ekki um menntun mína...

[Jón Valur Jensson, 31.1.2012 kl. 15:03]

Svo eru Sl.+H. að reyna að fella Ásthildi á einu atriði í hennar málflutningi, sem er reyndar margvíslegur og mjög góður, en um þetta atriði um Króatíu veit ég ekki, nema hvað þar var vitaskuld Esb-áróður að baki líka, og stjórnmálastéttin hefur verið þar jafn-svikul og hér, geri ég ráð fyrir, og merkilegt er þetta andvaraleysi sem sýnir sig í lítilli kjörsókn. En þjóðir hinnar fyrrv. Júgóslavíu eru vitaskuld í öðrum sporum en við, sem höfum verið miklu ríkari þjóð og höfum sannarlega bezt af því að vera sjálfstæð. Það er sjálfstæðið og fullveldið, sem gaf okkur sjálfar forsendurnar til að geta fært út fiskveiðilögsöguna úr 3 í 4 mílur, úr 4 í 12, úr 12 í 50 og úr 50 í 200.

En Ásthildur hefði getað nefnt önnur dæmi: Hvað gerðu Esb-valdsherrarnir, þegar Frakkar og Hollendingar felldu Esb-stjórnarskrártillöguna? –Jú, þeir hættu við þetta á stundinni, vildu ekki láta þá hneisu yfir sig ganga að horfa upp á aðrar Esb-þjóðir senda sér puttann með sama hætti. Eins var þrengt að Dönum vegna Maastricht. Pólverjar og Tékkar voru undir mikilli pressu Esb. líka vegna Lissabon-sáttmálans, sem er umbreytt mynd af Esb-stjórnarskrár-tillögunni. Þeir fengu auðvitað ekki að kjósa um Lissabon-sáttmálann, einungis þingin. Og svo voru yfir 2/3 hlutar ungverska þingsins að samþykkja breytingar á eigin stjórnarskrá um daginn, en þá hótar Esb. að ógilda það með málssókn!

Sjá menn ekki, að Brussel-valdið tekur sér vald yfir þjóðunum? Og vita þeir ekki, að það vald hefur Evrópusambandið formlega með þeim valdheimildum sem því eru gefnar í aðildarsamningunum?

Það er enginn að segja, að ÖLL ríkin séu undir SÖMU pressu og fjarstýringu frá Brussel. Þjóðverjar og Frakkar fara sínu fram, nánast sama hvað Esb. segir (nema e.t.v. Frakkar í Sígaunamálinu). Lesið svo þetta úr leiðara Mbl. í dag (Leyndarmálið lak út, leturbr. mínar):

"... leiðtogar Evrópusambandsins funda stíft um hversu langt skuli gengið á sjálfsákvörðunarrétt ríkja sambandsins. Eða öllu heldur, hversu langt skuli gengið á sjálfsákvörðunarrétt lítilla og meðalstórra ríkja sambandsins.

Engum dettur í hug að Þýskalandi eða Frakklandi verði nokkurn tímann skipaður tilsjónarmaður frá Evrópusambandinu enda hafa þau ríki hingað til hunsað þær reglur sambandsins sem þeim hentar ekki að fylgja."

Og við Íslendingar yrðum langminnsta örþjóðin í Esb., ef það tækist með áróðri og heimsku að troða okkur þangað inn.

[Jón Valur Jensson, 31.1.2012 kl. 15:07]

Til viðbótar ber að nefna, að Frakkar og Þjóðverjar höfðu einmitt brotið reglur Esb. um fjárlagahalla –– eins og Grikkir eru sakaðir um nú.

[Bent Russel (IP-tala skráð) 31.1.2012 kl. 15:14]

Ég mæli með heymildarmyndinni, Dangerous knowledge", fyrir alla, og þá sérstaklega hrokagikkina. Það er hægt að sjá hana á youtube. Ég er sammála þér Kaldi. Menntamenn eru trúmenn sinnar stofnunar, þar sem gagnrýni á oft erfitt uppdráttar.

[runar (IP-tala skráð) 31.1.2012 kl. 18:13]

Það er merkilegur fjandi hve fullvissir þið "jafnaðarmennirnir" eru um greindarskort þeirra sem ganga ekki í takt við ykkur skoðanalega séð.

