Er gert ráð fyrir innborgunum úr eignum Landsbankans á þessari síðu?

Miðað við málfutning aðstandanda þessarar síðu þá er ekki gert ráð fyrir neinum innborgunum inn á skuldina, sem komi úr eignasafni Landsbankans á tímabilinu. Þetta er því klárlega ekki síða til upplýsinga heldur er þetta áróðurssíða.

Icesave-skuldaklukka

Það er gott að ljúga í Kópavogi

"Það er gott að ljúga í Kópavogi" eru þau orð, sem helst koma upp í hugan þegar maður sér Gunnar Birgisson tala nú um stundir.

 

Um daginn sagði vinnufélagi minn við mig "það er gott á þig að búa í Kópavogi". Þetta var að sjálfsögðu sagt í gríni og mér skils að við íbúar í Kópavogi fáum svolítið að heyra þetta nú um stundir.

 

Ætlar þessi farsi ekki að fara að taka enda? Hvenær losnum við íbúar í Kópavogi við spiltasta stjórnmálamann á Íslandi úr bæjarstjórastóli?

Segja Gunnar ekki ætla að axla ábyrgð

Flýting en ekki aukning skatttekna?

Ég hef nú ekki séð nákvæma útfærslu á þessari hugmynd sjálfstæðismanna en eins og ég skil hana í fréttum þá er um það að ræða að greiddur er strax skattur af greiddu iðgjaldi í lífeyrissjóð í stað þess að greiða hann þegar upphæðin er tekin út. Þarna er því ekki verið að auka skatttekjur heldur aðeins verið að láta þær koma fyrr inn.

 

Reyndar missir ríkissjóður af skattlagningu á úttekt ávöxtunar lífeyrissjóðanna frá því greitt er inn þangað til greitt er út. Ef ávöxtunin er hærri en vaxtakjör ríkissjóðs eru þá er það tap fyrir ríkissjóð.

 

Á móti kemur að í þeim tilfellum, sem lífeyrissjóðstekjur skerða bætur almannatrygginga það mikið að þær fara niður fyrir skattleysismörk þá græðir ríkissjóður á því að hafa skattlagt meira meðan tekjur voru yfir skattleysismörkum en sleppa skattlagningu þegar tekjurnar eru hvort eð er að hluta undir skattleysismörkum.

 

Það að fara nú út í aðgerðir til að fá skatttekjur fyrr inn en ella kann að hljóma skynsamlega en gallin er sá að þetta gerir börnunum okkar erfiðara fyrir að ná endum saman í ríkisrekstri þegar stærstur hluti tekna stórs hluta þjóðarinnar er undanþegin tekjuskatti. Eftir nokkra áratugi verða eldri borgarar orðnir stór hluti þjóðarinnar og greiðslur frá lífeyrissjóðum verða meginhluti tekna þeirra. Þá munu þeir, sem þurfa að standa undir samneyslu þjóðarinnar kunna okkur litlar þakkir fyrir að hafa breytt kerfinu með þessum hætti.

 

Ég óttast því að með þessari leið sé verið að pissa í skóinn.

Tekur undir tillögu um skattlagningu lífeyrissjóðstekna

Til hamingju Herbert og Svala

Ég óska ykkur til hamingju með þessa niðurstöðu. Réttlætið sigraði að lokum. Ég geri ráð fyrir að þó þið séuð skilin að þetta skipti ykkur bæði miklu máli fjárhagslega. Vonandi verður sá lögfræðikostnaður, sem þið þurfið að greiða ekki mjög mikið hærri en sá lögfræðikostnaður, sem þið fáið dæmdan úr hendi húsfélagsins. Þó má alltaf gera ráð fyrir að menn sitji uppi með einhvern skell hvað það varðar þó maður vinni málið.

Herbert þarf ekki að greiða þakviðgerð

Þetta er rándýr og með eindæmum óskilvirk leið til að leysa vanda skuldugra heimila.

Þessi flata 20% niðurfellingarleið framsóknarmanna er með eindæmum dýr og óskilvirk leið til að leisa vanda skuldugra heimila. Hún mun kosta skattgreiðendur og greiðsluþega lífeyrissjóða hundruði milljarða króna og það munu aðeins þeir best settu meðal skuldara, sem hagnast á henni. Hinir verst settu fá ekkert út úr þessu en þurfa, sem skattgreiðendur að standa skil á hundraða milljarða króna kostnaði við að standa straum af skuldarniðurfellingu hinna betur settu.

 

Það er þvæla, sem framsóknarmenn hafa haldið fram að þetta kosti ríkissjóð ekki neitt. Það er ekki hægt að nota afföll af skuldabréfasafni, sem talið er þörf á til að mæta útlánatapi vegna þeirra, sem ekki geta greitt sínar skuldir í eitthvað annað en það. Það sýndi ég með einföldu dæmi á bloggsíðu minni fyrir nokkru. Það má sjá hér:

 

http://siggimaggi.blog.is/blog/siggimaggi/entry/862310/#comments

 

Staðreyndin er sú að kostnaðurinn við niðurfellingu skulda þeirra, sem eru borgunarmenn fyrir sínum skuldum verður hreinn viðbótakostnaður við þann kostnað við óhjákvæmilega niðurfellingu skulda til þeirra, sem eru ekki borgunarmenn fyrir sínum skuldum.

