Þvílíkt bull hjá Friðriki.

Það er nákvæmlega ekkert sem bendir til þess að rekstur sjávarútvegsfyrirtækja verði óhagkvæmari verði útgerðarmenn látnir borga eðlilegt gjald fyrir sínar veiðiheimildir. Þvert á móti þá munú útgerðafrélög þurfa að hagræða í rekstri sínum til að lifa af. Einhverjar þeirra munu hugsanlega verða gjaldrota en þá munu einfaldlega aðrar og betur reknar útgerðir taka yfir veiðiheimildir þeirra og þannig mun verða hagræðing í rekstri sjávarútvegsfyrirtækja hér á landi.

Þessar breytingar munu því ekki leiða til versnandi lífskjara hér á landi heldur munu þær þvert á móti bæta lífkjör hér á landi því þær leiða til þess að stærri hluti auðlindarentunnar fer til samfélagslegra verkefna í stað þess að fara í vasa útgerðarmanna og þeirra sem lánuðu þeim fyrir kvótakaupum í formi vaxta af þeim lánum.

Vissulega munu takmarkanir við framsali veiðiheimlda draga úr hagkvæmni en það mun lagast að mestu leyti .þegar leigupotturinn stækkar. Þó væri betra ef þær takmarkanir væru minnkaðar.

Annar galli við fyrirliggjandi frumvarp er einmitt hversu lítill leigupotturinn verður í upphafi enda nægir hann varla til að standa almennilega undir nýliðun í greininni. Það lagast vonandi fljótlega.

Versti gallinn er þó allt of langur tími nýtingarsamninga. Það er lágmarkskrafa að eftir 20 ár standi allar útgerðir jafnar þannig að núverandi kvótahafar hafi engan forgang fram yfir þær útgerðir sem nú eru kvótalausar þegar það tímabil er liðið. 

„Kallast varla réttlæti“

Athugasemdir

[Björn Jónsson, 31.3.2012 kl. 16:54]

Já þú kallar þig Jafnaðar mann. Já vissulega er það jöfnuður að draga alla niðrá lægsta plan. Ég hef verið lengi til sjós, þó ég telji mig ekki til neins fræðings á því sviði. Hvernig sem kerfið á að vera sem stíra þarf þessu batteríi þarf skip, og þá meina ég SKIP en ekki TRILLUR til að ná þeim verðmætum sem hafið í kringum landið okkar getur gefið af sér, á skynsaman hátt. Íslendingar eru rétt að byrja að ræða um auðlindir sínar, þær eru nefnilega miklu fleiri en bara í hafinu. Ég er ekki BLÍANTSNAGARI eins og þú, hef oftast unnið á gólfinu ( þar sem hráefnin verða að verðmætum ) en þið vitið allt betur, því hef ég kynnst ( með því að MÍGA í sjóinn veistu allt betur en sá er vinnur við fiskveiðar) Passaðu þig svo á, að hafa nóg af blíöntum við hendina þegar þú útdeilir visku þinni hér á blogginu.

[Geir Ágústsson, 31.3.2012 kl. 17:47]

Bloggarinn gerir sér ekki grein fyrir því að rekstraráætlanir (fjárfestingar, lántökur, viðskiptalíkan osfrv.) hafa miðast við eina tegund kerfis, og að núna er verið að setja á eitthvað allt annað kerfi. Rekstraráætlunum má því henda út um gluggann. Þeir sem sjá fram á að þurfa gera það, þeir líta á tölurnar og sjá að reksturinn er á leið í sögubækurnar.

Bloggari ætti e.t.v. að ímynda sér ef ríkisvaldið setti sértækan skatt á hann sem nemur nánast öllu því sem hann hefur á milli handanna á mánuði ("eðlilegt gjald" með orðum bloggara) og reyna að ímynda sér hvernig hann brygðist við því.

[sigkja (IP-tala skráð) 31.3.2012 kl. 19:51]

Nú hefur þjóðin lagt í töluverðan kostnað við menntun viðskiptafræðinga. Sumir vilja kalla það frárfestingu. Nú er ef til vill tími til kominn að fá okkar sanngjarna arð af þeirri fjárfestingu. Setjum viðskiptafræðinga á hærra skattþrep og gerum fyrirtækjunum sem þeir vinna hjá að greiða sanngjörn 60% til 90% af hagnaði eftir skatta fyrir afnotin af fjárfestingu okkar. Það hlítur að vera réttlætismál og sanngjarnt að þjóðin fái arðinn af fjárfestngunni, eigninni. Og það er nákvæmlega ekkert sem bendir til þess að rekstur fyrirtækja verði óhagkvæmari verði þau látin borga eðlilegt gjald fyrir afnotin.

[Ásgrímur Hartmannsson, 31.3.2012 kl. 21:58]

Þetta er alveg rétt hjá Friðriki.  Nýja kerfið mun rústa öllu nema allra stærstu vinnzlunum, og þær sem eftir verða staðna.

[Bergur (IP-tala skráð) 1.4.2012 kl. 11:44]

Hvað með það fjármagn sem runnið hefur og rennur út úr greininni í formi fjárfestinga alls óskild henni svo sem kaup á hlutabréfum í dauðvona bönkum, útgerð á áróðurspésum ss MBL ofl.ofl. Það sýnir okkur að það er til peningar sem alveg eins mættu nýta í þágu samfélagsins.

[Sigurður M Grétarsson, 1.4.2012 kl. 14:22]

Björn Jónsson. Það er ekki verið að draga neinn niður á eitthvert lægsta plan jaflvel þó útgerðarmenn verði að greiða eðlilegt gjald fyrir veiðileyfi sín.

Ef við viljum hámarka nettó gjaldeyristekjur af fiskveiðiauðlindinni þá þurfum við að lækka erlendan kostnað við að vinna hana svo fremi að það komi ekki niður á verðmæti hennar. Trillur eyða helmingi minni olíu á hvert veitt tonn og hráefni þeirra er ekki lakara en hráefni frá stærri skipum. Þar að auki eru alverleg slys færri á hvert veitt tonn hjá trillum heldur en á stærri skipum. Við ættu því einmitt að taka all sem við getum með trillum og láta stóru skipin aðeins veiða það sem við getum ekki með góðu móti náð í á trillum og smærri bátum.

Geir Ágústsson. Ég er alveg sammála þessu með rekstraráætlanirnar og tel því að of bratt sé farið í að taka upp gjald fyrir veiðileyfi. Ég tel því að þetta gjald ætti að vera lægra fyrstu árin en að endingu ætti auðlindarentan að fara til þjóðarinnar en ekki til útgerðamanna. Þeir eiga hins vegar að fá eðlilegan arð af fjárfestingum sínum en það er tekið á því í því lagafrumvarpi sem nú er til umfjöllunar.

Sigkja. Þeir sem hafa góða menntun eru oftast með hærri laun en þeir sem eru með minni menntun og greiða því hærra hlutfall sitt í skatta. Hitt er annað mál að gjald fyrir veiðileyfi á fiskum í sjó er ekki skattur frekar en gjald fyrir veiðileyfi á laxi í laxveiðiá. Þetta er einfaldlega gjald fyrir afnot af verðmætum rétt eins og húsaleiga er en hún hefur hintað til ekki verið flokkuð sem skattur.

Ásgrímur Hartmannsson. Getur þú fært rök fyrir því að hærra gjald fyrir veiðileyfi muni rústa öllu nema stærstu vinslunum og að greinin muni staðna?