Ég tók eftir þessari nálgun ykkar fyrir þó nokkru síðan, þ.e.a.s í árdaga icesave slagsins.

Þá notuðu þið oft "steriotýpuna" um hinn illa upplýsta/gefna esb andstæðing, persónu sem sökum líffræðilegra takmarkana getur ekki myndað sér "rétta" skoðun gagnvart þessu flókna málefni.

Ég er verkfræðingur og sem háskólamenntaður einstaklingur hef þá væntanlega rétt á minni sjálfstæðu skoðun sem þó er andsnúin ykkar sannleika, vonandi fæ ég blessun ykkar gáfuðu ( hyski sem telur sig vera svo "vel gefið" að það hefur meðfæddan rétt til að tala um fyrir öðru fólki, svo má alls ekki gleyma að tala fólkið örlítið niður í leiðinni).

Ég hef eitt við þig að segja Sigurður..troddu þessum innistæðulausa menntahroka þínum upp í ra..gatið á þér, þú aumi maður !

Það að hafna aðild að sambandi, sambandi sem er að liðast í sundur í beinni útsendingu, er einmitt merki um skoðun byggða á upplýsingum og rökfræði.

P.S

Það er mjög dapurt að skrifa heilan pistil um menntunarskort andstæðinga esb þegar pistlahöfundur/síðueigandi gerir sjálfur stafsetningar/innsláttarvillu í orðinu menntun....

[Sleggjan og Hvellurinn, 31.1.2012 kl. 18:57]

Sigurður er að benda réttilega á þá staðreynd að eftir því sem þú ert minni menntaður... því líklegra ertu á móti ESB.

Þetta er bara niðurstaðan út úr þessari könnun.

Þú veist Rúnar að þú mátt ekki kalla þig verkfræðing nema vera með mastersgráðu í þeim fræðum.

En þó að þú sjálfur sért háskólamenntaður þá ert þú sjálfur ekki nógu stórt úrtak til að tala fyrir fjöldan.

Var ekki kennd nein tölfræði í verkfræðináminu þínu?

[Númi (IP-tala skráð) 31.1.2012 kl. 21:17]

TIL SIGURÐAR HROKAGIKKS, SÍÐUHALDARA.

RAUP  ER  RAGS  MANNS  GAMAN.

------------------------------------------------

                                                              (NEI TAKK ESB)

[Benni (IP-tala skráð) 31.1.2012 kl. 21:23]

Gæti verið að það hafi  verið viðviðskiptfræðingar og/eða samfylkingarmenn að uppistöðu í þessari könnun? Það er greinilega gáfaðasta fólkið.

[Sigurður M Grétarsson, 31.1.2012 kl. 23:58]

Þegar ég bendi á það sem er niðurstaða í skoðanakönnun Féagsvísindastofnunar að þeim mun meiri menntun sem menn hafa þeim mun meiri líkur séu á að menn séu hlynnit því að við klárum aðildaviðræður við ESB þá felst ekki neinn menntahroki í því. Ég einfaldlega gef mér það að ástæðan fyrir því sé sú að því menntaðri sem maður er þeim mun líklegri er hann til að sjá í gegnum allt bullið, rangrærslurnar, mýrutnar og hræðsluáróðurinn sem ESB andstæðingar eru að ausa yfir þjóðina. Þetta er ekki skot á fólk með litla menntun heldur skot á þá aðila sem eru að ausa þessu bulli yfir þjóðina.

Jón Valur. Það eru ansi þereytt þessi skot þín á þá sem eru hlynntir aðild að ESB að vera alltaf að ætla þeim annarlegar ástæður eins og skrif þín um boðsferðir til Brussel hér að ofan eru gott dæmi um. Hér er aðeins um að ræða fólk sem gerir sér grein fyrir því sem þú greinilega getur ekki skilið að aðild að ESB mun að öllum líkindum vedrða okkur til framdráttar og bæta hér lífskjör. Það er fólk sem gerir sér grein fyrir því að ESB er ekki ríkjabandalag helsur samstarfsvettvangur vinaþjóða ætlaðan til að bæta lífskjör í öllum aðildarríkjum ásamt því að tryggja frið og mannréttindi í þeim heimshluta sem samtökin starfa.