 

Framsóknarmenn hafa farið mikinn með þetta mál og komið fram með ýmsar blekkingar varðandi afleiðingar þessarar leiðar sinnar fyrir íslenskt efnahagslíf. Meðal annars hafa þeir sett fram nokkrar slíkar á heimasíðu sína. Hér má sjá blogg mitt þar, sem ég fer yfir þessar blekkingar þeirra.

 

http://siggimaggi.blog.is/blog/siggimaggi/entry/863214/#comments

 

Staðreyndin er sú að það stendur ekki steinn yfir steini varðandi þessa flötu 20% niðurfellingarleið framsóknarmanna. Hún er sambærileg við það að bregðast við því 10% atvinnuleysi, sem við búum nú við með því að greiða atvinnuleysisbætur til allra verkfærra einstaklina óháð því hvort þeir eru atvinnulausir eða ekki. Sú leið kann að hljóma vel í eyrum sumra en gallinn við hana er sú að hún er rándýr og 90% af útgjöldunum fara annað en stuðning við atvinnulausa. Þar með munu skattgreiðendur ekki ráða við neinn alvörustuðning við atvinnulausa og verður staða þeirra því mun verri en ef farin er skilvirkari leið til að leisa vanda þeirra.

Niðurfelling þýðir kollsteypu

Og hvað mun 20% niðurfellingaleiðin hjálpa stórum hluta þessara einstaklinga?

Alvarleg vanskil merkir væntanlega að viðkomandi getur greitt minna en 80% af sínum skuldum. Ef maður getur greitt 80% eða meira ætti að vera tiltölulega auðvelt að semja um skulduirnar. Því mun 20% niðurfellingarleið framsóknarmanna væntanlega ekki gera neitt fyrir þetta fólk. Það eru nefnilega einungis þeir, sem geta greitt meira en 80% af sínum skuldum, sem munu hagnast á 20% niðurfellingarleið framsóknarmanna.

 

Hvað varðar þessa aukningu vanskila þá vantar alveg inn í þessar tölur hvað þetta eru margir einstaklinega eða hvað þetta er stórt hlutfall einstaklinga með skluldir. Ef alvarleg vanskil voru hjá 0,1% einstaklinga fyrsta ársfjórðung ársins 2008 þá þýðir sjöföldun að sú tala hefur hækkað upp í 0,7%. Hafi það verið 0,5% einstaklina, sem var í þessum vanda á fyrsta ársfjórðungi ársins 2008 þá eru það 3,5% í dag. Það er ekki hægt að lesa neitt af viti úr þessari frétt hversu mikill þessi vandi er. Spurningin er hvort þær upplýsingar hafi verið í ræðu Sigmundar og fréttamaðurinn sleppt þeim eða hvort þarna hafi vantað aðaltölurnar í ræðu Sigmundar.

Fjöldi alvarlegra vanskila hefur sjöfaldast

Skiptið ykkur ekki að því, sem ykkur kemur ekki við.

Skiptið ykkur ekki að því, sem ykkur kemur ekki við, eru þau svör, sem íslensk stjórnvöld eiga að viðhafa þegar Kínverjar eru að skipta sér að samskiptum íslenskra ráðamanna við Dalai Lama. Við eigum að sjálfsögðu að taka með pompi og prakt á móti þessum merka friðarsinna og handhafa friðarverðlauna Nóbels. Við eigum að sjálfsögðu að taka stöðu með kúgaðri og hernuminni þjóð en ekki með kúgurum þeirra og hernámsveldi.

 

Það er ansi aumt þegar viðskiptahagsmunir eru farnir að standa í vegi fyrir samstöðu okkar Íslendinga með mannréttindum. Tíbetar hafa verið hernumdir í 60 ár og hafa þurft að þola grimmilega kúgun, fjöldamorð, og skipulagðri eyðingu allra þeirra þjóðareinkenna og þjóðararfleið. Það er með skipulegum hætti verið að reyna að gera Tíbeta að Kínverjum og þannig í raun að eyða Tíbetum, sem þjóð. Þetta er ekkert annað en þjóðarmorð.

 

Hvernir væri að íslenskir ráðamenn fari að hætta rassasleikjum við þá blóðþyrstu villimenn, sem ráða ríkjum í Kína og standi með fórnarlömbum þeirra. Þeir stjórmálamenn, sem hafa hitt Dalai Lama og þannig sýnt stuðning við baráttu Tíbeta gegn hinu grimmlega hernámi Kínverja eiga heiður skilin. Þeir voru því miður allt of fáir. Aumir eru þeir ráðherrar, sem áttu heimangengt til að hitta Dalai Lama en gerðu það ekki. Þeir tóku stöðu með kúgurunum gegn hinum kúguðu.

