Er gert ráð fyrir innborgunum úr eignum Landsbankans á þessari síðu?

Miðað við málfutning aðstandanda þessarar síðu þá er ekki gert ráð fyrir neinum innborgunum inn á skuldina, sem komi úr eignasafni Landsbankans á tímabilinu. Þetta er því klárlega ekki síða til upplýsinga heldur er þetta áróðurssíða.

Icesave-skuldaklukka

Athugasemdir

[Hjörtur J. Guðmundsson, 23.6.2009 kl. 14:56]

Það eru algerlega óþekktar stærðir. Fæstir vita einu sinni hvað er í þessu eignasafni hvað þá meira. Þess utan kunna sennilega flestir að draga frá, þú þar á meðal. Ef þeir telja sig vita hvaða tölu á að draga frá þá geta þeir það væntanlega sjálfir, ekki satt?

[B Ewing, 23.6.2009 kl. 14:57]

Það er ekki búiða ð borga neitt ennþá held ég, þannig að athugasemdin er ótímabær hjá þér...

[Sigurður M Grétarsson, 23.6.2009 kl. 15:26]

Það er alveg rétt að það er ekki búið að greiða neitt ennþá en þarna var einn viðmælandanna að framreikna þetta til ársins 2015 miðað við að ekki sé um neinar innborganir að ræða. Það segir mér að þeir séu ekki að gera ráð fyrir slíku og geri ráð fyrir því að ekki sé reitur til að slá slíkt inn í hönnun þessarar vefsíðu. Þess vegna segi ég að þessi síða sé ekki búin til til upplýsinga fyrir fólk heldur í áróðursskyni.

[Haraldur Hansson, 23.6.2009 kl. 16:07]

Þú getur valið prósentutölu fyrir hve hátt hlutfall skuldanna greiðist með eignum Landsbankans.

Mér sýnist að gert sé ráð fyrir að sú fjárhæð komi inn sem eingreiðsla á árinu 2016. Það er galli, en því miður ekki nokkur leið að setja þetta upp á öruggan hátt. Þess vegna er síðan fín svo langt sem hún nær.

Þú getur líka still dæminu upp svona:

• Ef 83% fást upp í skuldirnar (sem er mikil bjartsýni)
• Árlega fást eignir sem dekka áfallna vexti (sem er hóflegt)
• Gengi GBP og EUR eins og það er í dag
• Vextir eru 5,55%

Þá færðu þessa greiðslubyrði:

  2017  =  kr. 76.177 milljónir
  2018  =  kr. 73.225 milljónir
  2019  =  kr. 70.273 milljónir
  2020  =  kr. 67.321 milljón
  2021  =  kr. 64.369 milljónir
  2022  =  kr. 61.417 milljónir
  2023  =  kr. 58.466 milljónir
  2024  =  kr. 55.501 milljónir

Til samanburðar þá má meta heildarverðmæti alls þorskafla á Íslandsmiðum, m.v. 150 þús. tonna kvóta, um 50,7 milljarða á ári. Minna en síðasta IceSave greiðslan.

Það þarf engan snilling til að sjá að þetta er klikkun!

[Birnuson, 24.6.2009 kl. 13:34]

Haraldur, er ekki raunhæfara að gera ráð fyrir lægra hlutfalli upp í skuldina en á hinn bóginn sterkari krónu með tilliti til þess að gengi krónunnar er í sögulegu lágmarki? Hver yrði t.d. niðurstaðan ef 50% gengju upp í skuldina en meðalgengi GBP og EUR væri 125 og 140?

[Birnuson, 24.6.2009 kl. 13:35]

Leiðrétting: meðalgengi GBP 140, evrunnar 125.

[Haraldur Hansson, 24.6.2009 kl. 14:09]

Jú Birnuson, það er allt hægt.

Ef ég set inn þessar þrjár breytingar sem þú nefnir verður útkoman enn verri. Fyrsta greiðsla eftir "sjö ára skjól" verður 80,6 milljarðar og sú síðasta 58,7 milljarðar. Það þyrfti 5,8% fleiri "sterkar" krónur.

Því miður held ég að þú hafir nokkuð til þíns máls með því að skoða 50% dæmi frekar en 83%. Held að það verði nær lagi.

Þar sem skuldirnar eru allar í erlendri mynt þarf að afla gjaldeyris til að greiða þær. Breytingar vegna gengis krónunnar þarf að meta í ljósi þess. Líklega er besti mælikvarðinn að hafa þetta í erlendri mynt og bera saman við útflutningstekjur. Útkoman verður því miður alltaf óbærileg, sama hvernig blaðinu er snúið.

[Birnuson, 24.6.2009 kl. 15:38]

Kærar þakkir fyrir svarið. Já, eftir sem áður er stærsta spurningin hversu mikið fæst fyrir Landsbankaeignirnar. Kannski þurfum við að bíða lengi eftir svarinu.