Fullyrðingar þínar um tap á sjálfstæði eða fullveldi svo ekki sé talað um skrif þín um að við þurfum að láta einhvernar auðlindir af hendi eru svo rakalaus þvættingur að það háfla væri nóg. Það hefur engin þjóð þurft að láta frá sér auðlindir vegna aðildar sínar að ESB í 50 ára sögu samtakanna enda eru engar reglur sem krefjast slíks og það hefur aldrei staðið til að setja slíkar reglur.

Hvað  varðar samninga sem kosið hefur veirð um aftur eftir að þeim hefur verið hafnað þá hefur ekki verið um sams konar samning að ræða í seinna tilfellinu. Menn hafa einfaldlega skoðað hvað það er sem fólk er óánægðast með í samningum sem hafnað hefur verið og beryta þeim þannig að fólk verði sáttara við samninginn. Þetta er rétt eins og þegar einhver geiri tilboð í íbúð, bíl eða hvað sem er sem er hafnað, þá kemur hann aftur með betra tilboð til að freista þess að eignast viðkomandi eign.

[Sigurður M Grétarsson, 1.2.2012 kl. 00:04]

Árni Gunnarsson. Þú spyrð hvaða hræðsluáróður ég vísa til. Ég skal nefna nokkrar fullyrðingar frá ESB andstæðingum sem falla undir það.

Ísland tapar auðlindum við inngöngu í ESB.

Hér fyllist allt af Spænskum og Portúgöldkum togurum ef við göngum í ESB.

Innganga í ESB mun rústa íslenskum landbúnaði.

Við töðum sjálfstæði okkar og fullveldi við inngöngu í ESB.

Innganga í ESB mun rústa sjávarútvegi á Íslandi.

Íslensk ungmenni gætu verið þvinguð til að herþjónustu í Evrópuher ef við göngum í ESB.

Þetta eru bara nokkur dæmi um mýtur og innistæðulausan hræðsluáróður frá ESB andstæðingum. Engin þessara fullyrðinga á við nokkur rök að styðjast.

[Sigurður M Grétarsson, 1.2.2012 kl. 00:17]

Ásthildur. Þú spyrð um rök fyrir því að við séum ekki í aðlögunarferli að ESB vegna aðildarumsóknar okkar að ESB. Því er fljótsvarað. Það hafa enn ekki verið sett nein lög til aðlögunar að ESB vegna aðildarumsóknar okkar. Það stendur ekki til að setja nein lög til aðlögunar að ESB vegna aðildarumsóknar okkar fyrr en eftir að búið er að samþykkja aðild okkar beri þjóðin gæfu til að gera það.

Við erum reyndar að setja fullt af lögum til samræmis við ESB reglur vegna aðildar okkar að EES samningum. Við höfum framkvæmt yfir 300 lagabreytingar af þeim sökum og erum enn að. Slíkar lagabreytingar henda sumir ESB andstæðingar á lofti sem sönnun á því að við séum í aðlögunarferli.

Ég spyr þig. Getur þú bend á einhver lög sem sett hafa verið hér til aðlögunar að ESB reglum vegna aðildarumsóknar okkar og þar af leiðandi lög sem ekki var þörf á að breyta vegna aðildar okkar að EES samningum? Með öðrum orðum, getur þú fært rök fyrir því að við séum í aðlöogunarferli?

Þú bendir á texta um upptöku regnla sem spanna 90.000 síður. Það er ekkert í þeim texta sem segir að það þurfi að taka upp þessar reglur áður en aðild hefur verið samþykkt heldur aðeins áður en að aðild veður formlega. Það eina sam þar er sagt að þurfi að gera meðan á umsóknarferlinu stendur er að setja dagseta áætlun um innleiðingu þeirra reglna. Ef aðild er síðan hafnað þá þarf ekki að fara eftir þeirri dagsettu áætlun.

Hvað varðar þá fullyrðingu í þessum texta að þessar reglur séu ekki umsemjanlegar þá er það svo að allar aðildarþjóðir ESB hafa náð fram breytingum á þessum reglum í sínum aðildarviðræðum. Gott dæmi um það eru reglur um heimskautalandbúnað sem komu inn í aðildarviðræðum Svía og Finna og einnig reglur um að útlendingar megi ekki fjárfesta í sjávarútvegi eða ferðamannaiðnaði á Möltu. Þetta eru allt varanlegar breytingar á ESB reglum sem urðu til við aðildarsamninga þessara ríkja. Þessar reglur eru allar í aðildarsamningi þeirra sem hefur sama vægi og Rómarsáttmálin og er því ekki hægt að breyta þeim nema með 100% samþykki aðildarþjóða ESB. Með öðrum orðum þá er ekki hægt að breyta þessum reglum nema með samþykki umræddra aðildarþjóða.