Mótmælum komið á framfæri við sendiherra

Hvað með eðlilega þróun byggða Palestínumanna í Austur Jerúsalem?

Ísraelar réttlæta hér enn meiri byggðir sínar á stolnu landi með því að það þurfi að heimila "eðlilega þróun byggðar" á þessum stöðum. Þeir hafa hins vegar aldrei heimilað Palestínumönnum að byggja hús í Austur Jerúsalam þá rúmu fjóra áratugi, sem þeir hafa haldið henni hernundri. Þeir heimila hins vegar auknar byggðir gyðinga á því stolna landi.

 

Þetta er ekkert annað en þjóðernishreinsun, sem þarna fer fram í Austur Jerúsalem, framkvæmt með það í huga að styrkja samningsstöðu Ísraela um borgina þegar til friðarsamninga og stofnunar ríkis Palestínumanna kemur.

 

Það sama á við um þessar nýju gyðingabyggðir Ísraela á hernumdu svæði á Vesturbakkanum. Þessum byggðum er einmitt ætlað það hlutverk að styrkja samningsstöðu ísraela þegar kemur að skiptingu landsins milli Ísraels óg nýs ríkis Palestínu. Það segir mér það engin að ekki séu til svæði innan löglegra landamæra Ísraels, sem hægt sé að byggja húsnæði fyrir þetta fólk. Ísraelar ættu ekki að vera að þenja út ólöglegar byggðir sínar á hernumdum svæðum heldur ættu þeir að vera að leggja þær niður, sem eru þar fyrir.

 

Þessar byggðir þeirra á hernumdum svæðum eru ekki bara ólöglegar samkvæmt alþjóðalögum heldur er vera þeirra líka með öllu siðlaus. Það er ekkert til, sem réttlætir eina einustu þeirra.

Ísraelar svara Clinton

Förum úr fríðindasamkeppni yfir í verðsamkeppni. Látum korthafan greiða kostnaðinn.

Ég tel að það eigi að banna það með lögum að söluaðili sé látin greiða þóknun vegna notkunar bæði debit- og kreditkorta. Ég tel að það eigi að láta korthafan greiða allan kostnaðinn. Ef það er gert þá fer samkeppni kortafyrirtækja úr samkeppni um fríðindi yfir í hreina verðsamkeppni í þjónustugjöldum. Þar með munu þjónustugjöld lækka verulega. Þetta mun lækka vöruverð um, sem nemur sparnaði söluaðila vegna þess að þeir sleppa við þjónustugjöldin. Þar með munu meira að segja þeir, sem nota þessi kort spara svo ekki sé talað um þá, sem ekki nota kort.

 

Mér skilst að Amerikan Express séu með langhæstu þjónustugjöldin og á móti langmestu fríðindin fyrir korthafa. Með því að viðskiptavinir færi sig yfir í AE til að fá meiri fríðindi þá eykst kostnaður söluaðila við þjónustugjöld og það leiðir til hækkaðs vöruverðs.

Vilja láta stöðva auglýsingu Kaupþings

Á að svíkja flóttamennina?

Þessir flóttamenn eiga skýlausan rétt til að snúa aftur heim samkvæmt alþjóðalögum og einnig samkvæmt margítrekaðri ályktun 194 hjá Sameinuðu þjóðunum. Af hverju stafar þessi endalausa linkind alþjóðasamfélagsins við hernámsríkið Ísrael?

 

Af hverju er ekki beitt meiri hörku í að þvinga Ísraela til að hleypa flóttamönnunum aftur heim?

Af hverju er ekki beitt meiri hörku í að þvinga Ísraela til að yfirgefa ólögleg hernámssvæði sín?

Af hverju er látið nægja að krefjast þess að Ísraelar yfirgefi aðeins helming ólöglegra hernámssvæða sinna? Af hverju er aðeins verið að óska eftir því að fá aftur víglínuna frá 1967 en ekki þau landamæri Ísraels og ríkis araba, sem Sameinuðu þjóðirnar ákváðu árið 1947? Það land, sem ríki gyðinga fékk úthlutað samkvæmt þeirri samþykkt eru einu löglegu landamæri Ísraela. Hernám Ísraela í stríðinu 1948 og 1949 er jafn ólöglegt og hernám þeirra í sex daga stríðinu árið 1967. Því eru hernámssvæði þeirra frá stríðinu 1948 og 1949 jafn ólöglegt hernám og hernám þeirra í sex daga stríðnum.

 

Það er því sjálfsögð og eðlilg krafa gagnvart Ísraelum að þeir yfirgefi öll svæði utan þess lands, sem þeim var úthlutað af Sameinuðu þjóðunum árið 1947 og að þeir hleypi öllum palestínskum flóttamönnum, sem þess óska, aftur til þeirra svæða, sem þeir voru hraktir frá í þjóðernishreinsunum stofnenda Ísraelsríkis á þeim svæðum, sem þeim var úthlutað og þeir hernámu.

Arabar endurskoða friðartillögur sínar