Þið ESB andstæðingar talið mikið um að aldrei sé samið um varanlegar undanþágur frá ESB reglum. Það er alveg rétt en í öllum tilfellum hefur verið samið um varanlegar breytingar á ESB reglum í aðildarviðræðum þjóða. Með öðrum orðum þá er það svo að ef samið er um varanlegt ákvæði þá er það ekki sett fram sem undanþága frá reglunum heldur sem breyting á reglunum sjálfum.

[Dexter Morgan, 1.2.2012 kl. 00:42]

Láki segir hér að ofan að hann hafi ekki heyrt nein rök fyrir neitun hjá NEI-sinnum. Ég er NEI sinni, ég tel mig ekki þurfa önnur rök en þau, eins og þúsundir annara sem bíða spennt eftir því að geta kosið um þetta. Og með því að segja NEI í þeim kosningum þá ert þú að verð "launa" Samfylkingunni öll sviknu loforðin um Skjaldborg heimilanna. Það er svar, það eru rök og við þau ætla ég mér að standa. Gefa Samfylkingunni LÖNGUTÖNG um leið og færi gefst. Sættið ykkur við það sem fyrst, þá mun verða minna að gera hjá VÆLUbílnum eftir næstu kosningar.

[Sleggjan og Hvellurinn, 1.2.2012 kl. 08:08]

Já við skulum öll kjósa um Samfylkinguna í ESB þjóðaratkvæðisgreiðsluna. Við skulum ekki taka efnislega afstöðu til samningsins sjálf. Lesum frekar kosningabækling XS.

Ég hef verið að standa í þessu ESB karpi núna í mörg ár. Svona almennt séð skýrist andstaðan aðalega vegna skorti á þekkingu og upplýsingum um ESB. Þar kemur menntun inn í. Og svo almenn þekking.

[Þórður Gústaf Sigfriðsson (IP-tala skráð) 1.2.2012 kl. 09:53]

Sigurður

Í svari þínu til Árna, þá bendir þú á hræðsluáróður ESB andstæðinga og telur upp eftirfarandi atriði:

"Ísland tapar auðlindum við inngöngu í ESB.

Hér fyllist allt af Spænskum og Portúgöldkum togurum ef við göngum í ESB.

Innganga í ESB mun rústa íslenskum landbúnaði.

Við töðum sjálfstæði okkar og fullveldi við inngöngu í ESB.

Innganga í ESB mun rústa sjávarútvegi á Íslandi.

Íslensk ungmenni gætu verið þvinguð til að herþjónustu í Evrópuher ef við göngum í ESB."

Þú kallar þetta mítur og fullyrðangar sem engin rök séu fyrir.

Getur þú þá ekki gert okkur greiða og fullvissað okkur um að þessi atriði komi ALDREI nokkurn tíma til að gerast.

Semsagt, ÁBYRGST það með mannorð þitt að veði að ESB muni ALDREI gera neitt af ofangreindum atriðum.

Með kveðju

Þórður G. Sigfriðsson

[Sleggjan og Hvellurinn, 1.2.2012 kl. 10:09]

Þetta mun allt koma fram í samningum Þórður.

Lykilatriðið er að klára samningaviðræðurnar svo þessir hlutir koma á hreint og JÁ og NEI sinnar geta hætt að blaðra út í loftið.

Ef samningsnefndin getur ekki tryggt þessa þætti í samningnum. Þá verður hann kolfelldur og ég ,sem er yfirleitt jákvæður gagnvart ESB, verð fyrsti til að segja stórt NEI við samninginn.

[Jón Valur Jensson, 1.2.2012 kl. 10:26]

Góð þessi athugasemd frá Þórði Gústaf Sigfriðssyni.

Ég blaðra ekkert út í loftið, S.+H., það eruð þið sem gerið það.

Af hverju tekið þið ALDREI á því, sem STENDUR Í AÐILDARSAMNINGUNUM?!!! (Esb-frumheimild HÉR!).

[Þórður Gústaf Sigfriðsson (IP-tala skráð) 1.2.2012 kl. 10:35]

Sæll Sleggjan og Hvellurinn (veit ekki hvor ykkar er)

Það er rétt hjá þér að allir þessir hlutir (og fleiri) ættu að koma fram í "samningnum" en spurningin er hvort allt verði gert opinbert.

Ég treysti ekki núverandi stjórnvöldum til að gera "samning" sem hefur hagsmuni Íslands að leiðarljósi, það hafa þau margsýnt að það sem er best fyrir Ísland er ekki endilega það sem að sé best fyrir þau.

Annað atriði er að EF að aðildarsamningurinn verður gerður opinber og EF að þjóðin fær að kjósa um hann, þá er ekki víst að þessi ríkisstjórn hreinlega fari eftir útkomu hugsanlegrar kosninga.

Ef farið væri eftir efndum ríkisstjórnarinnar á loforðum sínum um opið stjórnarfar og gegnsæi, þá tel ég víst að MARGIR kaflar í "samningnum" komi ALDREI fyrir augu almennings.

En það nú Sigurður sem fullyrti að þessi atriði í fyrra innleggi mínu, væru hræðsluáróður og mítur og þessvegna vildi ég fá hann til að leggja mannorð sitt undir og ábyrgjast hvað ESB muni gera eða ekki gera eftir innlimun okkar.

Ég tel það augljóst að ég sé á móti innlimun Íslands í ESB og mótast mín skoðun að nokkru leiti til af því að eftir margra ára dvöl í Danmörku og nú í Svíþjóð þá hef ég enn ekki hitt neinn dana eða svía sem sáttur er við dvöl sína í ESB (þeir eru kannski til, en ég hef bara ekki hitt þá)

Með kveðju

Þórður

[Sleggjan og Hvellurinn, 1.2.2012 kl. 11:07]

Jón Valur

Ég sagði ekki að þú blaðraðir út í loftið.

Ég var að segja að það er oft þannig að NEI sinnar OG JÁ SINNAR tala oft um hluti sem þeir vita ekki um og eina leiðn til þess að komast að staðreyndunum er að bíða eftir samningum.

[Jón Valur Jensson, 1.2.2012 kl. 12:08]

Til að sjá MESTALLT EFNI aðildarsamings, er hægt að fara inn á tenglana sem ég gaf upp í innleggi mínu hér kl. 10:26! Eruð þið byrjaðir á því?!

[Ásthildur Cesil Þórðardóttir, 1.2.2012 kl. 14:30]

Hér kemur þetta sem ég vitna í um Króatíu.

http://tilveran-i-esb.blog.is/blog/tilveran-i-esb/entry/1218863/

 

Síðustu skoðanakannanir meðal Króata fyrir helgina bentu til þess að 57,2 prósent kjósenda á kjörstað hyggðust segja nei við aðild landsins að ESB. Brusselgullið hefur hér unnið verk sitt vel því 66 af hverjum 100 kjósendum þessa minnihluta þjóðarinnar sem mættu á kjörstað sögðu já í dag.

 

Um það bil 84 prósent Króata tóku þátt í þjóðaratkvæðagreiðslunni um sjálfstæði Króatíu frá Júgóslavíu árið 1992. Á aðeins tuttugu árum hefur hér með tekist að varpa lýðræði og sjálfstæði Króatíu fyrir róða.

 

 Örstuttur tími lýðræðis sem stjórnarformi á meginlandi Evrópu er útrunninn. Evrópusambandið er nú megindrifkraftur öfgasinnaðrar þróunar í löndum meginlandsins á ný. Stjórnmál þess hafa verið þjóðnýtt.

Þeir sem létu ekki kaupa sig með Brusselgulli ESB í dag, segja að ESB-aðild landsins sé ólögleg og að þeir munu aldrei viðurkenna hana. Fræjum ófriðar er hér með sáð.

 

Þarna datt 28. ríkið ofan í bakpoka Brussels. Gegn vilja þjóðarinnar. Þetta eru hin vel þekktu og gömlu hlandgulu sjörnuvörumerki Össurar, Steingríms J. og jóhönnun veruleika

 

44 af hverjum 100 kjósendum mættu á kjörstað. Af þeim sögðu 66 af hverjum 100 já. Mikill minnihluti þjóðarinnar sagði því já. Því er nú sagt að einkainnlimun ESB-sinna á Króatíu inn í ESB sé ólögmæt.

 Og svo hér:

http://tilveran-i-esb.blog.is/blog/tilveran-i-esb/entry/1219191/

Króatía: já aðeins tekið gilt. Tilgangslaust að mæta á kjörstað

 

 

Kosningabúr Evrópusambandsins eru og hafa alltaf verið innréttuð sem pyntingaklefar gegn lýðræði og frelsi. Um tíma leit út fyrir að það kæmi nei út úr meirihluta þess minnihluta Króata sem töldu það ómaksins vert að mæta á kjörstað í svo kölluðu "þjóðaratkvæði" Króatíu um ESB-innlimun landsins á sunnudaginn. Aðeins 44 af hverjum 100 kjósendum greiddu atkvæði. 

 

Þetta voru ekki góðar fréttir fyrir boðbera sovétlýðræðis Evrópusambandsins. Viðbrögð ríkisstjórnarinnar voru því þau að segja og gefa í skyn að kosið yrði þá bara aftur um sama hlutinn. Afleiðingin í praxís varð sú að tilgangslaust var fyrir Króata að mæta á kjörstað og greiða moskvuatkvæði um það sem hvort sem er aldrei var í boðinu. Því réðu 28 prósent þjóðarinnar örlögum landsins í þessum moskvukosningum Evrópusambandsins.

[Sleggjan og Hvellurinn, 1.2.2012 kl. 15:36]

Að vitna í þetta tilverublogg er svona svipað og að vitna í eitthvað komment á dv.is.

þ.e hefur ekkert sannleiksgildi.

[Ásthildur Cesil Þórðardóttir, 1.2.2012 kl. 16:04]

Það er þó skárra en að svara ekki neinu eins og þú gerir. 

[Sleggjan og Hvellurinn, 1.2.2012 kl. 16:43]

Rétt er það. Þetta er skárra en ekkert.

En ég reyni að svara öllum spurningum sem beint er að mér.

Hef gert það hingað til.

[Ásthildur Cesil Þórðardóttir, 1.2.2012 kl. 17:28]

Hvhað finnst þér um þessi viðbrögð ráðamanna í Brussel í viðtölum við Björn Bjarnason sem fór sér ferð til að kynna sér málin í Berslín og Brussel.   "Hér þykir mönnum ekki mikið til þeirra raka koma að óhjákvæmilegt sé að leiða viðræður fulltrúa Íslands og ESB til lykta svo að kosið verði um niðurstöðuna. Hana geti menn í raun séð fyrir því að skilyrði ESB séu skýrt og ótvíræð. Alþingi Íslendinga hljóti að hafa gert sér grein fyrir þegar um var sótt. Í Þýskalandi fagna menn því að hins vegar skilyrt sé að þjóðaratkvæðagreiðsla fari fram um málið að lokum"

[Ásthildur Cesil Þórðardóttir, 1.2.2012 kl. 17:31]

Og þá er sennilega verið að vísa í þá skýrslu sem ESB hafði gefið út til kynningar þar sem stendur: "

 

„Í sérstökum bæklingi sem Evrópusambandið hefur gefið út til að útskýra stækkunarferlið er kafli sem heitir Aðlögunarviðræður. Kaflinn hefst á þessum orðum: “Fyrst er mikilvægt að undirstrika að hugtakið „samningaviðræður“ getur verið villandi. Aðlögunarviðræður beinast að skilyrðum og tímasetningum á inngöngu umsóknarríkis, framkvæmd og beitingu ESB-reglna, sem eru upp á 90.000 blaðsíður. Og þessar reglur (líka þekktar sem „acquis“, sem er franska yfir „það sem hefur verið ákveðið“) eru ekki umsemjanlegar. Fyrir umsóknarríki er þetta í grundvallaratriðum spurning um að samþykkja hvernig og hvenær eigi að framkvæma og beita reglum ESB og starfsháttum. Fyrir ESB er mikilvægt að fá tryggingu fyrir dagsetningu og skilvirkni innleiðingar umsóknarríkis á reglunum.““

[Sleggjan og Hvellurinn, 1.2.2012 kl. 17:40]

Ákvæðin eru skýr að vissu leyti. Svo fáum við sérlausnir. Útá það gengur samningsviðræðurnar. Ef ekkert um væri að semja þá væri enginn samningarmaður úti.

Svo er það rétt við þurfum að fara eftir reglum ESB í t.d lanbúnaði EFTIR inngöngu. Ekki fyrir inngöngu. En við þurfum samt að setja fram tímanlegar áætlanir hvernig við ætlum að breyta stjórnsýslunni ÞEGAR við göngum í ESB. Ekki áður.

Enda hefur enginn NEI-sinni getað bent á lög sem við höfum þurft að breyta varðandi ESB umsóknina.

En við breytum lögum mánaðarlega í gegnum EES samninginn. Höfum gert það í næstum 20ár.

[Ásthildur Cesil Þórðardóttir, 1.2.2012 kl. 20:47]

Enn frá pistum Björns:

"Af hálfu ESB er enginn skilningur á því að eitthvert ríki sæki um aðild að sambandinu án þess að hafa kynnt sér skilmála um framgöngu á umsóknarferlinu. ESB telur einfaldlega ekki unnt að hrófla við þessum skilmálum þótt fulltrúar þess hafi teygt sig til móts við Össur og félaga með orðaleikjum um aðlögun annars vegar og „tímasetta áætlun“ hins vegar.

 

Hjá ESB hafa menn vonað að þessi orðaleikur dygði til að aðlögun hæfist. Að nokkru leyti hefur það gerst. Jón Bjarnason, sjávarútvegs- og landbúnaðarráðherra, hefur þó ekki bitið nægilega fast á agnið að mati sambandsins. Um framhaldið verður meðal annars deilt á flokksþingi vinstri-grænna á Akureyri um næstu helgi."

[Sleggjan og Hvellurinn, 1.2.2012 kl. 21:50]

Ekki getur Björn nefnt nein lög sem Ísland hefur breytt varðandi umsóknina

[Sigurður M Grétarsson, 1.2.2012 kl. 23:16]

Ásthildur. Eins og kemur skýrt fram í þeim texta sem þú þýddir yfir á Íslesku að viðræðurnar ganga út á ákvarðanir um að setja fram tímasetta áætlun um innleiðingu ESB reglna en ekki að innleiða þær. Það gerist á þeim tíma sem líður frá því innganga er samþykkt þangað til að formlegri aðild verður og þá því aðeins ef innganga er samþykkt. Verði hún ekki samþykkt verður ekkert úr innleiðingu þessara reglna. Það er því rakið kjaftæði sú fullyrðing ykkar ESB andstæðinga að við séum í einhverjum aðlörunarviðræðum.

Enda er það svso að þú getur ekki svarað spurningunni frá Sleggjunni og Hvellinum um það hvaða lögum við höfum breytt vegna ESB umsóknar okkar. Það stafar einfaldlega af því að við höfum ekki breytt neinum lögum vegna hennar.

Hvað varðar óumsemjanleika ESB reglna þá hafa öll aðildarríki náð fram einhverjum breytingum á þeim í aðildarviðræðum sínum. Þær eru ekki óumbreytanlegri en það.

[Sigurður M Grétarsson, 1.2.2012 kl. 23:33]

Þórður Gústaf. Það liggur fyrir að það verður kosið um ESB samninginn og þar af leiðandi verður hann gerður opinber eins og reyndar allir aðrir aðildarsamningar eru. Aðldrasamningar ríkja við ESB eru ekki leyndarmál og eru allir aðgengilegir.

Núverandi stjórnvöld hafa virt niðurstöður beggja þeirra þjóðaratkvæðagreiðslna sem hafa farið fram á síðan þau tóku við. Þar er ég að tala um þjóðaratkvæðagreiðslurnar um Icesave. Þær voru alveg jafn mikið ráðgefandi en ekki bindandi eins og þjóðaratkvæðagreiðslan um ESB aðild verður og er það vegna þess að þingmenn Sjálfstæðisflokksins komu í veg fyrir að gerð væri nauðsynleg breyting á stjórnarskránni til að hægt væri að heimila bindandi þjóðaratkvæðagreiðslur sem ekki er heimilt í dag.

Til að við getum gengið í ESB þarf að breyta stjórnarskránni. Til þess þarf Alþingi að samþykkja breytinguna tvisvar og það þurfa að vera þingkosningar milli beggja atkvæðagreiðslna. Stjórnvöld geta því ekki komið Íslandi inn í ESB án þess að kjósendur hafi nokkuð um það að segja því reyni Alþingi fyrir þingkosningar að breyta þeim ákvæðum stjórnarskrárinnar sem koma í veg fyrir að við getum gengið í ESB þá geta kjósendur komið í veg fyrir það að Alþingi geti gert það í annað sinn með því að kjósa ekki þá þingmenn sem eru hlynntir breytingunni í þeim kosningum sem þurfa að fara fram á milli atkvæðagreiðslna um stjórnarskrárbreytinguna.

Jafnvel þó þetta væri ekki að stoppa það að stjórnvöld geti komið Íslandi í ESB gegn vilja almennings þá er það svo að það er ekki bara Alþingi Íslands sem þarf að samþykkja aðild svo við getum gengið í  ESB heldur þurfa öll hin 27 eða væntanlega 28 aðildarríkin að samþykkja það. Öll þessi ríki eru lýðræðisríki og mörg þeirra með bæði langa og ríka lýðræðishefð. Það er alveg á hreinu að ef meirihluti kjósenda hafnar inngöngu í ESB í þjóðaratkvæðagreiðslu en Alþingi smþykkir það samt þá mun einhver þessara þjóða nota neitunarvald sitt til að koma í veg fyrir að við förum gegn vilja kjósenda með þeim hætti.

Hvað varðar spurningu þína um það hvort ég geti lagt mannorð mitt að veði fyrir því að það sem ég nefndi sem hræðsluáróður muni aldrei gerast þá er það svo að það er erfitt að spá og þá sérstaklega um framtíðina. Vissulega er ekki hægt að útiloka neitt af þessu þó það sé mjög ólíklegt að nokkuð af þessu gerist enda hefur ekkert af þessu gerst í hálfrar aldar sögu ESB og engin teikn á lofti um að nokkuð af þessu muni gerast.

Hitt er annað mál að við getum ekki tekið afstöðu út frá einhverju sem hugsanlega mögulega gerist en er mjög ólíklegt að gerist svo vægt sé til orða tekið. Það felst líka mikil áhætta í því að standa utan ESB. Gleymum því heldur ekki að ef svo ólíklega vill til að ESB reglum verði breytt á einhvern þann þátt að okkur verði illstætt þar inni þá getum við alltaf gengið úr ESB. Það er opin leið fyrir allar ESB þjóðir að ganga aftur úr ESB og það var meira að segja verið að búa til sérstaka ferla fyrir slítk í Lissabon sáttmálanum til að gera slíkt enn auðveldara. Það segir hins vegar mikið um ESB að í hálfrar aldar sögu samakanna hefur engin þjóð gengið úr þeim sem gengið hefur þar inn.

[Sigurður M Grétarsson, 1.2.2012 kl. 23:36]

Ásthildur. Það sem gerðist einfaldlega í Króatíu var það að þegar aðildarsamningur lá fyrir þá gerði þjóðin sér grein fyrir því hversu mikið bull, mýtur og hræðsluáróður málflutningur ESB andstæðinga var og því skiptu margir um skoðun sem höfðu verið andsnúnir inngöngu. Það sama er líklegt að gerist hér þegar samningurinn liggur fyrir og það er þess vegna sem ESB andstæðingar eru að berjast með svo miklum krafti gegn því að aðildarviðræðurnar verði kláraðar.

Innganga í ESB styrkir lýðræðið í Króatíu en veikir það ekki eins og þú ert að halda fram. Þó Króatía gangi í ESB verður landið áfram sjálfstætt og fullvalda eins og öll önnur ESB ríki eru í dag.

[Benni (IP-tala skráð) 2.2.2012 kl. 02:37]

Svörtustu spár rætast ekki fyrr en það er búið að lokka alla inn. og þá hægt og sígandi.

[Sigurður M Grétarsson, 5.2.2012 kl. 18:59]

Benni. Það eru aðildaþjóðir ESB sem stjórna ESB en ekki öfugt. Svo má ekki gleyma því að ef svörtustu spár rætast þá geta aðildaþjóðir sem ekki telja hags sínum lengur betur borgið innan ESB en utan einfaldlega gengi aftur úr ESB.